Galatasve 4:1-5

Dua të them se, për aq kohë sa trashëgimtari është i mitur, nuk dallon fare nga skllavi, ndonëse është pronari i gjithçkaje. Ai është nën kujdestarë e mbikëqyrës deri në kohën e caktuar nga i ati. Po ashtu edhe ne, kur ishim të mitur, kemi qenë skllevër të parimeve të botës. Por, kur erdhi koha e caktuar, Perëndia dërgoi Birin e tij. Ai lindi nga një grua dhe iu nënshtrua ligjit, për të shpenguar ata që ishin nën ligj e që ne të birësohemi.