2 ಕೊರಿಂಥ 7
7
1ಪ್ರೀತಿರ ಜನಳೇ, ಇನ್ನತಾನ ವಾಗ್ದಾನವೆಲ್ಲ ನಂಗಕ್ ಉಳ್ಳಗುಂಡ್, ತಡಿ ಪಿಂಞ ಆತ್ಮತ್‌ನ ಅಶುದ್ದ ಮಾಡ್‌ವ ಎಲ್ಲಾನ ಕಳೆಂದಿತ್ ಶುದ್ದಮಾಡಿಯಂಡ್, ಪವಿತ್ರವಾಪದ್‍ಲ್, ದೇವಡ ಮೇಲೆ ಉಳ್ಳ ಪೋಡಿಲ್ ಪೂರ್ತಿಯಾಯಿತ್ ಬೊಳಿಯನ.
ಸಬೆ ಮನಸ್ಸ್ ತಿರಿಗಿತ್ ಬಪ್ಪದ್‍ಲ್ ಪೌಲಂಡ ಕುಶಿ
2ನಿಂಗಡ ಮನಸ್ಸ್‌ಲ್ ನಂಗಕ್ ಜಾಗ ಕೊಡಿ; ನಂಗ ಒಬ್ಬಂಗು ಅನ್ಯಾಯ ಮಾಡಿತ್‌ಲ್ಲೆ, ಒಬ್ಬಂಗ್ ಸಹ ಕ್‍ೕಡ್ ಮಾಡಿತ್‌ಲ್ಲೆ, ಒಬ್ಬಂಗು ವಂಚನೆ ಮಾಡಿತ್‌ಲ್ಲೆ. 3ನಿಂಗಳ ಕುತ್ತ ಪರಿಯುವಕಾಯಿತ್ ನಾನ್ ಇನ್ನನೆ ಎಣ್ಣಿಯಂಡಿಲ್ಲೆ; ಎನ್ನಂಗೆಣ್ಣ್‌ಚೇಂಗಿ, ನಿಂಗಡ ಕೂಡೆ ಬದ್‌ಕ್‍ವಕು ಚಾವಕು ನಂಗಡ ಹೃದಯತ್‍ಲ್ ನಿಂಗ ಉಳ್ಳಿರಾಂದ್ ಮಿಂಞಲೇ ನಾನ್ ಎಣ್ಣ್‌ನ. 4ನಿಂಗಡ ವಿಷಯತ್ ನಾಕ್ ದುಂಬ ದೈರ್ಯ ಉಂಡ್; ನಿಂಗಡ ವಿಷಯತ್ ದುಂಬ ಹೆಮ್ಮೆ ಪಟ್ಟಂಡುಳ್ಳ. ನಾಕ್ ದುಂಬ ಪುರ್‌ಡ್ ಕ್‍ಟ್ಟಿತುಂಡ್, ನಂಗಕ್ ಆನ ಎಲ್ಲಾ ಹಿಂಸೆಲು ನಿಂಗ ನನ್ನ ದುಂಬ ಕುಶಿಪಡ್‍ತಿತುಳ್ಳಿರ.
5ಎನ್ನನೆ ಎಣ್ಣ್‌ಚೇಂಗಿ, ನಂಗ ಮಕೆದೋನ್ಯ ಪ್ರಾಂತ್ಯಕ್ ಬಪ್ಪಕ, ನಂಗ ಆರಾಮ್‍ಲ್ ಇಪ್ಪಕ್ ಒರ್ ಜಾಗವು ಕ್‍ಟ್ಟಿತ್‌ಲ್ಲೆ. ಎಲ್ಲಾ ದಿಕ್ಕಿಂಜಲೂ ಹಿಂಸೆ ಇಂಜತ್; ಪೊರಮೆ ಪೋರಾಟವು, ಒಳ್‍ಕ್ ಪೋಡಿಯು ಇಂಜತ್. 6ಆಚೇಂಗಿಯು, ತಳ್ಂದ್ ಪೋಪಯಿಂಗಕ್ ಪುರ್‌ಡ್ ಕೊಡ್‍ಪ ದೇವ, ತೀತ ಬಂದ ಮೂಲಕ ನಂಗಕ್ ಪುರ್‌ಡ್ ಕೊಡ್‍ತತ್. 7ಅಂವೊ ನಂಗಡ ಪಕ್ಕ ಬಂದಗುಂಡ್ ಮಾತ್ರ ಅಲ್ಲತೆ, ನಿಂಗ ಅಂವೊಂಗ್ ಪುರ್‌ಡ್ ಕೊಡ್‍ತದ್‍ನ ನಾಕ್ ಎಣ್ಣ್‌ಚಿ. ನಿಂಗ ನಂಗಡ ಮೇಲೆ ಬೆಚ್ಚಿತುಳ್ಳ ಆಸೇನ, ನಿಂಗಡ ದುಃಖತ್‍ನ, ನಾಡ ವಿಷಯತ್ ನಿಂಗಡ ಬಲ್ಯ ಕನಿಕರತ್‍ನ ಅಂವೊ ಎಣ್ಣುವಕ, ನಾಡ ಕುಶಿ ಇಂಞು ಜಾಸ್ತಿ ಆಚಿ.
8ಆನಗುಂಡ್ ನಾನ್ ನಾಡ ಕಾಗದತ್‍ರ ಮೂಲಕ ನಿಂಗಳ ದುಃಖ ಪಡ್‍ತ್‍ಚೇಂಗಿಯು, ಅದ್ಂಗಾಯಿತ್ ನಾನ್ ಪಶ್ಚಾತಾಪ ಪಟ್ಟಿತ್‌ಲ್ಲೆ. ನಾನ್ ಪಶ್ಚಾತಾಪ ಪಟ್ಟತೇಂಗಿಯು, ಚೆನ್ನ ಸಮಯಕ್ ಮಾತ್ರ ಅದ್ ನಿಂಗಳ ದುಃಖಪಡ್‍ತ್‍ಚೀಂದ್ ನಾಕ್ ಗೊತ್ತುಂಡ್. 9ಆಚೇಂಗಿಯು ನಿಂಗಕ್ ದುಃಖ ಆಚೀಂದ್ ಕುಶಿ ಪಡತೆ, ನಿಂಗ ದುಃಖ ಪಟ್ಟಿತ್ ಪಶ್ಚಾತಾಪ ಪಟ್ಟಗುಂಡ್ ಇಕ್ಕ ಕುಶಿ ಪಡುವಿ. ಎನ್ನಂಗೆಣ್ಣ್‌ಚೇಂಗಿ ದೇವಡ ಚಿತ್ತತ್‍ರನೆಕೆ ದುಃಖ ಪಟ್ಟಗುಂಡ್, ನಂಗಡಗುಂಡ್ ನಿಂಗಕ್ ಏದ್ ನಷ್ಟವು ಆಯಿತಿಲೆಲ್ಲ. 10ದೇವಕಾಯಿತ್ ಉಳ್ಳ ದುಃಖ ಪಶ್ಚಾತಾಪ ಪಡುವನೆಕೆ ಮಾಡಿತ್ ರಕ್ಷಣೆನ ತಪ್ಪ. ಅದ್‍ಲ್ ದುಃಖ ಪಡುವನೆಕೆ ಒಂದು ಇಲ್ಲೆ. ಆಚೇಂಗಿ ಲೋಕತ್‍ರ ದುಃಖ ಚಾವ್‍ನ ಉಂಟ್ ಮಾಡ್‌ವ.
11ದೇವಡ ಚಿತ್ತತ್‍ರನೆಕೆ ಬಂದ ಈ ದುಃಖ ನಿಂಗಡಲ್ಲಿ ಎಚ್ಚಕ್ ಜಾಗ್ರತೆನ, ಎಚ್ಚಕ್ ನಿಂಗಳ ಗೊತ್ತಿಲ್ಲತಯಿಂಗಾಂದ್ ಕಾಂಬ್‍ಚಿಡುವಕ್, ಎಚ್ಚಕ್ ಪಗೇನ, ಎಚ್ಚಕ್ ಪೋಡಿನ, ಎಚ್ಚಕ್ ದುಂಬ ಆಸೇನ, ಎಚ್ಚಕ್ ಬಕ್ತಿನ, ಎಚ್ಚಕ್ ಕಂಡಿತತ್‍ನ ಉಂಟ್ ಮಾಡ್‍ಚಿ? ಈ ಎಲ್ಲಾ ವಿಷಯತ್‍ಲ್ ನಿಂಗ ನಿಂಗಳ ಶುದ್ದವಾನಯಿಂಗಾಂದ್ ಕಾಂಬ್‍ಚಿಟ್ಟಿತುಳ್ಳಿರ. 12ಆನಗುಂಡ್, ನಾನ್ ನಿಂಗಕ್ ಅನ್ನನೆ ಒಳ್‍ದಿತ್ಂಜತೇಂಗಿಯು, ಅದ್ ಅನ್ಯಾಯ ಮಾಡ್‍ನಂವೊಂಗಾಯಿತು ಅಲ್ಲ, ಅನ್ಯಾಯ ಆನಂವೊಂಗಾಯಿತು ಅಲ್ಲ; ದೇವಡ ಮಿಂಞತ್ ನಿಂಗಡ ವಿಷಯತ್ ನಂಗಕ್ ಉಳ್ಳ ಜಾಗ್ರತೆ ನಿಂಗಕ್ ಗೊತ್ತಾಪಕಾಯಿತೇ ಅನ್ನನೆ ಒಳ್‍ದಿಯೆ. 13ಅನ್ನನೆ, ನಿಂಗಕ್ ಪುರ್‌ಡ್ ಕ್‍ಟ್ಟ್‌ನಗುಂಡ್ ನಂಗಕ್ ಪುರ್‌ಡ್ ಕ್‍ಟ್ಟ್‌ಚಿ; ವಿಶೇಷವಾಯಿತ್ ತೀತಂಡ ಆತ್ಮಕ್ ನಿಂಗ ಎಲ್ಲಾಡಗುಂಡ್ ಪುರ್‌ಡ್ ಕ್‍ಟ್ಟ್‌ನಗುಂಡ್, ಅಂವೊಂಡ ಕುಶೀಲ್ ನಂಗ ದುಂಬ ಕುಶಿಪಟ್ಟತ್. 14ನಿಂಗಡ ವಿಷಯತ್‍ಲ್ ಹೆಮ್ಮೆ ಪಟ್ಟಿತ್ ತೀತಂಡ ಪಕ್ಕ ನಾನ್ ಎಣ್ಣ್‌ನ ಏದ್ ವಿಷಯತ್ ನಾಕ್ ಞಾಣ ಇಲ್ಲೆ; ನಂಗ ನಿಂಗಡ ಪಕ್ಕ ಎಲ್ಲಾನ ನೇರಾಯಿತ್ ಎಣ್ಣ್‌ನನೆಕೆ, ತೀತಂಡ ಪಕ್ಕ ಹೆಮ್ಮೆಯಾಯಿತ್ ಎಣ್ಣ್‌ನದು ನೇರ್‌ಂದ್ ಆಚಿ. 15ನಿಂಗ ಪೋಡಿಲ್ ಪಿಂಞ ನಡ್‍ಗಿಯಂಡ್ ಅಂವೊನ ಸ್ವೀಕಾರ ಮಾಡಿತ್ ನಿಂಗ ಎಲ್ಲಾರು ತಗ್ಗಿತ್ ನಡ್ಂದದ್‍ನ ಅಂವೊ ಗೇನ ಮಾಡ್‌ವಕ, ಅಂವೊಂಡ ಮನಸ್ಸ್‌ಲ್ ನಿಂಗಡ ಮೇಲೆ ಇಂಞು ದುಂಬ ಪ್ರೀತಿ ಆಯಂಡುಂಡ್. 16ಆನಗುಂಡ್, ಎಲ್ಲಾ ವಿಷಯತ್‍ಲು ನಿಂಗಡ ಮೇಲೆ ನಾಕ್ ತ್‍ೕರ ನಂಬಿಕೆ ಉಂಡ್‍ೕಂದ್ ಕುಶಿಪಟ್ಟಂಡುಂಡ್.
Aktualisht i përzgjedhur:
2 ಕೊರಿಂಥ 7: ಕೊಡವ
Thekso
Ndaje
Kopjo
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2017, New Life Literature (NLL)
2 ಕೊರಿಂಥ 7
7
1ಪ್ರೀತಿರ ಜನಳೇ, ಇನ್ನತಾನ ವಾಗ್ದಾನವೆಲ್ಲ ನಂಗಕ್ ಉಳ್ಳಗುಂಡ್, ತಡಿ ಪಿಂಞ ಆತ್ಮತ್‌ನ ಅಶುದ್ದ ಮಾಡ್‌ವ ಎಲ್ಲಾನ ಕಳೆಂದಿತ್ ಶುದ್ದಮಾಡಿಯಂಡ್, ಪವಿತ್ರವಾಪದ್‍ಲ್, ದೇವಡ ಮೇಲೆ ಉಳ್ಳ ಪೋಡಿಲ್ ಪೂರ್ತಿಯಾಯಿತ್ ಬೊಳಿಯನ.
ಸಬೆ ಮನಸ್ಸ್ ತಿರಿಗಿತ್ ಬಪ್ಪದ್‍ಲ್ ಪೌಲಂಡ ಕುಶಿ
2ನಿಂಗಡ ಮನಸ್ಸ್‌ಲ್ ನಂಗಕ್ ಜಾಗ ಕೊಡಿ; ನಂಗ ಒಬ್ಬಂಗು ಅನ್ಯಾಯ ಮಾಡಿತ್‌ಲ್ಲೆ, ಒಬ್ಬಂಗ್ ಸಹ ಕ್‍ೕಡ್ ಮಾಡಿತ್‌ಲ್ಲೆ, ಒಬ್ಬಂಗು ವಂಚನೆ ಮಾಡಿತ್‌ಲ್ಲೆ. 3ನಿಂಗಳ ಕುತ್ತ ಪರಿಯುವಕಾಯಿತ್ ನಾನ್ ಇನ್ನನೆ ಎಣ್ಣಿಯಂಡಿಲ್ಲೆ; ಎನ್ನಂಗೆಣ್ಣ್‌ಚೇಂಗಿ, ನಿಂಗಡ ಕೂಡೆ ಬದ್‌ಕ್‍ವಕು ಚಾವಕು ನಂಗಡ ಹೃದಯತ್‍ಲ್ ನಿಂಗ ಉಳ್ಳಿರಾಂದ್ ಮಿಂಞಲೇ ನಾನ್ ಎಣ್ಣ್‌ನ. 4ನಿಂಗಡ ವಿಷಯತ್ ನಾಕ್ ದುಂಬ ದೈರ್ಯ ಉಂಡ್; ನಿಂಗಡ ವಿಷಯತ್ ದುಂಬ ಹೆಮ್ಮೆ ಪಟ್ಟಂಡುಳ್ಳ. ನಾಕ್ ದುಂಬ ಪುರ್‌ಡ್ ಕ್‍ಟ್ಟಿತುಂಡ್, ನಂಗಕ್ ಆನ ಎಲ್ಲಾ ಹಿಂಸೆಲು ನಿಂಗ ನನ್ನ ದುಂಬ ಕುಶಿಪಡ್‍ತಿತುಳ್ಳಿರ.
5ಎನ್ನನೆ ಎಣ್ಣ್‌ಚೇಂಗಿ, ನಂಗ ಮಕೆದೋನ್ಯ ಪ್ರಾಂತ್ಯಕ್ ಬಪ್ಪಕ, ನಂಗ ಆರಾಮ್‍ಲ್ ಇಪ್ಪಕ್ ಒರ್ ಜಾಗವು ಕ್‍ಟ್ಟಿತ್‌ಲ್ಲೆ. ಎಲ್ಲಾ ದಿಕ್ಕಿಂಜಲೂ ಹಿಂಸೆ ಇಂಜತ್; ಪೊರಮೆ ಪೋರಾಟವು, ಒಳ್‍ಕ್ ಪೋಡಿಯು ಇಂಜತ್. 6ಆಚೇಂಗಿಯು, ತಳ್ಂದ್ ಪೋಪಯಿಂಗಕ್ ಪುರ್‌ಡ್ ಕೊಡ್‍ಪ ದೇವ, ತೀತ ಬಂದ ಮೂಲಕ ನಂಗಕ್ ಪುರ್‌ಡ್ ಕೊಡ್‍ತತ್. 7ಅಂವೊ ನಂಗಡ ಪಕ್ಕ ಬಂದಗುಂಡ್ ಮಾತ್ರ ಅಲ್ಲತೆ, ನಿಂಗ ಅಂವೊಂಗ್ ಪುರ್‌ಡ್ ಕೊಡ್‍ತದ್‍ನ ನಾಕ್ ಎಣ್ಣ್‌ಚಿ. ನಿಂಗ ನಂಗಡ ಮೇಲೆ ಬೆಚ್ಚಿತುಳ್ಳ ಆಸೇನ, ನಿಂಗಡ ದುಃಖತ್‍ನ, ನಾಡ ವಿಷಯತ್ ನಿಂಗಡ ಬಲ್ಯ ಕನಿಕರತ್‍ನ ಅಂವೊ ಎಣ್ಣುವಕ, ನಾಡ ಕುಶಿ ಇಂಞು ಜಾಸ್ತಿ ಆಚಿ.
8ಆನಗುಂಡ್ ನಾನ್ ನಾಡ ಕಾಗದತ್‍ರ ಮೂಲಕ ನಿಂಗಳ ದುಃಖ ಪಡ್‍ತ್‍ಚೇಂಗಿಯು, ಅದ್ಂಗಾಯಿತ್ ನಾನ್ ಪಶ್ಚಾತಾಪ ಪಟ್ಟಿತ್‌ಲ್ಲೆ. ನಾನ್ ಪಶ್ಚಾತಾಪ ಪಟ್ಟತೇಂಗಿಯು, ಚೆನ್ನ ಸಮಯಕ್ ಮಾತ್ರ ಅದ್ ನಿಂಗಳ ದುಃಖಪಡ್‍ತ್‍ಚೀಂದ್ ನಾಕ್ ಗೊತ್ತುಂಡ್. 9ಆಚೇಂಗಿಯು ನಿಂಗಕ್ ದುಃಖ ಆಚೀಂದ್ ಕುಶಿ ಪಡತೆ, ನಿಂಗ ದುಃಖ ಪಟ್ಟಿತ್ ಪಶ್ಚಾತಾಪ ಪಟ್ಟಗುಂಡ್ ಇಕ್ಕ ಕುಶಿ ಪಡುವಿ. ಎನ್ನಂಗೆಣ್ಣ್‌ಚೇಂಗಿ ದೇವಡ ಚಿತ್ತತ್‍ರನೆಕೆ ದುಃಖ ಪಟ್ಟಗುಂಡ್, ನಂಗಡಗುಂಡ್ ನಿಂಗಕ್ ಏದ್ ನಷ್ಟವು ಆಯಿತಿಲೆಲ್ಲ. 10ದೇವಕಾಯಿತ್ ಉಳ್ಳ ದುಃಖ ಪಶ್ಚಾತಾಪ ಪಡುವನೆಕೆ ಮಾಡಿತ್ ರಕ್ಷಣೆನ ತಪ್ಪ. ಅದ್‍ಲ್ ದುಃಖ ಪಡುವನೆಕೆ ಒಂದು ಇಲ್ಲೆ. ಆಚೇಂಗಿ ಲೋಕತ್‍ರ ದುಃಖ ಚಾವ್‍ನ ಉಂಟ್ ಮಾಡ್‌ವ.
11ದೇವಡ ಚಿತ್ತತ್‍ರನೆಕೆ ಬಂದ ಈ ದುಃಖ ನಿಂಗಡಲ್ಲಿ ಎಚ್ಚಕ್ ಜಾಗ್ರತೆನ, ಎಚ್ಚಕ್ ನಿಂಗಳ ಗೊತ್ತಿಲ್ಲತಯಿಂಗಾಂದ್ ಕಾಂಬ್‍ಚಿಡುವಕ್, ಎಚ್ಚಕ್ ಪಗೇನ, ಎಚ್ಚಕ್ ಪೋಡಿನ, ಎಚ್ಚಕ್ ದುಂಬ ಆಸೇನ, ಎಚ್ಚಕ್ ಬಕ್ತಿನ, ಎಚ್ಚಕ್ ಕಂಡಿತತ್‍ನ ಉಂಟ್ ಮಾಡ್‍ಚಿ? ಈ ಎಲ್ಲಾ ವಿಷಯತ್‍ಲ್ ನಿಂಗ ನಿಂಗಳ ಶುದ್ದವಾನಯಿಂಗಾಂದ್ ಕಾಂಬ್‍ಚಿಟ್ಟಿತುಳ್ಳಿರ. 12ಆನಗುಂಡ್, ನಾನ್ ನಿಂಗಕ್ ಅನ್ನನೆ ಒಳ್‍ದಿತ್ಂಜತೇಂಗಿಯು, ಅದ್ ಅನ್ಯಾಯ ಮಾಡ್‍ನಂವೊಂಗಾಯಿತು ಅಲ್ಲ, ಅನ್ಯಾಯ ಆನಂವೊಂಗಾಯಿತು ಅಲ್ಲ; ದೇವಡ ಮಿಂಞತ್ ನಿಂಗಡ ವಿಷಯತ್ ನಂಗಕ್ ಉಳ್ಳ ಜಾಗ್ರತೆ ನಿಂಗಕ್ ಗೊತ್ತಾಪಕಾಯಿತೇ ಅನ್ನನೆ ಒಳ್‍ದಿಯೆ. 13ಅನ್ನನೆ, ನಿಂಗಕ್ ಪುರ್‌ಡ್ ಕ್‍ಟ್ಟ್‌ನಗುಂಡ್ ನಂಗಕ್ ಪುರ್‌ಡ್ ಕ್‍ಟ್ಟ್‌ಚಿ; ವಿಶೇಷವಾಯಿತ್ ತೀತಂಡ ಆತ್ಮಕ್ ನಿಂಗ ಎಲ್ಲಾಡಗುಂಡ್ ಪುರ್‌ಡ್ ಕ್‍ಟ್ಟ್‌ನಗುಂಡ್, ಅಂವೊಂಡ ಕುಶೀಲ್ ನಂಗ ದುಂಬ ಕುಶಿಪಟ್ಟತ್. 14ನಿಂಗಡ ವಿಷಯತ್‍ಲ್ ಹೆಮ್ಮೆ ಪಟ್ಟಿತ್ ತೀತಂಡ ಪಕ್ಕ ನಾನ್ ಎಣ್ಣ್‌ನ ಏದ್ ವಿಷಯತ್ ನಾಕ್ ಞಾಣ ಇಲ್ಲೆ; ನಂಗ ನಿಂಗಡ ಪಕ್ಕ ಎಲ್ಲಾನ ನೇರಾಯಿತ್ ಎಣ್ಣ್‌ನನೆಕೆ, ತೀತಂಡ ಪಕ್ಕ ಹೆಮ್ಮೆಯಾಯಿತ್ ಎಣ್ಣ್‌ನದು ನೇರ್‌ಂದ್ ಆಚಿ. 15ನಿಂಗ ಪೋಡಿಲ್ ಪಿಂಞ ನಡ್‍ಗಿಯಂಡ್ ಅಂವೊನ ಸ್ವೀಕಾರ ಮಾಡಿತ್ ನಿಂಗ ಎಲ್ಲಾರು ತಗ್ಗಿತ್ ನಡ್ಂದದ್‍ನ ಅಂವೊ ಗೇನ ಮಾಡ್‌ವಕ, ಅಂವೊಂಡ ಮನಸ್ಸ್‌ಲ್ ನಿಂಗಡ ಮೇಲೆ ಇಂಞು ದುಂಬ ಪ್ರೀತಿ ಆಯಂಡುಂಡ್. 16ಆನಗುಂಡ್, ಎಲ್ಲಾ ವಿಷಯತ್‍ಲು ನಿಂಗಡ ಮೇಲೆ ನಾಕ್ ತ್‍ೕರ ನಂಬಿಕೆ ಉಂಡ್‍ೕಂದ್ ಕುಶಿಪಟ್ಟಂಡುಂಡ್.
Aktualisht i përzgjedhur:
:
Thekso
Ndaje
Kopjo
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2017, New Life Literature (NLL)