2 ಕೊರಿಂಥ 3
3
1ನಂಗ ನಂಗಳ ಹೊಗಳ್‍ಚಿಡ್‍ವಕ್ ಪುನಃ ಸುರ್ ಮಾಡ್‍ಚಾ? ಅಥವ, ಚೆನ್ನ ಜನಕ್ ಬೋಂಡುವನೆಕೆ, ನಂಗಡಿಂಜ ನಿಂಗಕು, ನಿಂಗಡಿಂಜ ನಂಗಕು ಸಿಪಾರ್‍ಸ್ ಕಾಗದ ಎನ್ನಂಗ್ ಬೋಂಡು? 2ನಂಗಡ ಹೃದಯತ್‍ಲ್ ಒಳ್‍ದಿ ಬೆಚ್ಚಿತ್, ಎಲ್ಲಾರ್‌ಕು ಗೊತ್ತಾಯಿತ್ ಪಿಂಞ ಅಯಿಂಗ ಓದಿಯಂಡುಳ್ಳ ನಂಗಡ ಕಾಗದ ನಿಂಗಳೇ. 3ಎನ್ನಂಗೆಣ್ಣ್‌ಚೇಂಗಿ ನಿಂಗ, ನಂಗ ಮಾಡ್‍ನ ಸೇವೇರ ಫಲವಾಯಿತ್ ಕ್‍ಟ್ಟ್‌ನ ಕ್ರಿಸ್ತಂಡ ಕಾಗದವಾಯಿತುಳ್ಳಿರಾಂದ್ ಎಲ್ಲಾರು ಕಾಂಬನೆಕೆ ಆಚಿ; ಅದ್ ಮಸಿಯಿಂಜ ಅಲ್ಲ ಆಚೇಂಗಿ ಜೀವವಾಯಿತ್ತುಳ್ಳ ದೇವಡ ಆತ್ಮತ್‍ರಗುಂಡ್ ಪಿಂಞ ಕಲ್ಲ್‌ರ ಅಟ್ಟತ್‍ಲ್ ಅಲ್ಲ, ಆಚೇಂಗಿ, ಮನುಷ್ಯಂಡ ಹೃದಯವಾನ ಅಟ್ಟತ್‍ಲ್ ಒಳ್‍ದಿ ಬೆಚ್ಚಿತುಂಡ್.
4ನಂಗ ಕ್ರಿಸ್ತಂಡ ಮೂಲಕ ದೇವಡ ಮಿಂಞತ್ ಅನ್ನತ ನಂಬಿಕೇನ ಬೆಚ್ಚಿತುಂಡ್. 5ನಂಗಳಾಯಿತ್ ಎಂತಾಚು ಮಾಡ್‌ವಕ್ ಕಯ್ಯೂಂದ್ ಗೇನಮಾಡ್‌ವಕ್ ನಂಗಕ್ ಯೋಗ್ಯತೆ ಇಲ್ಲೆ; ನಂಗಡ ಯೋಗ್ಯತೆ ದೇವಡಯಿಂಜ ಬಂದಂಡುಂಡ್. 6ಪುದಿಯ ಒಪ್ಪಂದತ್‍ರ ಸೇವಕಂಗಳಾಯಿತ್ ಇಪ್ಪಕ್, ಅಂವೊನೇ ನಂಗಳ ಯೋಗ್ಯವಂತಯಿಂಗಳಾಯಿತ್ ಮಾಡಿತುಂಡ್; ಈ ಒಪ್ಪಂದ ಒಳ್‍ತ್‍ರ ಪ್ರಕಾರ ಅಲ್ಲ ಆಚೇಂಗಿ ಪವಿತ್ರಾತ್ಮತ್‍ರ ಪ್ರಕಾರ ಆನದ್. ಎನ್ನಂಗೆಣ್ಣ್‌ಚೇಂಗಿ, ಒಳ್‍ತ್ ನಂಗಳ ಕೊಲ್ಲುವ; ದೇವಡ ಆತ್ಮವೋ ನಂಗಕ್ ಜೀವ ತಪ್ಪ.
ಪುದಿಯ ಒಪ್ಪಂದತ್‍ರ ಮಹಿಮೆ
7ಒಳ್‍ತ್‍ಯಿಂಜ ಒಳ್‍ದಿತ್ ಕಲ್ಲ್‌ಲ್ ಕೆತ್ತ್‌ಪಣಿ ಮಾಡಿತ್ಂಜ ಚಾವ್‍ಕ್ ನಡ್‍ತಿಯಂಡ್ ಪೋಪ ಸೇವೇನ ಮಾಡ್‍ನ, ಮೋಶೇರ ಮೂಡ್‍ಲ್ ಮಹಿಮೇರ ಬೊಳಿ ಮಿನ್ನಿಯಂಡಿಂಜಗುಂಡ್, ಇಸ್ರಾಯೇಲ್ ಜನಕ್ ಅಂವೊಂಡ ಮೂಡ್‍ನ ನೋಟ್‍ವಕ್ ಕಯ್ಯತ ಆಚಿ. 8ಕಾಂಗತೆ ಆಯಿಪೋಪ ಮಹಿಮೇರ ಸೇವೆ ಅಚ್ಚಕ್ ಮಹಿಮೆ ಉಳ್ಳದಾಯಿತ್ಂಜತೇಂಗಿ, ಪವಿತ್ರಾತ್ಮತ್‍ರ ಸೇವ ಇಂಞು ಎಚ್ಚಕ್ ಮಹಿಮೆ ದುಂಬ್‍ನದಾಯಿತ್‌ಪ್ಪ? 9ಕಂಡನೆ ಮಾಡ್‌ವ ಸೇವೆ ಮಹಿಮೆ ತಪ್ಪದಾಯಿತ್ಂಜತೇಂಗಿ, ನೀತಿನ ತಪ್ಪ ಸೇವೆ ಇಂಞು ದುಂಬ ಮಹಿಮೆ ತಪ್ಪದಾಯಿತ್‌ಪ್ಪ ಅಲ್ಲ. 10ಅನ್ನನೆ, ಮಹಿಮೆಲ್ ದುಂಬಿತ್ಂಜ ಆ ಸೇವೆ, ಇಕ್ಕತ್‍ರ ಸೇವೇಕ್ ಕ್‍ಟ್ಟುವ ವಿಶೇಷ ಮಹಿಮೇರ ಮಿಂಞತ್ ಬಲ್ಯದಲ್ಲ. 11ಅದಲ್ಲತೆ, ಕಾಂಗತೆ ಆಯಿಪೋಪ ಸೇವೆ ಮಹಿಮೆ ಉಳ್ಳದಾಯಿತ್ಂಜತೇಂಗಿ, ಎಕ್ಕಾಲು ನಿಂದಂಡಿಪ್ಪ ಸೇವೆ ಇಂಞು ದುಂಬ ಮಹಿಮೆ ಉಳ್ಳದಾಯಿತಿಪ್ಪಲ್ಲ.
12ನಂಗಕ್ ಇಚ್ಚಕ್ ನಿರೀಕ್ಷೆ ಉಳ್ಳಾಂಗ್, ನಂಗ ದುಂಬ ದೈರ್ಯ ಉಳ್ಳಯಿಂಗಳಾಯಿತುಂಡ್. 13ಅದಲ್ಲತೆ, ಕಾಂಗತೆ ಆಯಿ ಪೋಯಂಡುಳ್ಳ ಮಹಿಮೆನ ಇಸ್ರಾಯೇಲ್ ಜನ ಕಾಂಬಕ್ಕಾಗಾಂದ್ ಮೋಶೆ ಅಂವೊಂಡ ಮೂಡ್‌ರ ಮೇಲೆ ತುಣಿ ಇಟ್ಟಂಡನೆಕೆ, ನಂಗ ಇಟ್ಟಂಡಿಲ್ಲೆ. 14ಆಚೇಂಗಿ ಅಯಿಂಗಡ ಮನಸ್ಸ್ ಕಲ್ಲ್‌ರನೆಕೆ ಗಟ್ಟಿಯಾಯಿ ಪೋಚಿ; ಇಲ್ಲಿಕತ್ತನೆ, ಪಳೆಯ ಒಪ್ಪಂದತ್‍ನ ಓದ್‍ವಕ, ಆ ತುಣಿನ ನೀಕಿತ್‌ಲ್ಲೆ; ಅದ್ ಕ್ರಿಸ್ತನಗುಂಡ್ ಮಾತ್ರ ನೀಂಗ್‍ಚಿ. 15ಅಕ್ಕು, ಈ ದಿನಕತ್ತನೆ ಮೋಶೇರ ಪುಸ್ತಕ ಓದ್‍ವಕ ಅಯಿಂಗಡ ಹೃದಯತ್‍ರ ಮೇಲೆ ತುಣಿ ಇಟ್ಟಿತುಂಡಲ್ಲ.
16ಆಚೇಂಗಿ ಅಯಿಂಗ ಒಡೆಯಂಡ ಪಕ್ಕ ಮನಸ್ಸ್ ತಿರ್‌ಗಿತ್ ಬಪ್ಪಕ, ಆ ತುಣಿ ನೀಂಗುವ. 17ಇಕ್ಕ ಒಡೆಯನೇ ಆತ್ಮವಾಯಿತುಂಡ್; ಒಡೆಯಂಡ ಆತ್ಮ ಎಲ್ಲಿ ಉಂಡೋ ಅಲ್ಲಿ ಬುಡುಗಡೆ ಉಂಡ್. 18ನಂಗ ಎಲ್ಲಾರು, ಮೂಡ್‌ರ ಮೇಲೆ ಬಟ್ಟೆ ಇಲ್ಲತಯಿಂಗಳಾಯಿತ್, ಒಡೆಯಂಡ ಮಹಿಮೆನ ಒರ್ ಕನ್ನಡಿಲ್ ಕಾಂಬನೆಕೆ ಕಂಡಂಡುಂಡ್. ಆತ್ಮವಾಯಿತುಳ್ಳ ಒಡೆಯನಗುಂಡ್, ಅಂವೊಂಡನೆಕೆ ಮಹಿಮೇರ ಮೇಲೆ ಮಹಿಮೆ ಪಡ್ಂದಿತ್, ಅಂವೊಂಡ ಮಹಿಮೇರ ರೂಪತ್‍ರನೆಕೆ ಬದ್‍ಲಾಯಂಡುಂಡ್.
Aktualisht i përzgjedhur:
2 ಕೊರಿಂಥ 3: ಕೊಡವ
Thekso
Ndaje
Kopjo
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2017, New Life Literature (NLL)
2 ಕೊರಿಂಥ 3
3
1ನಂಗ ನಂಗಳ ಹೊಗಳ್‍ಚಿಡ್‍ವಕ್ ಪುನಃ ಸುರ್ ಮಾಡ್‍ಚಾ? ಅಥವ, ಚೆನ್ನ ಜನಕ್ ಬೋಂಡುವನೆಕೆ, ನಂಗಡಿಂಜ ನಿಂಗಕು, ನಿಂಗಡಿಂಜ ನಂಗಕು ಸಿಪಾರ್‍ಸ್ ಕಾಗದ ಎನ್ನಂಗ್ ಬೋಂಡು? 2ನಂಗಡ ಹೃದಯತ್‍ಲ್ ಒಳ್‍ದಿ ಬೆಚ್ಚಿತ್, ಎಲ್ಲಾರ್‌ಕು ಗೊತ್ತಾಯಿತ್ ಪಿಂಞ ಅಯಿಂಗ ಓದಿಯಂಡುಳ್ಳ ನಂಗಡ ಕಾಗದ ನಿಂಗಳೇ. 3ಎನ್ನಂಗೆಣ್ಣ್‌ಚೇಂಗಿ ನಿಂಗ, ನಂಗ ಮಾಡ್‍ನ ಸೇವೇರ ಫಲವಾಯಿತ್ ಕ್‍ಟ್ಟ್‌ನ ಕ್ರಿಸ್ತಂಡ ಕಾಗದವಾಯಿತುಳ್ಳಿರಾಂದ್ ಎಲ್ಲಾರು ಕಾಂಬನೆಕೆ ಆಚಿ; ಅದ್ ಮಸಿಯಿಂಜ ಅಲ್ಲ ಆಚೇಂಗಿ ಜೀವವಾಯಿತ್ತುಳ್ಳ ದೇವಡ ಆತ್ಮತ್‍ರಗುಂಡ್ ಪಿಂಞ ಕಲ್ಲ್‌ರ ಅಟ್ಟತ್‍ಲ್ ಅಲ್ಲ, ಆಚೇಂಗಿ, ಮನುಷ್ಯಂಡ ಹೃದಯವಾನ ಅಟ್ಟತ್‍ಲ್ ಒಳ್‍ದಿ ಬೆಚ್ಚಿತುಂಡ್.
4ನಂಗ ಕ್ರಿಸ್ತಂಡ ಮೂಲಕ ದೇವಡ ಮಿಂಞತ್ ಅನ್ನತ ನಂಬಿಕೇನ ಬೆಚ್ಚಿತುಂಡ್. 5ನಂಗಳಾಯಿತ್ ಎಂತಾಚು ಮಾಡ್‌ವಕ್ ಕಯ್ಯೂಂದ್ ಗೇನಮಾಡ್‌ವಕ್ ನಂಗಕ್ ಯೋಗ್ಯತೆ ಇಲ್ಲೆ; ನಂಗಡ ಯೋಗ್ಯತೆ ದೇವಡಯಿಂಜ ಬಂದಂಡುಂಡ್. 6ಪುದಿಯ ಒಪ್ಪಂದತ್‍ರ ಸೇವಕಂಗಳಾಯಿತ್ ಇಪ್ಪಕ್, ಅಂವೊನೇ ನಂಗಳ ಯೋಗ್ಯವಂತಯಿಂಗಳಾಯಿತ್ ಮಾಡಿತುಂಡ್; ಈ ಒಪ್ಪಂದ ಒಳ್‍ತ್‍ರ ಪ್ರಕಾರ ಅಲ್ಲ ಆಚೇಂಗಿ ಪವಿತ್ರಾತ್ಮತ್‍ರ ಪ್ರಕಾರ ಆನದ್. ಎನ್ನಂಗೆಣ್ಣ್‌ಚೇಂಗಿ, ಒಳ್‍ತ್ ನಂಗಳ ಕೊಲ್ಲುವ; ದೇವಡ ಆತ್ಮವೋ ನಂಗಕ್ ಜೀವ ತಪ್ಪ.
ಪುದಿಯ ಒಪ್ಪಂದತ್‍ರ ಮಹಿಮೆ
7ಒಳ್‍ತ್‍ಯಿಂಜ ಒಳ್‍ದಿತ್ ಕಲ್ಲ್‌ಲ್ ಕೆತ್ತ್‌ಪಣಿ ಮಾಡಿತ್ಂಜ ಚಾವ್‍ಕ್ ನಡ್‍ತಿಯಂಡ್ ಪೋಪ ಸೇವೇನ ಮಾಡ್‍ನ, ಮೋಶೇರ ಮೂಡ್‍ಲ್ ಮಹಿಮೇರ ಬೊಳಿ ಮಿನ್ನಿಯಂಡಿಂಜಗುಂಡ್, ಇಸ್ರಾಯೇಲ್ ಜನಕ್ ಅಂವೊಂಡ ಮೂಡ್‍ನ ನೋಟ್‍ವಕ್ ಕಯ್ಯತ ಆಚಿ. 8ಕಾಂಗತೆ ಆಯಿಪೋಪ ಮಹಿಮೇರ ಸೇವೆ ಅಚ್ಚಕ್ ಮಹಿಮೆ ಉಳ್ಳದಾಯಿತ್ಂಜತೇಂಗಿ, ಪವಿತ್ರಾತ್ಮತ್‍ರ ಸೇವ ಇಂಞು ಎಚ್ಚಕ್ ಮಹಿಮೆ ದುಂಬ್‍ನದಾಯಿತ್‌ಪ್ಪ? 9ಕಂಡನೆ ಮಾಡ್‌ವ ಸೇವೆ ಮಹಿಮೆ ತಪ್ಪದಾಯಿತ್ಂಜತೇಂಗಿ, ನೀತಿನ ತಪ್ಪ ಸೇವೆ ಇಂಞು ದುಂಬ ಮಹಿಮೆ ತಪ್ಪದಾಯಿತ್‌ಪ್ಪ ಅಲ್ಲ. 10ಅನ್ನನೆ, ಮಹಿಮೆಲ್ ದುಂಬಿತ್ಂಜ ಆ ಸೇವೆ, ಇಕ್ಕತ್‍ರ ಸೇವೇಕ್ ಕ್‍ಟ್ಟುವ ವಿಶೇಷ ಮಹಿಮೇರ ಮಿಂಞತ್ ಬಲ್ಯದಲ್ಲ. 11ಅದಲ್ಲತೆ, ಕಾಂಗತೆ ಆಯಿಪೋಪ ಸೇವೆ ಮಹಿಮೆ ಉಳ್ಳದಾಯಿತ್ಂಜತೇಂಗಿ, ಎಕ್ಕಾಲು ನಿಂದಂಡಿಪ್ಪ ಸೇವೆ ಇಂಞು ದುಂಬ ಮಹಿಮೆ ಉಳ್ಳದಾಯಿತಿಪ್ಪಲ್ಲ.
12ನಂಗಕ್ ಇಚ್ಚಕ್ ನಿರೀಕ್ಷೆ ಉಳ್ಳಾಂಗ್, ನಂಗ ದುಂಬ ದೈರ್ಯ ಉಳ್ಳಯಿಂಗಳಾಯಿತುಂಡ್. 13ಅದಲ್ಲತೆ, ಕಾಂಗತೆ ಆಯಿ ಪೋಯಂಡುಳ್ಳ ಮಹಿಮೆನ ಇಸ್ರಾಯೇಲ್ ಜನ ಕಾಂಬಕ್ಕಾಗಾಂದ್ ಮೋಶೆ ಅಂವೊಂಡ ಮೂಡ್‌ರ ಮೇಲೆ ತುಣಿ ಇಟ್ಟಂಡನೆಕೆ, ನಂಗ ಇಟ್ಟಂಡಿಲ್ಲೆ. 14ಆಚೇಂಗಿ ಅಯಿಂಗಡ ಮನಸ್ಸ್ ಕಲ್ಲ್‌ರನೆಕೆ ಗಟ್ಟಿಯಾಯಿ ಪೋಚಿ; ಇಲ್ಲಿಕತ್ತನೆ, ಪಳೆಯ ಒಪ್ಪಂದತ್‍ನ ಓದ್‍ವಕ, ಆ ತುಣಿನ ನೀಕಿತ್‌ಲ್ಲೆ; ಅದ್ ಕ್ರಿಸ್ತನಗುಂಡ್ ಮಾತ್ರ ನೀಂಗ್‍ಚಿ. 15ಅಕ್ಕು, ಈ ದಿನಕತ್ತನೆ ಮೋಶೇರ ಪುಸ್ತಕ ಓದ್‍ವಕ ಅಯಿಂಗಡ ಹೃದಯತ್‍ರ ಮೇಲೆ ತುಣಿ ಇಟ್ಟಿತುಂಡಲ್ಲ.
16ಆಚೇಂಗಿ ಅಯಿಂಗ ಒಡೆಯಂಡ ಪಕ್ಕ ಮನಸ್ಸ್ ತಿರ್‌ಗಿತ್ ಬಪ್ಪಕ, ಆ ತುಣಿ ನೀಂಗುವ. 17ಇಕ್ಕ ಒಡೆಯನೇ ಆತ್ಮವಾಯಿತುಂಡ್; ಒಡೆಯಂಡ ಆತ್ಮ ಎಲ್ಲಿ ಉಂಡೋ ಅಲ್ಲಿ ಬುಡುಗಡೆ ಉಂಡ್. 18ನಂಗ ಎಲ್ಲಾರು, ಮೂಡ್‌ರ ಮೇಲೆ ಬಟ್ಟೆ ಇಲ್ಲತಯಿಂಗಳಾಯಿತ್, ಒಡೆಯಂಡ ಮಹಿಮೆನ ಒರ್ ಕನ್ನಡಿಲ್ ಕಾಂಬನೆಕೆ ಕಂಡಂಡುಂಡ್. ಆತ್ಮವಾಯಿತುಳ್ಳ ಒಡೆಯನಗುಂಡ್, ಅಂವೊಂಡನೆಕೆ ಮಹಿಮೇರ ಮೇಲೆ ಮಹಿಮೆ ಪಡ್ಂದಿತ್, ಅಂವೊಂಡ ಮಹಿಮೇರ ರೂಪತ್‍ರನೆಕೆ ಬದ್‍ಲಾಯಂಡುಂಡ್.
Aktualisht i përzgjedhur:
:
Thekso
Ndaje
Kopjo
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2017, New Life Literature (NLL)