2 ಕೊರಿಂಥ 10
10
ಪೌಲಂಡ ಅಪೊಸ್ತಲ ಅದಿಕಾರ
1ನಿಂಗಡ ಪಕ್ಕ ಇಪ್ಪಕ ತಾಳ್ಮೆಲು, ನಿಂಗಡಿಂಜ ದೂರ ಇಪ್ಪಕ ನಿಂಗಡ ಮೇಲೆ ಕಂಡಿತವಾಯಿತ್ ಉಳ್ಳನೆಕೆ ಕಾಂಬ ಪೌಲನಾನ ನಾನ್, ಕ್ರಿಸ್ತಂಡ ಶಾಂತ ಗುಣತ್‍ರ ಪಿಂಞ ದಯೇರ ಮೂಲಕ ನಿಂಗಕ್ ಬೋಡಿಯಂಡುಳ್ಳ. 2ನಂಗ ತಡೀರ ಪ್ರಕಾರ ನಡ್‌ಂದಂಡುಂಡ್‍ೕಂದ್ ಗೇನ ಮಾಡ್‌ವ ಚೆನ್ನ ಜನಡ ವಿಷಯತ್, ನಾನ್ ಕಠಿಣವಾಯಿತ್ ಇಕ್ಕಂಡೂಂದ್ ಗೇನ ಮಾಡಿಯಂಡುಳ್ಳ. ನಾನ್ ನಿಂಗಡ ಪಕ್ಕ ಬಪ್ಪಕ, ಅನ್ನನೆ ಕಠಿಣ ಗುಣತ್‍ನ ದೈರ್ಯವಾಯಿತ್ ಕಾಂಬ್‍ಚಿಡುವಕ್ ಬಟ್ಟೆ ಮಾಡಿ ಕೊಡ್‍ಕತೀಂದ್ ನಿಂಗಳ ಬೋಡುವಿ. 3ನಂಗ ಈ ತಡೀಲ್ ಇಂಜತೇಂಗಿಯು, ತಡೀಲ್ ಯುದ್ದ ಮಾಡ್‌ವನೆಕೆ ನಂಗ ಮಾಡುಲೆ. 4ನಂಗ ಉಪಯೋಗ ಮಾಡ್‌ವ ಯುದ್ದತ್‍ರ ಆಯುದ ಈ ತಡೀರ ಆಯುದಂಗ ಅಲ್ಲ, ಅದ್, ಗಟ್ಟಿಯಾಯಿತುಳ್ಳ ಕೋಟೆಯಳ ಪೊಳಿಪಕುಳ್ಳ ದೇವಡ ಶಕ್ತಿಯಾಯಿತುಂಡ್. 5ಅದ್ಂಡ ಮೂಲಕ, ನಂಗ ವಾದತ್‍ನ ಪಿಂಞ ದೇವಡ ವಿಷಯತ್‍ನ ಗೊತ್ತ್‌ಮಾಡ್‍ವಕ್ ವಿರೋದವಾಯಿತ್ ನಿಪ್ಪ ಎಲ್ಲಾ ಬಡಾಯಿನ ಪಾಳ್ ಮಾಡಿತ್, ಎಲ್ಲಾ ಯೇಚನೆನ ಕ್ರಿಸ್ತಂಗ್ ತಗ್ಗಿತ್ ನಡ್‍ಪನೆಕೆ ಪುಡ್‍ಚಿ ಬೆಚ್ಚಿತುಂಡ್. 6ನಿಂಗ ಪೂರ್ತಿಯಾಯಿತ್ ತಗ್ಗಿತ್ ನಡ್‍ಪದ್ ನೆರವೇರುವಕ, ತಗ್ಗಿತ್ ನಡ್‍ಕತೆ ಇಪ್ಪಾಂಗ್ ತಕ್ಕಂತ ನೀತಿರ ಶಿಕ್ಷೆ ತಪ್ಪಕ್ ತಯಾರಾಯಿತ್ ಉಂಡ್.
7ನಿಂಗ ಪೊರಮೆ ಕಾಂಬ ಕೋಲತ್‍ನ ಮಾತ್ರ ನೋಟಿಯಂಡುಳ್ಳಿರ? ಒಬ್ಬ ತಾನ್ ಕ್ರಿಸ್ತಂಡ ಕೂಡೆ ಐಕ್ಯತ್‍ಲ್ ಉಳ್ಳ್‌ಂದ್ ನಂಬಿಯಂಡಿಂಜತೇಂಗಿ, ಅಂವೊ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಇಪ್ಪನೆಕೆ, ನಂಗಳು ಕ್ರಿಸ್ತಂಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಅಂವೊ ಅಂವೊಂಡಲ್ಲಿ ಗೇನಮಾಡಡ್. 8ಒಡೆಯ ನಂಗಕ್ ಕೊಡ್‍ತಿತುಳ್ಳ ಅದಿಕಾರತ್‍ರ ವಿಷಯತ್, ನಾನ್ ಇಂಞು ದುಂಬ ಹೊಗಳಿಚಿಟ್ಟತೇಂಗಿಯು ನಾಕ್ ಞಾಣ ಆಪುಲೆ. ನಿಂಗಳ ಪಾಳ್ ಮಾಡ್‌ವಕಾಯಿತಲ್ಲ, ನಿಂಗಳ ಚಾಯಿ ಬೊಳ್‌ತಿತ್ ಕೆಟ್ಟುವಕಾಯಿತ್ ಈ ಅದಿಕಾರತ್‍ನ ನಂಗಕ್ ಕೊಡ್‍ತತ್.
9ನಾನ್ ಕಾಗದತ್‍ರ ಮೂಲಕ ನಿಂಗಳ ಬೊತ್ತ್‌ಚಿಡ್‌ವಂವೊನೆಕೆ ಕಾಟ್‍ವಕ್ ನಾಕ್ ಮನಸ್ಸಿಲ್ಲೆ. 10ಅಂವೊಂಡ ಕಾಗದ ದುಂಬ ಗಟ್ಟಿಯಾಯಿತು ಒತ್ತಾಯ ಮಾಡ್‌ವದಾಯಿತು ಉಂಡ್, ಆಚೇಂಗಿ ಅಂವೊ ತಡೀಲ್ ಬಲಯಿಲ್ಲತಂವೊನು ಅಂವೊಂಡ ತಕ್ಕ್ ಪ್ರಯೋಜನ ಇಲ್ಲತವಾಯಿತು ಉಂಡ್‍ೕಂದ್ ಚೆನ್ನ ಜನ ನಾಡ ವಿಷಯತ್ ಎಣ್ಣಿಯಂಡುಂಡಲ್ಲ? 11ಅನ್ನನೆ ಎಣ್ಣುವಯಿಂಗಕ್, ನಂಗ ನಿಂಗಡಿಂಜ ದೂರತ್‍ಲ್ ಇಪ್ಪಕ ತಕ್ಕ್‌ಲ್ ಎನ್ನನೆ ಉಂಡೋ, ಅನ್ನನೆ ನಿಂಗಡ ಪಕ್ಕತ್ ಇಪ್ಪಕಲು ನಂಗಡ ಕ್ರಿಯೇಲ್ ಇಪ್ಪಾಂದ್ ಗೊತ್ತಿರಡ್.
12ಆಚೇಂಗಿಯು, ತಂಗಳ ತಾಂಗಳೇ ಬಲ್ಯಂಗಳಾಯಿತ್ ಕಾಂಬ್‍ಚಿಡುವಕಾಯಿತ್ ಬಡಾಯಿ ತಕ್ಕ್ ಎಣ್ಣುವ ಚೆನ್ನ ಜನಡ ಕೂಡೆ ನಂಗಳ ಸಮವಾಯಿತ್ ಹೋಲಿಕೆ ಮಾಡ್‌ವಕ್ ನಂಗ ದೈರ್ಯ ಎಡ್‍ಪುಲೆ; ಅಯಿಂಗ, ಅಯಿಂಗಡೊಳ್‌ಲ್ ಅಯಿಂಗ ಅಯಿಂಗಳೇ ಅಳ್‌ತೆ ಮಾಡಿಯಂಡ್, ಅಯಿಂಗಕೇ ಅಯಿಂಗಳ ಹೋಲಿಕೆ ಮಾಡಿಯಂಡುಳ್ಳ ಅಯಿಂಗ ಬುದ್ದಿವಂತಯಿಂಗ ಅಲ್ಲ. 13ಆಚೇಂಗಿ ನಂಗ ನಂಗಳ ಮಿತಿಕ್ ಮೀರಿತ್ ಹೊಗ್‍ಳ್‌ಚಿಡತೆ, ನಿಂಗಡ ಪಕ್ಕ ಬಂದಿತ್ ಎತ್ತ್‌ವಚ್ಚಕ್ ದೇವ ನಂಗಕ್ ದಾನಮಾಡ್‍ನ ಅಳ್‌ತೆರಚ್ಚಕ್ ಹೊಗಳಿಯಂಡುಂಡ್. 14ನಿಂಗಡ ಪಕ್ಕ ಬಂತ್ ಎತ್ತ್‌ವಕ್ ಕಯ್ಯತನೆಕೆ ಮಿತಿ ಮೀರಿತ್ ಪೋಪುಲೆ; ನಂಗ ಕ್ರಿಸ್ತಂಡ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡ್ ನಿಂಗಡಲ್ಲಿಕತ್ತನೆ ಬಂದತಲ್ಲ?
15ನಂಗ ಮಿತಿನ ಮೀರಿತ್ ಬೋರೆಯಿಂಗಡ ಸೇವೇನ ಎಡ್‍ತಂಡ್ ಹೊಗಳಿಚಿಡುಲೆ. ಆಚೇಂಗಿ ನಿಂಗಡ ನಂಬಿಕೆ ಬಲ್ಯದಾಚೇಂಗಿ, ನಿಂಗಡ ಮದ್ಯತ್‍ಲ್ ನಂಗಡ ಸೇವೆ ಇಂಞು ಪಬ್ಬ್‌ವಾಂದ್ ನಂಗ ನಂಬಿಯಂಡುಂಡ್. 16ಅಕ್ಕ, ದೇವಡ ನಲ್ಲ ಸುದ್ದಿನ ನಿಂಗಡ ಜಾಗತ್‍ನ ದಾಟಿತ್ ನಂಗ ಪ್ರಚಾರ ಮಾಡ್‌ವಕಯ್ಯು. ಬೋರೆಯಿಂಗಡ ಮಿತಿರ ಜಾಗತ್‍ಲ್ ಮಾಡ್‍ನ ದೇವಡ ಸೇವೇರ ಫಲತ್‍ರ ವಿಷಯತ್ ನಂಗ ಹೊಗಳಿಚಿಡ್‌ವಕ್ ಪೋಪುಲೆ. 17ಹೊಗಳಿಚಿಡುವಂವೊ ಒಡೆಯಂಡ ವಿಷಯತ್ ಮಾತ್ರ ಹೊಗ್‍ಳಿಚಿಡಡ್.#10.17 ಯೆರೆಮೀಯ 9.24 18ತಾಂಗ್ ತಾನೇ ಹೊಗಳಿಚಿಡುವಂವೊ ಯೋಗ್ಯನಲ್ಲ, ಒಡೆಯ ದಾರ್‌ನ ಹೊಗಳಿಚಿಡುಂವೊನೋ ಅಂವೊನೇ ಯೋಗ್ಯವಾನಂವೊ.
Aktualisht i përzgjedhur:
2 ಕೊರಿಂಥ 10: ಕೊಡವ
Thekso
Ndaje
Kopjo
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2017, New Life Literature (NLL)
2 ಕೊರಿಂಥ 10
10
ಪೌಲಂಡ ಅಪೊಸ್ತಲ ಅದಿಕಾರ
1ನಿಂಗಡ ಪಕ್ಕ ಇಪ್ಪಕ ತಾಳ್ಮೆಲು, ನಿಂಗಡಿಂಜ ದೂರ ಇಪ್ಪಕ ನಿಂಗಡ ಮೇಲೆ ಕಂಡಿತವಾಯಿತ್ ಉಳ್ಳನೆಕೆ ಕಾಂಬ ಪೌಲನಾನ ನಾನ್, ಕ್ರಿಸ್ತಂಡ ಶಾಂತ ಗುಣತ್‍ರ ಪಿಂಞ ದಯೇರ ಮೂಲಕ ನಿಂಗಕ್ ಬೋಡಿಯಂಡುಳ್ಳ. 2ನಂಗ ತಡೀರ ಪ್ರಕಾರ ನಡ್‌ಂದಂಡುಂಡ್‍ೕಂದ್ ಗೇನ ಮಾಡ್‌ವ ಚೆನ್ನ ಜನಡ ವಿಷಯತ್, ನಾನ್ ಕಠಿಣವಾಯಿತ್ ಇಕ್ಕಂಡೂಂದ್ ಗೇನ ಮಾಡಿಯಂಡುಳ್ಳ. ನಾನ್ ನಿಂಗಡ ಪಕ್ಕ ಬಪ್ಪಕ, ಅನ್ನನೆ ಕಠಿಣ ಗುಣತ್‍ನ ದೈರ್ಯವಾಯಿತ್ ಕಾಂಬ್‍ಚಿಡುವಕ್ ಬಟ್ಟೆ ಮಾಡಿ ಕೊಡ್‍ಕತೀಂದ್ ನಿಂಗಳ ಬೋಡುವಿ. 3ನಂಗ ಈ ತಡೀಲ್ ಇಂಜತೇಂಗಿಯು, ತಡೀಲ್ ಯುದ್ದ ಮಾಡ್‌ವನೆಕೆ ನಂಗ ಮಾಡುಲೆ. 4ನಂಗ ಉಪಯೋಗ ಮಾಡ್‌ವ ಯುದ್ದತ್‍ರ ಆಯುದ ಈ ತಡೀರ ಆಯುದಂಗ ಅಲ್ಲ, ಅದ್, ಗಟ್ಟಿಯಾಯಿತುಳ್ಳ ಕೋಟೆಯಳ ಪೊಳಿಪಕುಳ್ಳ ದೇವಡ ಶಕ್ತಿಯಾಯಿತುಂಡ್. 5ಅದ್ಂಡ ಮೂಲಕ, ನಂಗ ವಾದತ್‍ನ ಪಿಂಞ ದೇವಡ ವಿಷಯತ್‍ನ ಗೊತ್ತ್‌ಮಾಡ್‍ವಕ್ ವಿರೋದವಾಯಿತ್ ನಿಪ್ಪ ಎಲ್ಲಾ ಬಡಾಯಿನ ಪಾಳ್ ಮಾಡಿತ್, ಎಲ್ಲಾ ಯೇಚನೆನ ಕ್ರಿಸ್ತಂಗ್ ತಗ್ಗಿತ್ ನಡ್‍ಪನೆಕೆ ಪುಡ್‍ಚಿ ಬೆಚ್ಚಿತುಂಡ್. 6ನಿಂಗ ಪೂರ್ತಿಯಾಯಿತ್ ತಗ್ಗಿತ್ ನಡ್‍ಪದ್ ನೆರವೇರುವಕ, ತಗ್ಗಿತ್ ನಡ್‍ಕತೆ ಇಪ್ಪಾಂಗ್ ತಕ್ಕಂತ ನೀತಿರ ಶಿಕ್ಷೆ ತಪ್ಪಕ್ ತಯಾರಾಯಿತ್ ಉಂಡ್.
7ನಿಂಗ ಪೊರಮೆ ಕಾಂಬ ಕೋಲತ್‍ನ ಮಾತ್ರ ನೋಟಿಯಂಡುಳ್ಳಿರ? ಒಬ್ಬ ತಾನ್ ಕ್ರಿಸ್ತಂಡ ಕೂಡೆ ಐಕ್ಯತ್‍ಲ್ ಉಳ್ಳ್‌ಂದ್ ನಂಬಿಯಂಡಿಂಜತೇಂಗಿ, ಅಂವೊ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಇಪ್ಪನೆಕೆ, ನಂಗಳು ಕ್ರಿಸ್ತಂಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಅಂವೊ ಅಂವೊಂಡಲ್ಲಿ ಗೇನಮಾಡಡ್. 8ಒಡೆಯ ನಂಗಕ್ ಕೊಡ್‍ತಿತುಳ್ಳ ಅದಿಕಾರತ್‍ರ ವಿಷಯತ್, ನಾನ್ ಇಂಞು ದುಂಬ ಹೊಗಳಿಚಿಟ್ಟತೇಂಗಿಯು ನಾಕ್ ಞಾಣ ಆಪುಲೆ. ನಿಂಗಳ ಪಾಳ್ ಮಾಡ್‌ವಕಾಯಿತಲ್ಲ, ನಿಂಗಳ ಚಾಯಿ ಬೊಳ್‌ತಿತ್ ಕೆಟ್ಟುವಕಾಯಿತ್ ಈ ಅದಿಕಾರತ್‍ನ ನಂಗಕ್ ಕೊಡ್‍ತತ್.
9ನಾನ್ ಕಾಗದತ್‍ರ ಮೂಲಕ ನಿಂಗಳ ಬೊತ್ತ್‌ಚಿಡ್‌ವಂವೊನೆಕೆ ಕಾಟ್‍ವಕ್ ನಾಕ್ ಮನಸ್ಸಿಲ್ಲೆ. 10ಅಂವೊಂಡ ಕಾಗದ ದುಂಬ ಗಟ್ಟಿಯಾಯಿತು ಒತ್ತಾಯ ಮಾಡ್‌ವದಾಯಿತು ಉಂಡ್, ಆಚೇಂಗಿ ಅಂವೊ ತಡೀಲ್ ಬಲಯಿಲ್ಲತಂವೊನು ಅಂವೊಂಡ ತಕ್ಕ್ ಪ್ರಯೋಜನ ಇಲ್ಲತವಾಯಿತು ಉಂಡ್‍ೕಂದ್ ಚೆನ್ನ ಜನ ನಾಡ ವಿಷಯತ್ ಎಣ್ಣಿಯಂಡುಂಡಲ್ಲ? 11ಅನ್ನನೆ ಎಣ್ಣುವಯಿಂಗಕ್, ನಂಗ ನಿಂಗಡಿಂಜ ದೂರತ್‍ಲ್ ಇಪ್ಪಕ ತಕ್ಕ್‌ಲ್ ಎನ್ನನೆ ಉಂಡೋ, ಅನ್ನನೆ ನಿಂಗಡ ಪಕ್ಕತ್ ಇಪ್ಪಕಲು ನಂಗಡ ಕ್ರಿಯೇಲ್ ಇಪ್ಪಾಂದ್ ಗೊತ್ತಿರಡ್.
12ಆಚೇಂಗಿಯು, ತಂಗಳ ತಾಂಗಳೇ ಬಲ್ಯಂಗಳಾಯಿತ್ ಕಾಂಬ್‍ಚಿಡುವಕಾಯಿತ್ ಬಡಾಯಿ ತಕ್ಕ್ ಎಣ್ಣುವ ಚೆನ್ನ ಜನಡ ಕೂಡೆ ನಂಗಳ ಸಮವಾಯಿತ್ ಹೋಲಿಕೆ ಮಾಡ್‌ವಕ್ ನಂಗ ದೈರ್ಯ ಎಡ್‍ಪುಲೆ; ಅಯಿಂಗ, ಅಯಿಂಗಡೊಳ್‌ಲ್ ಅಯಿಂಗ ಅಯಿಂಗಳೇ ಅಳ್‌ತೆ ಮಾಡಿಯಂಡ್, ಅಯಿಂಗಕೇ ಅಯಿಂಗಳ ಹೋಲಿಕೆ ಮಾಡಿಯಂಡುಳ್ಳ ಅಯಿಂಗ ಬುದ್ದಿವಂತಯಿಂಗ ಅಲ್ಲ. 13ಆಚೇಂಗಿ ನಂಗ ನಂಗಳ ಮಿತಿಕ್ ಮೀರಿತ್ ಹೊಗ್‍ಳ್‌ಚಿಡತೆ, ನಿಂಗಡ ಪಕ್ಕ ಬಂದಿತ್ ಎತ್ತ್‌ವಚ್ಚಕ್ ದೇವ ನಂಗಕ್ ದಾನಮಾಡ್‍ನ ಅಳ್‌ತೆರಚ್ಚಕ್ ಹೊಗಳಿಯಂಡುಂಡ್. 14ನಿಂಗಡ ಪಕ್ಕ ಬಂತ್ ಎತ್ತ್‌ವಕ್ ಕಯ್ಯತನೆಕೆ ಮಿತಿ ಮೀರಿತ್ ಪೋಪುಲೆ; ನಂಗ ಕ್ರಿಸ್ತಂಡ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡ್ ನಿಂಗಡಲ್ಲಿಕತ್ತನೆ ಬಂದತಲ್ಲ?
15ನಂಗ ಮಿತಿನ ಮೀರಿತ್ ಬೋರೆಯಿಂಗಡ ಸೇವೇನ ಎಡ್‍ತಂಡ್ ಹೊಗಳಿಚಿಡುಲೆ. ಆಚೇಂಗಿ ನಿಂಗಡ ನಂಬಿಕೆ ಬಲ್ಯದಾಚೇಂಗಿ, ನಿಂಗಡ ಮದ್ಯತ್‍ಲ್ ನಂಗಡ ಸೇವೆ ಇಂಞು ಪಬ್ಬ್‌ವಾಂದ್ ನಂಗ ನಂಬಿಯಂಡುಂಡ್. 16ಅಕ್ಕ, ದೇವಡ ನಲ್ಲ ಸುದ್ದಿನ ನಿಂಗಡ ಜಾಗತ್‍ನ ದಾಟಿತ್ ನಂಗ ಪ್ರಚಾರ ಮಾಡ್‌ವಕಯ್ಯು. ಬೋರೆಯಿಂಗಡ ಮಿತಿರ ಜಾಗತ್‍ಲ್ ಮಾಡ್‍ನ ದೇವಡ ಸೇವೇರ ಫಲತ್‍ರ ವಿಷಯತ್ ನಂಗ ಹೊಗಳಿಚಿಡ್‌ವಕ್ ಪೋಪುಲೆ. 17ಹೊಗಳಿಚಿಡುವಂವೊ ಒಡೆಯಂಡ ವಿಷಯತ್ ಮಾತ್ರ ಹೊಗ್‍ಳಿಚಿಡಡ್.#10.17 ಯೆರೆಮೀಯ 9.24 18ತಾಂಗ್ ತಾನೇ ಹೊಗಳಿಚಿಡುವಂವೊ ಯೋಗ್ಯನಲ್ಲ, ಒಡೆಯ ದಾರ್‌ನ ಹೊಗಳಿಚಿಡುಂವೊನೋ ಅಂವೊನೇ ಯೋಗ್ಯವಾನಂವೊ.
Aktualisht i përzgjedhur:
:
Thekso
Ndaje
Kopjo
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2017, New Life Literature (NLL)