Sawmus 93
93
Uhokri, ig hawkri avikara
1Kiyavwiye Uhokri ig Ikivarat. Ig kakawihnivu akak gikiytani. Hawata ig pahavwite akak gidatni. Ig sumuh waxri niwetrimadga in ka mukusa.
2Kiyavwiye, pevwi kiyatyo eg avanenekwa ay ku samah akavuska hawkri; pis avanenekwa kumadukene inin hawkri.
3Kiyavwiye Uhokri, parahwokwa mihadnene in kihawna amanpuy. In keh kimanka ka hawnasima.
4Ig Kiyavwiye Uhokri kumaduka inurik akak madikte gidatni. Gikuvimna pi kihawnate ariw parahwokwa aman, hawata pi datte ariw parahwokwa guvawanpig.
5Kiyavwiye, pikumadukan amawka in kamaxwaka nivitit. Hawata barewvitka in akisyi pivin adahan avanenekwa.
Aktualisht i përzgjedhur:
Sawmus 93: pluPB
Thekso
Kopjo
Krahaso
Ndaje
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2018, Wycliffe Bible Translators, Inc. All rights reserved.