Sawmus 129
129
Usuh haraksepka, heneme usuh ka matak
1Hiyeg izhaewyenevwi, akkanabay ku samah yivetunyavu haraksevyi ku samah akavuska yaymuhwan.
2Igkisme izhaewyenevwi kaytwa: “Ku samah akavuska waymuhwan, uvetunyavu harakse usuh akak madikte gimabyankis, heneme igkis ka matakati usuh.
3In ke wotbe igkis kehe nopsadmin busukne uduhyamadga, kewa kewkabe akak mpuri abet wayk.
4Heneme ig Kiyavwiye Uhokri, ku pariye waditye, wiwhe usuh ayteke abetitak ini bukitka.”
5Amawka ig marekenek madikte neras ku pariye amiyhenevwi Jerusalém. Amawka igkis madikte hahwanek ta gitivut.
6Amawka madikte igkis humawnek kewa ewwaktibe ku pariye hiyan aduhyamadga payt, ku pariye huruhrup avit in waraka.
7Ewwakti ku pariye yuma pahavwinema hiyeg muwakapni, ine igkis kawnata wanakihni adahan bayahni.
8Amawka hiyeg ku pariye mpiyevyenek igkis ka awnanek gitkis:
“Kiyavwiye Uhokri gabay yikaknek. Usuh sarayh kabayka yivitit giwavrik Kiyavwiye.”
Aktualisht i përzgjedhur:
Sawmus 129: pluPB
Thekso
Kopjo
Krahaso
Ndaje
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2018, Wycliffe Bible Translators, Inc. All rights reserved.