TATPATMEI 7
7
1 Ringhpouc rui Mousi khou sa the, “Ai rui nang ta guangh hu khou rav kumc tiswlou puni; khatni nang chaic Aron rui Pharao khou nang tuang muczwng kumcna sa puni. 2Ai rui nang khou latdanv tiimei guay tei Aron khou salou o; kumna Isaraelmei nunc ta kakandih khou rui titat khang Aron rui guangh khou dinc puni. 3Kum e tiki ai rui Pharao lung titanclou puni; ai rui Izip khou charynmei taanv azuh taanclou bam tisini, kamei nang lat laalou ni tu hamh e.#Lat 7.36 4Khoutei ai rui Izipmei ruc khou si sihmei dandi tiguang puni. Kumna amei nunc Isaraelmei ta mi kandic khou rui nduangh pat puni. 5Ai rui kaniw ruc khou abaanc zay thauna, Isaraelmei nunc ta kaniw kandic khou rui nduangh pat pwkhou na rui, ai hei Ringhpouc e twmei Izipmei nunc thay puni.” 6Ringhpouc rui latdanv tiimei tei Mousi lev Aron rui taanc the. 7Kaney rui guangh khou lat guang samei ganv khou tei, Mousi tei katingkwm 80 the; khatni Aron tingkwm 83 the.
Aron tuang Builwang
8 Ringhpouc rui Mousi lev Aron khou sa the, 9“Guangh rui nangney ta charynmei taanv taanc lyan o twna sa pw e thei, Aron ta katuang builwang Pharao hu khou phaic key khang sa tio. Kum e thei, hei tei nrui guanh puni.” 10Kumna Mousi lev Aron tei Pharao daeng khou guangna, Ringhpouc rui latdanv tiimei tei kumcna taanc the. Aron rui katuang builwang Pharao khatni katuang meicdaihmei guay hu khou phaic key the; kumna hei tei nrui guanh the. 11Khoutei Pharao rui ni katuang ningtyngmei Izipmei parian-para thaymei nunc ta kaw guang the. Kumna kaniw duaic rui hei tei kahak taanc the. 12Kaniw rui kaniw tuang builwang kandih khou phaic key pwkhou, hei tei nrui guanh the. Tiki Aron tuang builwang rui kaniw tuang builwang guay tei aluakc kan the. 13Kum tisini, Ringhpouc rui samei kumcna, Pharao tei kalung tanc bam de; Mousi lev Aron lat tei chulou mak ge.
Izip khou Tasiat Tiguangmei
Zei
14Khoutei Ringhpouc rui Mousi khou sa the, “Pharao tei kalung tanc the; kumna meic nunc ta tei titat mu the. 15Kumhpui zaeng rui kamei lauthwan Nail duithuak khou key pwkhou, tatna Pharao ariw o. Nrui guanhmei builwang tei sinna duithuak khuangc khou tei kata nkhwan bam o. 16Khoutei guangh khou tei kumna sa o, ‘Amei nunc tei ata tazikramv khou kalum tat khang nang khou sa o twna Ringhpouc, Ibrimei Racguangc rui ata thouc pwna the tiki ntaw nganv nang piu mak ge. 17Guanghle, Ringhpouc kamei thow cho twmei kamei rui taanclou pw nimei taanv khou rui how puni twna Ringhpouc rui sa e. Zauclo, mi builwang hei rui, ai rui dui ti hei bai puni; kum pwkhou dui hei zei guanh puni.#Nda 16.4 18Khav guay theic puni; dui tei heidi namhsina Izipmei nunc mi dui hei zangv dat nuh mak puni.’ ”
19 Ringhpouc rui Mousi khou sa the, “Aron ta katuang builwang sinna Izip tuang duithuak guay, duiriang guay, khatni duikhunc guay ruc khou sinlou ti tho twna sa tio. Dui guay tei zei guanh puni; kumna kandih kabamv kaguayna khou, zei rana puni; duikhw, khatni ntauhlai khou nganv zei rana puni.”
20 Ringhpouc rui latdanv tiimei kumcna, Mousi lev Aron taanc the. Pharao khatni katuang meicdaihmei nunc hu khou Aron rui katuang builwang zay thauna dui ta tei bai the; kumna dui guay tei zei guanh the. 21Mi duithuak khou naimei khav guay tei theic the; kumna hei tei namhsi langv tina, Izipmei nunc mi dui tei zangv dat nuh mak khe. Izip kabamv kathuic khou zei rana di the. 22Khoutei Izipmei tuang duaih thaymei nunc tei, kaniw duaic rui hei tei lev nchamcmei taanc the; kumna Pharao tei kalung tanc hay hay the. Ringhpouc rui samei kumcna, guangh tei Mousi lev Aron kaney lat chulou mak ge. 23Chuloumei phaan, mi khou tei nganv kalung khat sini gutlou makna thei karihna kakai thangc tat dat kan the. 24Izipmei nunc tei duithuak dui zangv nuh lamak khena, Nail duithuak daeng khou tei duikhunc khiauc the.
25 Ringhpouc rui duithuak tei baimei tangv, zaeng chanei tat dat kan the.
Aktualisht i përzgjedhur:
TATPATMEI 7: RONGBSI
Thekso
Ndaje
Kopjo
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
TATPATMEI 7
7
1 Ringhpouc rui Mousi khou sa the, “Ai rui nang ta guangh hu khou rav kumc tiswlou puni; khatni nang chaic Aron rui Pharao khou nang tuang muczwng kumcna sa puni. 2Ai rui nang khou latdanv tiimei guay tei Aron khou salou o; kumna Isaraelmei nunc ta kakandih khou rui titat khang Aron rui guangh khou dinc puni. 3Kum e tiki ai rui Pharao lung titanclou puni; ai rui Izip khou charynmei taanv azuh taanclou bam tisini, kamei nang lat laalou ni tu hamh e.#Lat 7.36 4Khoutei ai rui Izipmei ruc khou si sihmei dandi tiguang puni. Kumna amei nunc Isaraelmei ta mi kandic khou rui nduangh pat puni. 5Ai rui kaniw ruc khou abaanc zay thauna, Isaraelmei nunc ta kaniw kandic khou rui nduangh pat pwkhou na rui, ai hei Ringhpouc e twmei Izipmei nunc thay puni.” 6Ringhpouc rui latdanv tiimei tei Mousi lev Aron rui taanc the. 7Kaney rui guangh khou lat guang samei ganv khou tei, Mousi tei katingkwm 80 the; khatni Aron tingkwm 83 the.
Aron tuang Builwang
8 Ringhpouc rui Mousi lev Aron khou sa the, 9“Guangh rui nangney ta charynmei taanv taanc lyan o twna sa pw e thei, Aron ta katuang builwang Pharao hu khou phaic key khang sa tio. Kum e thei, hei tei nrui guanh puni.” 10Kumna Mousi lev Aron tei Pharao daeng khou guangna, Ringhpouc rui latdanv tiimei tei kumcna taanc the. Aron rui katuang builwang Pharao khatni katuang meicdaihmei guay hu khou phaic key the; kumna hei tei nrui guanh the. 11Khoutei Pharao rui ni katuang ningtyngmei Izipmei parian-para thaymei nunc ta kaw guang the. Kumna kaniw duaic rui hei tei kahak taanc the. 12Kaniw rui kaniw tuang builwang kandih khou phaic key pwkhou, hei tei nrui guanh the. Tiki Aron tuang builwang rui kaniw tuang builwang guay tei aluakc kan the. 13Kum tisini, Ringhpouc rui samei kumcna, Pharao tei kalung tanc bam de; Mousi lev Aron lat tei chulou mak ge.
Izip khou Tasiat Tiguangmei
Zei
14Khoutei Ringhpouc rui Mousi khou sa the, “Pharao tei kalung tanc the; kumna meic nunc ta tei titat mu the. 15Kumhpui zaeng rui kamei lauthwan Nail duithuak khou key pwkhou, tatna Pharao ariw o. Nrui guanhmei builwang tei sinna duithuak khuangc khou tei kata nkhwan bam o. 16Khoutei guangh khou tei kumna sa o, ‘Amei nunc tei ata tazikramv khou kalum tat khang nang khou sa o twna Ringhpouc, Ibrimei Racguangc rui ata thouc pwna the tiki ntaw nganv nang piu mak ge. 17Guanghle, Ringhpouc kamei thow cho twmei kamei rui taanclou pw nimei taanv khou rui how puni twna Ringhpouc rui sa e. Zauclo, mi builwang hei rui, ai rui dui ti hei bai puni; kum pwkhou dui hei zei guanh puni.#Nda 16.4 18Khav guay theic puni; dui tei heidi namhsina Izipmei nunc mi dui hei zangv dat nuh mak puni.’ ”
19 Ringhpouc rui Mousi khou sa the, “Aron ta katuang builwang sinna Izip tuang duithuak guay, duiriang guay, khatni duikhunc guay ruc khou sinlou ti tho twna sa tio. Dui guay tei zei guanh puni; kumna kandih kabamv kaguayna khou, zei rana puni; duikhw, khatni ntauhlai khou nganv zei rana puni.”
20 Ringhpouc rui latdanv tiimei kumcna, Mousi lev Aron taanc the. Pharao khatni katuang meicdaihmei nunc hu khou Aron rui katuang builwang zay thauna dui ta tei bai the; kumna dui guay tei zei guanh the. 21Mi duithuak khou naimei khav guay tei theic the; kumna hei tei namhsi langv tina, Izipmei nunc mi dui tei zangv dat nuh mak khe. Izip kabamv kathuic khou zei rana di the. 22Khoutei Izipmei tuang duaih thaymei nunc tei, kaniw duaic rui hei tei lev nchamcmei taanc the; kumna Pharao tei kalung tanc hay hay the. Ringhpouc rui samei kumcna, guangh tei Mousi lev Aron kaney lat chulou mak ge. 23Chuloumei phaan, mi khou tei nganv kalung khat sini gutlou makna thei karihna kakai thangc tat dat kan the. 24Izipmei nunc tei duithuak dui zangv nuh lamak khena, Nail duithuak daeng khou tei duikhunc khiauc the.
25 Ringhpouc rui duithuak tei baimei tangv, zaeng chanei tat dat kan the.
Aktualisht i përzgjedhur:
:
Thekso
Ndaje
Kopjo
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.