TATPATMEI 4
4
Ravguangc rui Mousi khou Charynmei Ngamv Tiiloumei
1Mousi rui Ravguangc khou sa the, “Isaraelmei nunc rui ata lwm makna, ‘Ringhpouc nang khou ndauhlou bam kan mak ge,’ twna sana, ai samei tei nkinglou mak ge thei tabui sw ni?”
2“Nang baanc khou sin bammei tei tabui cho?” twna Ringhpouc rui kakhou thanv the.
“Builwang e,” twna kamei rui daw the.
3 Ringhpouc rui sa the, “Hei tei kandih khou phaic key o.” Mousi rui hei tei kandih khou phaickey pwkhou, hei tei nrui guanh the; kumna kamei thei tangsyn pat the. 4Khoutei, “Nkhum keyna kamai tei sinna zay thau o,” twna Ringhpouc rui Mousi khou sa the. Mousi rui nkhum keyna hei tei nym pwkhou, builwang guanh dat the. 5Ringhpouc rui sa the, “Kaniw pupouc Racguangc, Abraham, Isak, khatni Jakob Racguangc Ringhpouc ai rui nang khou ndauhlou e twmei thay khang mi hei lyan tho.”
6“Nang tuang pheychuanh lungc khou nang baanc num gut ro,” twna Ringhpouc rui Mousi khou sa the! Mousi kabaanc katuang pheychuanh lungc khou num gutna laa pat dat pwkhou, hei tei nraeng pauh pau the. 7“Nang baanc tei nang tuang pheychuanh lungc khou num gut dat ro” twna Ringhpouc rui sa the. Kamei num gutna laa pat dat pwkhou, hei tei gay dat the; kalwnlungh kumc dat the. 8Ringhpouc rui sa the, “Reymei charynmei taanv tei rui kaniw lwm ngam mak ge thei, mi kanei hei rui kaniw ta tilwm puni. 9Mi charynmei taanv kanei nchinloumei khou hei sini, kaniw lwm makna, nang lat laa mak ge thei, Nail duithuak khou rui dui laana hei tei kandih khou bun key o. Dui tei zei guanh puni.”
10Kum sini Mousi rui sa the, “Ringhpouc, ai thu lat sa thay mak ge; tat kanmei ganv khou rui sa thay makmei kumcna ntaw ni lat sa thaypui mei hamh e. Ai abaley ni, alat ni nzaeng e.”
11 Ringhpouc rui kakhou sa the, “Maansei khang lat tisalou bammei hei thow rui cho? Kata nu ti-ndylou khatni lat tisa thaylou mak bammei hei thow rui cho ? Thow rui kamik tihowlou khatni kamik titiatlou tu cho? Mi guay hei Ringhpouc ai rui hamhna cho ? 12Ntaw thu, tat tho! Nang sa khang ai rui nkhavlou puni; khatni tabui lat sa nina cho twmei ai rui dinclou puni.”
13“Kiuc hamh e, Ringhpouc, meic baihmei ta thouclou do,” twna Mousi rui daw the.
14Khoutei Ringhpouc rui Mousi ta kalung puamcna sa the, “Nang chaic Aron, Levimeipu tei thu akumh cho? Kamei lat sa thay e twmei ai thay e. Ntaw kamei nang ta ariw khang guang the; kumna nang ta how pwkhou kalung neihla puni. 15Nang kata kachucna, tabui lat sa nina cho twmei kakhou sa titho. sa ngam khang ai rui nangney gaanv nei ta nkhavlou puni; khatni tabui sw nina cho twmei nangney khou salou puni. 16Kamei nang phaan sameipu sw puni; kamei rui meic nunc khou nang phaan salou puni. Khou kiu, nang rui sa bammei tei Ravguangc rui kakhou sa bam kumc puni the. 17Mi builwang hei nang sin tat ro; kalam thu mi hei rui nang charynmei taanv taanc puni.”
Mousi Izip khou Guang Datmei
18Mousi kapouc Jethro daeng khou guang datna kakhou kumna sa the, “Izip thangc bammei ariang aluaic guay ringc bam di ny ai zauc tat ni he.”
“Gay the; gayna tat tho,” twna Jethro rui sa the.
19Mousi Midian kandic khou bam khou, “Izip thangc tat dat tho; nang ta swluai khang sw bammei guay tei theic ngam kan the,” twna Ringhpouc rui kakhou sa the. 20Kumna Mousi kanow kanac mpouh nunc ta kuanniam khou tidungclouna, Ravguangc rui sin tat ro twna samei builwang tei sinna Izip tat khang kaamc thau the.
21 Ringhpouc rui Mousi khou sa dat re, “Nang Izip thangc guang dat pwkhou, taanh khang ai rui ngamv tiilou kanmei charynmei taanv guay tei guangh hu khou taanc o. Ai rui guangh ta kalung titanclou puni; kumna kamei rui meic nunc ta tei titat mak puni. 22Khou kiu, Ringhpouc ai rui heikumna sa e twna nang rui kakhou kumna sa nina e, ‘Isarael hei anac mpouh nareimei e. 23Ata kalum tat khang, anac ta titat ro twna ai nang khou sa tiki, nang nuh mak ge. Hei zaeng rui, nang nac mpouh nareimei ta ai rui swluai puni.’ ”#Tat 12.29
24Izip chaeng zypui akhat khou, Ringhpouc Mousi ta ariwna, kata swluai khang sw the. 25Khoutei kanow Zipora rui ntauh ntukmei laana kanac mpouh tuang kapaeng gic ruamc the kumna hei tei rui Mousi phay kahi the khatni kumna sa the, “Nang hei zei rui sakhi swmei atuang nowpouc pu di the” 26nang hei gih ruamhmei zei rui sakhi swloumei “Nowpouc di the” twna Zipora rui sa the. Kumna Ringhpouc rui Mousi ta swluai mak khe.
27Kum bammei ganv khoutei, Ringhpouc rui Aron khou sa the, “Mousi ta ariw khang tazikramv thangc tei tat tho.” Kumna nthanmei chyng khou kata ariw khang kamei tat the. Aron rui Mousi ta ariwna kaput the. 28Khoutei Ringhpouc rui kata Izip thangc guang dat khang thouhmei ganv khou kakhou saloumei lat guay khatni Ringhpouc rui taanc no twna samei charynmei taanv lam guay tei Mousi rui Aron khou raclou the. 29Kumna Mousi lev Aron kaney tei Izip khou guangna Isarael tuang kapy swmei guay ta kaw kaduai the. 30Ringhpouc rui Mousi khou samei lat guay tei Aron rui kaniw khou raclou the, khatni Mousi rui charynmei taanv guay tei kaniw hu khou taanclou the. 31Kaniw lwm the, kaniw ta adih sina sw bam cho khatni Isaraelmei guay ryanra akhaengv bam cho twmei Ringhpouc rui how the twmei lat kaniw chu pwkhou nkhum keyna kalum the.
Aktualisht i përzgjedhur:
TATPATMEI 4: RONGBSI
Thekso
Ndaje
Kopjo
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
TATPATMEI 4
4
Ravguangc rui Mousi khou Charynmei Ngamv Tiiloumei
1Mousi rui Ravguangc khou sa the, “Isaraelmei nunc rui ata lwm makna, ‘Ringhpouc nang khou ndauhlou bam kan mak ge,’ twna sana, ai samei tei nkinglou mak ge thei tabui sw ni?”
2“Nang baanc khou sin bammei tei tabui cho?” twna Ringhpouc rui kakhou thanv the.
“Builwang e,” twna kamei rui daw the.
3 Ringhpouc rui sa the, “Hei tei kandih khou phaic key o.” Mousi rui hei tei kandih khou phaickey pwkhou, hei tei nrui guanh the; kumna kamei thei tangsyn pat the. 4Khoutei, “Nkhum keyna kamai tei sinna zay thau o,” twna Ringhpouc rui Mousi khou sa the. Mousi rui nkhum keyna hei tei nym pwkhou, builwang guanh dat the. 5Ringhpouc rui sa the, “Kaniw pupouc Racguangc, Abraham, Isak, khatni Jakob Racguangc Ringhpouc ai rui nang khou ndauhlou e twmei thay khang mi hei lyan tho.”
6“Nang tuang pheychuanh lungc khou nang baanc num gut ro,” twna Ringhpouc rui Mousi khou sa the! Mousi kabaanc katuang pheychuanh lungc khou num gutna laa pat dat pwkhou, hei tei nraeng pauh pau the. 7“Nang baanc tei nang tuang pheychuanh lungc khou num gut dat ro” twna Ringhpouc rui sa the. Kamei num gutna laa pat dat pwkhou, hei tei gay dat the; kalwnlungh kumc dat the. 8Ringhpouc rui sa the, “Reymei charynmei taanv tei rui kaniw lwm ngam mak ge thei, mi kanei hei rui kaniw ta tilwm puni. 9Mi charynmei taanv kanei nchinloumei khou hei sini, kaniw lwm makna, nang lat laa mak ge thei, Nail duithuak khou rui dui laana hei tei kandih khou bun key o. Dui tei zei guanh puni.”
10Kum sini Mousi rui sa the, “Ringhpouc, ai thu lat sa thay mak ge; tat kanmei ganv khou rui sa thay makmei kumcna ntaw ni lat sa thaypui mei hamh e. Ai abaley ni, alat ni nzaeng e.”
11 Ringhpouc rui kakhou sa the, “Maansei khang lat tisalou bammei hei thow rui cho? Kata nu ti-ndylou khatni lat tisa thaylou mak bammei hei thow rui cho ? Thow rui kamik tihowlou khatni kamik titiatlou tu cho? Mi guay hei Ringhpouc ai rui hamhna cho ? 12Ntaw thu, tat tho! Nang sa khang ai rui nkhavlou puni; khatni tabui lat sa nina cho twmei ai rui dinclou puni.”
13“Kiuc hamh e, Ringhpouc, meic baihmei ta thouclou do,” twna Mousi rui daw the.
14Khoutei Ringhpouc rui Mousi ta kalung puamcna sa the, “Nang chaic Aron, Levimeipu tei thu akumh cho? Kamei lat sa thay e twmei ai thay e. Ntaw kamei nang ta ariw khang guang the; kumna nang ta how pwkhou kalung neihla puni. 15Nang kata kachucna, tabui lat sa nina cho twmei kakhou sa titho. sa ngam khang ai rui nangney gaanv nei ta nkhavlou puni; khatni tabui sw nina cho twmei nangney khou salou puni. 16Kamei nang phaan sameipu sw puni; kamei rui meic nunc khou nang phaan salou puni. Khou kiu, nang rui sa bammei tei Ravguangc rui kakhou sa bam kumc puni the. 17Mi builwang hei nang sin tat ro; kalam thu mi hei rui nang charynmei taanv taanc puni.”
Mousi Izip khou Guang Datmei
18Mousi kapouc Jethro daeng khou guang datna kakhou kumna sa the, “Izip thangc bammei ariang aluaic guay ringc bam di ny ai zauc tat ni he.”
“Gay the; gayna tat tho,” twna Jethro rui sa the.
19Mousi Midian kandic khou bam khou, “Izip thangc tat dat tho; nang ta swluai khang sw bammei guay tei theic ngam kan the,” twna Ringhpouc rui kakhou sa the. 20Kumna Mousi kanow kanac mpouh nunc ta kuanniam khou tidungclouna, Ravguangc rui sin tat ro twna samei builwang tei sinna Izip tat khang kaamc thau the.
21 Ringhpouc rui Mousi khou sa dat re, “Nang Izip thangc guang dat pwkhou, taanh khang ai rui ngamv tiilou kanmei charynmei taanv guay tei guangh hu khou taanc o. Ai rui guangh ta kalung titanclou puni; kumna kamei rui meic nunc ta tei titat mak puni. 22Khou kiu, Ringhpouc ai rui heikumna sa e twna nang rui kakhou kumna sa nina e, ‘Isarael hei anac mpouh nareimei e. 23Ata kalum tat khang, anac ta titat ro twna ai nang khou sa tiki, nang nuh mak ge. Hei zaeng rui, nang nac mpouh nareimei ta ai rui swluai puni.’ ”#Tat 12.29
24Izip chaeng zypui akhat khou, Ringhpouc Mousi ta ariwna, kata swluai khang sw the. 25Khoutei kanow Zipora rui ntauh ntukmei laana kanac mpouh tuang kapaeng gic ruamc the kumna hei tei rui Mousi phay kahi the khatni kumna sa the, “Nang hei zei rui sakhi swmei atuang nowpouc pu di the” 26nang hei gih ruamhmei zei rui sakhi swloumei “Nowpouc di the” twna Zipora rui sa the. Kumna Ringhpouc rui Mousi ta swluai mak khe.
27Kum bammei ganv khoutei, Ringhpouc rui Aron khou sa the, “Mousi ta ariw khang tazikramv thangc tei tat tho.” Kumna nthanmei chyng khou kata ariw khang kamei tat the. Aron rui Mousi ta ariwna kaput the. 28Khoutei Ringhpouc rui kata Izip thangc guang dat khang thouhmei ganv khou kakhou saloumei lat guay khatni Ringhpouc rui taanc no twna samei charynmei taanv lam guay tei Mousi rui Aron khou raclou the. 29Kumna Mousi lev Aron kaney tei Izip khou guangna Isarael tuang kapy swmei guay ta kaw kaduai the. 30Ringhpouc rui Mousi khou samei lat guay tei Aron rui kaniw khou raclou the, khatni Mousi rui charynmei taanv guay tei kaniw hu khou taanclou the. 31Kaniw lwm the, kaniw ta adih sina sw bam cho khatni Isaraelmei guay ryanra akhaengv bam cho twmei Ringhpouc rui how the twmei lat kaniw chu pwkhou nkhum keyna kalum the.
Aktualisht i përzgjedhur:
:
Thekso
Ndaje
Kopjo
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.