Salmos 120
120
Tjinki̱tsani kixin imá siín kjuanínkaon
1A̱ndá ti kꞌuáváni la kꞌuéyeheni Itꞌéni Díos
a̱ndá jehe chꞌan la mé kjuáte̱he la kjuínki̱tsa chꞌan.
2Itꞌéni Díos, tjínki̱tsa ti jeheni kixin ti kjuachꞌia chꞌéna
ti chojni tjenka̱yáxinhña jína.
3¿Xá nkehe chrókjuachara?
O̱, ¿xá nkehe chrókꞌuayéhéra, jahara chojni xrichꞌia?
4A̱ndá jahara la tsꞌayéhéra chika flecha imá iyo xriko ti sin jie̱he,
tíha mé tsíkꞌóna éxi xrinta síche mé xi̱kaha tsjasótexínra.
5A̱ndá nóa ti jeheni mé itjeni ti nonte Mésec
éxi ijnko chojni tsíkji̱xi̱n ókjé,
mé itjeni chjinaxón ti ndo̱e ti sin tjejó nonte Cedar.
6Nchónhña ña̱o kjuákꞌekoni ti chojni
tóxriènhña ti kjuaxróxin.
7Jeheni nixjani ti itan tsjajon kjuaxróxin,
a̱ndá jehe sin la nixja sin nkehe kuenté kjuanínkaon.
Aktualisht i përzgjedhur:
Salmos 120: poeNTplus
Thekso
Ndaje
Krahaso
Kopjo
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2016, Wycliffe Bible Translators, Inc. All rights reserved.