Vargje biblike të njohura nga Yap 20

Ndaje

Samơ̆ Yahweh pơhiăp hăng Môseh laih anŭn A̱rôn, “Yuakơ gih ƀu đaŏ kơnang kơ Kâo djŏp ôh kiăng pơpŭ kơ Kâo rơgoh hiam ƀơi anăp mơta ƀing Israel anai, tui anŭn gih ƀu či ba ƀing ană plei anai mŭt amăng anih lŏn Kâo brơi kơ ƀing gơñu ôh.”

“Mă bĕ gai jra ih laih anŭn ih hăng ayŏng ih A̱rôn pơƀut glaĭ bĕ ƀing ană plei hrŏm hơbĭt. Pơhiăp bĕ kơ boh pơtâo anŭn kiăng kơ tơbiă rai ia ƀơi anăp mơta gơñu, tui anŭn boh pơtâo anŭn či pơtơbiă rai ia yơh. Ih či pơtơbiă ia anŭn mơ̆ng boh pơtâo kơ ƀing ană plei, tui anŭn ƀing gơñu laih anŭn hlô mơnơ̆ng gơñu dưi mơñum yơh.”

Giŏng anŭn, Môseh yơr đĭ tơngan ñu hăng taih ƀơi boh pơtâo dua wơ̆t hăng gai jra ñu yuakơ ñu hil biă mă. Tui anŭn, ia tơlŭh tơbiă laih anŭn ƀing ană plei hăng tơpul hlô mơnơ̆ng gơñu mơñum.

Môseh hăng A̱rôn pơƀut glaĭ ƀing ană plei hrŏm hơbĭt gah anăp kơ boh pơtâo laih anŭn Môseh pơhiăp hăng ƀing gơñu tui anai, “Hơmư̆ bĕ, Ơ ƀing tơgŭ pơkơdơ̆ng ăh, ƀing gơmơi khŏm pơtơbiă kơ ƀing gih ia mơ̆ng boh pơtâo anai hă?”