Vargje biblike të njohura nga Akpaar-aponga 6

Ndaje

Masẹ itọhmọ s'Ọvaar Ubinọkpaabyi iyini ikhebha Gideọn, oben bẹ́, “Ọvaar Ubinọkpaabyi uning abọ, ọma urim-ekpong kwididen.”

Ọvaar Ubinọkpaabyi ọbhạkhẹ okkeri, oben bẹ́, “Ọma sọhng, ata atima ẹfa ch'akhaam akkaana anạng p'Israẹl k'mbọhk s'anạng p'Midiyan. Amma k'akhaam k'oyeni k'ifor wọ ntọhm-ọ.”

Ọvaar Ubinọkpaabyi ubhina bẹ́, “Amma m'nninga abọ, ọma m'abạra afhọ anạng p'Midiyan phyibh aben bẹ́ afhọ ọnạng wạnọ.”

Okhenkha, Gideọn ubhin bẹ́, “Ode Ọvaar Ubinọkpaabyi uning mạna abẹ, ode yạn kw'idik nna phyibh n'itto ikhebha mạna o? Ikkukkona-dik sẹ phyibh s'uwa ab'otte pamạna n'akpaak atenẹ-ẹ, aben bẹ́, ‘Wa Ọvaar Ubinọkpaabyi mạna nútima ubina k'Ijip o?’. Okhenkha, mantọhmma Ọvaar Ubinọkpaabyi k'nnạm ọkpa ọvạra mạna, ọbạra ọtạkha mạna oge k'mbọhk s'anạng p'Midiyan.”

Okhenkha, Gideọn ọbạbhọ bẹ́, “Aro, amma m'nsenga yạn nkkaana anạng p'Israẹl o? Efonamma chaam ẹjọ ẹsạk ọtạm k'ẹkhạma ch'Manasẹ. Amma wọ mbạra nsạkha ọtạm k'ẹchọhmfạr ch'otte kwaam.”

Wa, k'iwu jạnẹ, itọhmọ s'Ọvaar Ubinọkpaabyi ibin kha ikwu ikpira k'ofhon kw'Ọphra, ọta uninga ẹyạr k'ichi-rin ch'oak ch'Joash kw'ubin Abiez ọkhaam, k'ibyi s'nnwa kw'Gideọn n'uninga okhok agwu, k'ibyi s'abẹ n'amyạna achidwuk, ọfha anạng p'Midiyan nạngẹ bẹ ase.

Osenga ma, Gideọn usi ijabyi mạma, ọnạng Ọvaar Ubinọkpaabyi, oyeri sẹ, Ọvaar Ubinọkpaabyi Wọ Ode Ẹmẹm. Tạrr ukpira k'iwu ch'chemma, ijabyi nnọ ibe k'ofhon kw'Ọphra, k'ẹkhạma ch'Abiẹz.

Gideọn n'ubhin bẹ́, “Ode amma kk'ọphyaam nkhaama k'akhọ k'ititikha, ọma m'anạng-m ẹkhọhkha ch'amma m'ntima nsonga bẹ́ k'udik-ọkka, ọma wọ n'akpaak abamẹ.

Okhenkha, Ọvaar Ubinọkpaabyi oben-ẹ bẹ́, “ Tte ẹmẹm ininga abọ! Nạng-ọ ojor, khiri mápe.”

Wa anạng p'Israẹl abạra asi ibyibyia-dik k'ititikha s'Ọvaar Ubinọkpaabyi, Ubinọkpaabyi otte bẹ ọbọhk ọnạng anạng p'ẹkhạma ch'Midiyan, k'icho isenọfa.