Vargje biblike të njohura nga लुका 3

Ndaje

जब सब मनइ बप्‍तिस्‍मा लहत रेहें। तउके येसु फेक बप्‍तिस्‍मा लेहे अइनें आउर बप्‍तिस्‍मा लेहे बखत येसु पराथ्‍ना करत रेहें। उहिबखत स्‍वरग खुलल, आउर पबित्‍र आत्‍मा धउरिक रुपमे येसुके उप्पर आक बइठल आउर स्‍वरगमहति अबाज आइल, “तुम मोर पियारा लउँरा बाटो, मइ तुम्‍हिनति बहुत खुसि आहुँ।”

तउ युहन्‍ना उ सबके जबाफ दहनें, “मइ ते तोइन पानिलइक बप्‍तिस्‍मा दहत आहुँ, पर एक जनें मोहति सक्‍तिसालि आइत आहें, जिनका जुतक टेनि खुल्‍ना लायकके फेक मइ नाइआहुँ। उ तोइन पबित्‍र आत्‍मा आउर आगिलइक बप्‍तिस्‍मा दिहें।

पापि मन बदलल बात दिखाइक तहन बरहिया काम करो। हमरे ते अब्‍राहामके लउँरालउँरिया होइ, तभिकमारे पापके दन्‍ड हम्‍मर उप्पर नाआबे कहिके तोइनें नासोंचो। मइ तोइन कहत आहुँ परमेस्‍वर इ पथ्‍राकेहें फेक अब्‍राहामके लउँरालउँरिया बनाइ सिक्‍हिं।

रुख्‍खक जरमे कुरहारि परसिकल आहे, तभिकमारे बरहिया फारा नाइफरइया रुख्‍खा काटके आगिम फँकाइलजाइ।”

अइसे धरमसास्‍त्‍रमे अगम्‍जानि यसइयक लिखल बात पुरा होइल, “सुनो, उजार जगम एक जनें चिल्‍ला-चिल्‍लाक अइसे कहत आहें, ‘परभु अइना डगर सपारो, उनका निङ्‍गना डगर सुधे बनाउ। सब खत्‍ति-खत्‍ता भँठजाइ, सब पहार आउर सब डिङ्‌गा बरोबर हुइजाइ। टेंरहि-बाँगा डगर सुधे हुइजाइ, आउर कररा डगर सहजे बनाइक परि, आउर सब मनइभर परमेस्‍वरन दहल मुक्‍ति दिखहें।’”