Vargje biblike të njohura nga Eksodas 10

Ndaje

Yawe hemi tok moa olsem long Mosis, “Mosis, yu go moa long king. Mi mekem finis king ya wetem olketa bikman blong hem fo bikhed, mekem mi save som olketa mirakol ya long ae blong olketa. Mi duim disfala samting, mekem yufala save talemaot long olketa pikinini blong yufala an long olketa smolfala grani blong yufala, wea mi bin mekful long pipol blong Ijip taem mi mekem olketa mirakol ya long ae blong olketa. An from disfala samting nao, bae yufala evriwan i save, wea mi nao Yawe.”

Yawe hemi tok moa olsem long Mosis, “Yu liftimap han blong yu goap long skae, an evri ples long Ijip bae hemi kamap tudak finis. Tudak ya bae hemi barava dak fogud, wea hemi winim enisamting wea hemi blak.” So Mosis hemi liftimap han blong hem goap long skae, nao bikfala tudak hemi kavaremap evriwea long kantri ya, an hemi gohed fo stap olsem fo trifala de. Long taem ya, olketa pipol blong Ijip i no save lukim enisamting nao, olketa stap nomoa long olketa haos blong olketa, an no eniwan save kam aotsaet. Bat fo olketa pipol blong Israel, hemi gohed fo delaet nomoa long ples blong olketa.

So Mosis hemi liftimap wokingstik blong hem, an Yawe hemi mekem win fo blou kam from ist. Win ya hemi gohed fo blou fo wanfala fulde an wanfala fulnaet. Taem moning hemi kam, win ya hemi bin bloum kam staka grashopa tumas, an olketa grashopa ya i barava kavaremap evriples long Ijip. Olketa plande fogud wea no eniwan lukim kam bifoa, an bae no eniwan save lukim moa enitaem.