Vargje biblike të njohura nga Matia 7

Ndaje

“B̈ii bíʼtə, bə bu kɔ́ tʉ bii, b̈ii kʉ́ʉ, bii bu nyíɛ, b̈ii kwɔ̀ŋ, bə bu ŋɔ́ʼhə chusii tʉ bii.

Bʉʼka w̃otəmiyɔŋ ndə ɔ bíʼtə nɔ kie, w̃o ndə ɔ kʉ́ʉ kə́ nyíɛ, bɔŋ w̃o ndə ɔ leʼ kwɔ̀ŋ bə bu ŋɔ́ʼhə chusii tʉ ɔŋ.

“Wotəmiyɔŋ ndə ɔ yʉ́ ŋgiekə-ɔŋ-kə-ɔ̄ŋ, kə́ fɔ̀ʼ yɔŋ, bu bɛ nə wo ndə ɔ kie mukətʉ súunə ndə ɔ bɔ́ŋ njaa-ɛ ndəŋ ŋgoʼ.

“Nɔ, nukə ndə bii kʉ̀ʉ mbɔ bʉə-fɔʼɔ tʉ bii, b̈ii fɔ̀ʼ tʉ bɔŋ ghɔ, bʉʼka nɔ bɛ nukə ndə mbʉ nuʼ-Mushi ghɔŋbə bʉəyʉkəŋgieNyii ghɔ̀ŋ.

Bɔŋ chulɔŋ ndə i dʉ̀ʼ fia ndə məŋíi mu məchímbi nɔ fìanə, fia ndə mətíŋ sʉ́ʉ chɔ shʉ́ə, kə́ bɛ haʼ mbyu-bʉə-hə məniʼ ndə bɔ̂ŋ tʉʼ nyíɛ.

“B̈ii sʉ́ʉ hə ndəŋ chulɔŋ fíanə. Bʉʼka chulɔŋ ndə i gɛ̀ mu viʼi nɔ gʉ́ə, fia-ɛ yùhə ndə məgɛ̀ hə chɔ, bʉə buŋmbi kə́ bɛ ghɔ ndə bɔ̂ŋ tʉʼ tòʼ hə chɔ.

Kaʼ mbəŋ-yii ndʉʉmɛ, ndə bii bɛ bʉə-bʉ̂ʼʉ, kínə məkɔ́ yʉʼ kəkɔ tʉ vâa-bii, ndʉʉmɛ i nɔ buŋ dʉ̀ʼ yɔ́ŋyɔ́ŋ mbɔ Tie-yii ndə ɔ bɛ yuo bu kɔ́ yʉʼ kəkɔ tʉ bʉə ndə bɔ̂ŋ bíʼtə tʉ ɔŋ!

“Kə bii mə chʉ̀ə ŋkwɛ fɛ, bʉʼka bə məchʉ̀ə yii-yə ŋkwɛ. Bʉʼka ntɛ ndə bii chʉ̀ə ŋkwɛ, bə bu chʉ̀ə yi-yə haʼ nɔ, ntɛ fʉʼ ndə bii lʉ̀, bə bu fʉ̀ʼ haʼ nɔ tʉ bii.

Bɔŋ wo ndə ɔ yʉ́ ŋgiekə-ɔŋ-kə-ɔ̄ŋ təmə mɔ̀ʼ mu məchimbi-ɔ fɛ, ɔ nɔ bɛ nə nɔ̌ʼ ndə ɔ bɔ́ŋ njaa-ɛ ndəŋ kəsɛ.

“Chìi ka a kə́ tʉ́ʼ shʉ-a ndəŋ vaadyʉʼʉ-kəfɔ ndə i bɛ shʉ-liŋ-aŋ bɔŋ təmə kə́ lɛ́nə mbyʉʉ-kəŋkɔʼ ndə i bɛ ndəŋ ya-yə shʉ fɛ? Byuunɔ, bəkɔ a gìe tʉ liŋ-aŋ təka mbɔ, ‘N̈ɔʼ mɔ fyúhə vaa-kəfɔ shʉ-a,’ nə mbyʉʉ-kəŋkɔʼ shʉ-a?

“B̈ii láa bʉəyʉkəŋgieNyii nə mbii, ndə bɔ̂ŋ tʉʼ gwè tʉ bii nə gwo-binjyʉʉ-hə mbʉə-bɔŋ, bɔŋ mu mbʉə-bɔŋ bɔ̂ŋ kə́ bɛ bəbuu bʉəbʉə. Bii bu chèʼnə bɔŋ ndə ntɔŋmə-ʉə. Bəkɔ wo kwɛ̀ yɔ̌ŋ hə ndəŋ ŋkwenjʉ mɛ, byuunɔ kwɛ̀ lamashi hə ndəŋ sɔ̂ʼkə mɛ?

Nɔ, t̃yʉ-jyujyu-kə nɔ kʉ́ʉnə ntɔŋ-jyujyu-mə bɔŋ tyʉ-bʉəbʉə-kə kə́ kʉ́ʉnə ntɔŋ-bʉəbʉə-mə.

Tyʉ-jyujyu-kə mə kʉ́ʉnə ntɔŋ-bʉəbʉə-mə fɛ, byuunɔ tyʉ-bʉəbʉə-kə mə kʉ́ʉnə ntɔŋ-jyujyu-mə fɛ.

Tyʉkə təmiyɔŋ ndə i gòʼ təmə kə́ kʉ́ʉnə ntɔŋ-jyujyu-mə fɛ, bə bu gwìa mɔ̀ʼ sê tɔ̀ŋ mu viʼi.