Vargje biblike të njohura nga Kênh Kaar 1

Ndaje

Dôh tơt Brah Wêêng lôh jưr lơ bơl 'bei nei bơl 'bei a kươi dơơp pơih dang kmheng u lơh bnih ndraanh aan Hei tu poh Jê-ru-sa-lem, leq kwaal Ju-đê, kwaal Sa-ma-ri aan tơt tut play teh.”

Pang ơh: “Tơt jơl u bêl baah Bươp ja teq kmheng ơơm bei nei, nei laa kaar bơl 'bei 'bưn chkhôm gưt.

Plah gôq n'hai bơl jơt jơng, Pang pn'ak bu: “Khơơm sot rlach poh Jê-ru-sa-lem, dôh phrui a nei kơp ntil Bươp ja pơn, laa ntil bơl 'bei ja ttang Hei mor. Đươm Jang ja lơh bap-tem dơng daak, dôh knông ndêq nar nha, bơl 'bei a kươi kươt bap-tem dơng Brah Wêêng.”

Pang kot nhôq ơk ndroong tơrsau aan bơl jơt jơng laah Pang nha rêh di kươi Pang ja dol chhưt, u sot lôh n'hai bu knông puôn jơt nar, mbơh kne teq u nggoor Brah Ưn.

Di kươi lah pal ntil nei luôih, Pang kươt kơn hao knông khal bơl jơrnơ plah mơq Pang. Geh di nduq wơơt Pang km'ang saap rlach bôôk mat bu.

Plah bu chmlam mơq nggơơr hao trôôk khal Pang gôq lơ nei, tôw, geh baar du klau dook ao book ta yoong dơơh bu u lah: “Ơi bnih Ga-li-lê, a hay bơl 'bei khang ta yoong mơq nggơơr u trôôk bei nei? Brah Jê-sus au ja kươt kơn hao u trôôk rlach bơl 'bei, a kươi kot plơq kươi bei ndroong bơl 'bei ja sau Pang hao u trôôk ei.”