Vargje biblike të njohura nga MATIUS 27

Ndaje

Ritette' tallunamo appaui Isa lalang sa'ra bakka', ”Eli, Eli, lama sabakhtani?” Battuanganna: ”AllataalaKu, AllataalaKu, ngura a'bokoKo ri Nakke?”

Jari bissa' ruamu kaeng ampang-ampang ri Sapo Tangkasa battu rate tulusu naung na a'jarimu anggeong tana, na sikonjo batu a'poong bissa' ngase', surang a'ngangai sikonjo kuburu na lohe tau tangkasa maeng mate attallasa muliang.

Appaui pole Isa lalang risa'ra bakka' maeng injo lapassareammu nyahaNa.

Ponggaha pajaga na sikonjo sorodadu tulajagai injo Isa sanna' malla'na rihattu allangngerinna surang rianjanjanna tana anggeong na apa nukajariang, ampai lakuai, ”Toje'i, Ia inni Ana' Allataala.”

Pakaramula battu ritette' sampulorua sa'genna tette' tallu karahie' laappui kalammang kapu' tampa' injo.

Appaui Pilatus mange ri iyai, ”Ampa appakonjo, apamo lakugeokang mange ri Isa, turiare' injo Almase?” Appau bakka' ngase'i, ”Ia parallui risalli'!” Pauna, ”Mingka kasalaang apa Ia maeng lageokang?” Mingka pela' bakka' sa'rannai appau, ”Ia parallui risalli'!”