Vargje biblike të njohura nga Eksodus 15

Ndaje

A taigi den taki: “Efu un arki bun san MASRA, un Gado, taigi unu, efu un du den sani di bun ini en ai, efu un hori unsrefi na den gebod fu En nanga ala den sani di un mus tan du, dan Mi no sa meki no wan fu den siki nanga san Mi ben naki den sma fu Egipte kon na un tapu. Bika Mi, MASRA, na un Dresiman.”

MASRA e gi mi krakti, gi En mi e singi. Na En ferlusu mi. Na En na mi Gado. Na En mi wan prijse. Gado fu mi afo, Yu nen mi wan opo.

MASRA, sortu gado o man tnapu na yu sei? Sortu gado de so santa leki Yu? Sortu wan man du so bigi sani? Den bigi wondru di Yu e du?

Yu ben abi sari-ati gi a pipel di Yu ferlusu. Nanga Yu krakti Yu ben tyari den go na Yu santa tanpresi.

Dan den kon doro na Mara, ma den no ben man dringi a watra fu Mara, fu di a ben bita. Dat' meki den e kari a presi dati Mara. Ne den sma bigin knoru gi Moses taki: “San un mus dringi?” Ne Moses begi MASRA trangatranga, dan MASRA sori en wan pisi udu. Moses trowe a udu ini a watra dan a watra kon bun fu dringi. Drape MASRA taigi den den sani di den mus tan du nanga den sani na san den mus hori densrefi. Drape A luku san den ben o du.