Vargje biblike të njohura nga MENGKAAA 19

Ndaje

Aiwamo tompo'unde ka mengkokora-kora memawongko, ka melangkai Ira! Hangano oleo petaoa-Do Ana Bimba haweakoomo, ka umbu ngkoroi-Do tetindaomo.

Ka a lemba meloe-Do ka pa'a-Do teburi aasa nee, onaemo, ”Mokoledo luwuno mokole ka Ue i wawono luwuno ue.”

Ka ku'amba kumitao suruga te'ungkahi: menteeano, hinao aasa ngara mopute; ka Ondae anu mesawikio meneeako: Anu Metenunu ka Anu Mentee, moleo Dopobitara ka metea.

Ka mata-Do kana langano api ka a wawo ulu-Do hadio ramba-ramba ulu ka ndi Ondae hinao teburi aasa nee anu nahina tumo'orio maupo te'asa mia, sangkadio Ondae isa'a. Ka Ondae mompokona lemba meloe anu inemoomo a rea ka nee-Do onaemo, ”Pau-Do Ue Ala.”

Ka inso a nganga-Do meluarakoomo aasa ponai montaso anu ta numangio luwuno tongku. Ka Ira pakambiako ira tuko labu ka Ira momporo'i anggoro a mpogilia anggoro, onaemo bamburuno tekuda-Do Ue Ala, Anu Tedoa Pabawa.

Ka kona rakoomo kondehora atuu ka meronga saru onae nabi megaupi, anu mompokohinaomo hadio petondoni i arono matano, ka hangano kanandio ipopo'oo ira anu mpontarima iramo pontondoni inso a ngkodehora atuu ka anu mpesombaiomo tinahano. Oruano pinetadiako tuwu-tuwu a laro ntahi api anu kolanga-langaako walira.