Vargje biblike të njohura nga MENGKAAA 14

Ndaje

Ka kurongeo suara inso i suruga motae: Burio, ”Meme'ura iramo mia memate anu mate a nee-Do i Ue, mompu'u kanandio-andio.” ”Mentee ntu'u,” Dopotae Penaa, ”ka imoiko dompenaa-naa inso a mpe'iseido, hangano luwuno wineweudo tumonda ira.”

Anu kinere i ndi'ai onaemo pompedatodo mia mempori, anu mentondao parenta-Do Ue Ala ka pompe'ala-ala ndi Ondae i Yesu.

ka ipebooli saru suara meroku, ”Imedoitoako Iramo Ue Ala ka ipelangkai Iramo, hangano haweomo tempo pobitaraa-Do, ka impesombai Iramo anu mokogagio langi ka tolino ka tahi ka luwuno mata uwoi.”

Ka aasa mala'eka susua, mala'eka ko'otolu, tumonda lembui ira, ka mepau saru suara meroku, ”Tewala asa mia mesombaio kondehora ka tinaha atuu, ka montarima pontondoni a ra'ino ke a ngkaeno, asalakono onae ta mo'inu anggoro tekuda-Do Ue Ala, anu pinatinda nahina salono a ntonde tekuda-Do; ka onae ta binobarasaiako api ka walira i arono matado mala'eka mempori ka i arono mata-Do Ana Bimba. Ka ahuno api anu bobarasai ira atuu mewuatako i wawono hawe nahina tampulaano, ka meene wongi nahi dompenaa-naa binobarasai, onaemo ondae anu mpesombaio kondehora saru tinaha atuu, ka ba isema anu montarimaomo tondonino neeno.”

Ka kukitao: menteeano, i Ana Bimba mentade Ira i pongku Sioni ka meronga saru Ondae asa etu ka pato pulu ka opaa nsowu mia ka a ra'ido teburi nee-Do ka nee-Do Ama-Do.

Ka kukitao aasa mala'eka susua menee i tonga-tongano langi ka ndi onae hinao Lele Mawongkoa anu nahina tampulaano ka ipaleleako ira anu mpo'ia i wawontolino ka a luwuno tongku ka suku ka pau ka pepe'etua

Ka aasa mala'eka susua, mala'eka ko'orua, tumonda lembuio ka ipotae, ”Tebangkuomo, tebangkuomo Babeli, kota langkai atuu, anu luwuno tongku ipokomolanguakonomo anggoro po'eheno aroa belesuno.”