Vargje biblike të njohura nga Matayo 27

Ndaje

Ngita ikivalilo kinyigondza, uYesu iikoolaga iitigilaga, “Eloyi, Eloyi, lama sabakitani?” Kwe kutigila, “Nguluvi vangu, Nguluvi vangu, kye kiki úundekile?”

Umusika guugo, ilibupa lya mwenda mu tembeli, liideemukaga fipiidza fivili ukuhuma pakyanya ukufikila paanyi. Inyi yiilindimaga, amatalaawe giibadzukaga. Imombwe dziidindukaga, imivili gya viimike voloofu avaafuwe giidzulubukaga.

Neke kangi uYesu akuutage mu sawuti ngomi, gwidumukaga.

Umwimiilidzi va kipuga kya vakolakyanda pamwinga na vakolakyanda avo avamuloleelaga uYesu, pe vaapuliike ikilindima nu kudziwona dzonda idzo ídzihumiye, viikoogopaga hiilo, viitigilaga, “Ndakyene umuunu uyu akali Muswamuve va Nguluvi!”

Ukuvangila ikivalilo kya mutanda (6.00) pa muunyi, ukufikila ikivalilo kinyigondza (9.00), ikiisi kiigwidzaga mu nyi yonda.

UPilato akuvawuudzaga kangi iitigilaga, “Lino ndimulimile kiki uYesu uyu, ye vakumutambula avaanu ukutigila Mesiya?” Avaanu vonda viiyooyaga viitigilaga, “Atovelelelwe!” UPilato akuvawuudzaga kangi iitigilaga, “Kye kiki? Áhokile kiki?” Neke kangi aveene vaginage ukuyooya vatigilage, “Atovelelelwe!”