Vargje biblike të njohura nga Matéus 16

Ndaje

Ámbúh náŋ, Yésus ɔ lága ɓáyēge ɓɛ́ɛ́ nɛ́: «Nyɔ́ la nyɔ́ a ŋga sómo ma lí oŋ, a vólánɛ̄ nyɛ́-mɛ̄n, a ɓɛ́gɛ̄ ja mbásá yɛ́ɛ̄, a óŋ ma.

Má, mag laga wa nɛ́: ‹Ɔ lɛ Ŋgɔgɛ, á lóō lí nyíŋ ŋgɔg nɛ́ mi ŋga óŋ Eɓasɛ yáma, tɔ ŋguu nyí nyɛmb ɛ́ ŋgá kɛ ɓé yɔ li dí lí cíŋ.

Mag kɛ wa lí tíi lí ádiɓa á Ékombo-lóō. Tɔ yé ɛ́sɛ ɔ ŋgɔ kɛ́ li tiŋ á ŋkɔŋ-á-sí, ɛ́g kɛ li tiŋɓɛ á lóō. Tɔ yé ɛ́sɛ ki ɔ ŋgɔ kɛ́ li kúhu á ŋkɔŋ-á-sí, ɛ́g kɛ li kúhlɛ á lóō›.»

Ákaa ɛ́sɛ, tɔ nzáá a ŋga sómo li suŋ lí éniŋ yɛ́ɛ́, ag kɛ yɔ́ lí jáŋɛ; ndí nyɔ́ a ŋga kɛ́ li jáŋɛ lí éniŋ yɛ́ɛ́ ányúū yáma, ag kɛ yɔ́ lí tombanɛ.

Wɔɔ́wɔ́ɔ nsɛ́ŋ mut a ŋga ɓɛ́la á lí tombanɛ lí ŋkɔŋ-á-sí ásɛ, kí wá véé nyɛ eniŋ yɛ́ɛ́ é? Tɔ nɛ́, yéé ɛ ŋga véé díyɛ li pám lí éniŋ ɛ́ mut é?

Ɔ bíhī ɓɔ nɛ́: «Ɓɛ́nɛ hɔ́, miníg laga nɛ́ mi lɛ nzáá é?» Símɔn Pétlos ɔ nyɔ̄ŋ hɔ́ mpɔ́t, ɔ pélē nyɛ nɛ́: «Ɔ lɛ Nyɔ́-a-Pɔ́hlɛ, Mɔɔ́n Ɔ́lolómɛ̄, Loó lí éniŋ.»

Yésus ɔ nyɔ̄ŋ sīg-pɛ mpɔ́t, ɔ lāgá nɛ: «Misɔ́tá la wa á Símɔn, mɔɔ́n Yónas, átɔm nɛ́ mut-a-binam ɓé nɛ a yíhɛ́ wa náŋ, ndí Etāa nyɔ́ a lɛ á lóō.