Vargje biblike të njohura nga Matiə 13

Ndaje

Sɛnɛ, min tɛn nə kɔnboe ka tán sonbore ne màn tɔrɔ mɛnaa a nɛ. Bɛn man boo lɛ miɛ, ǹ na a giala ma, maǹ nɛ koe, ǹ tɛn wɔ n paabiɛ, ǹ tɛn wɔ n pɔsɔrɔ, ǹ tɛn wɔ n pɔsɔɔ.

Min tɛn dɔ n kɔnboe ka màn tɔrɔ nɛ á mɛnaa nyan bii. Ǹ nə́ boo lɛ ma koe, sɛnɛ, kanaa sii a taasiɛn laanka naforo a lɛn bebelee siin man boo lɛ kuĩ, ǹ baa nɛ-kɔbaã wole lɛa.

Min mɛnɛn bɛ́ *Lawa a kiibaa ǹ boo kɛ lɛ miɛ, ǹ nə́ ǹ ba a giala miɛ wa, bɛa dɛnan man kɔnboe ka zii para nɛ, màn tɔrɔ lɛ mɛnaa a nɛ. Zɔ́ɔ babaraa lɛ n die, ǹ boo mɛn lɛ ma, á bɛ lɛ bɔ a bɔ ǹ foo ne.

Ǹ tɛn dɔ n kɔnboe ka gɛtaã bǎã nɛ, màn tɔrɔ lɛ mɛnaa a nɛ. Bɛ̀ ǹ nə́ boo lɛ ma, maǹ sii fufuu ka nyɛnyɛɛ nɛ. Sɛnɛ, ǹ ba toɛ a gòon bɔ ǹ nɛ wa, a ba goɛ̃ ǹ foo ne a belebɔ wa. Bɛ lɛ nɛ, bɛ̀ foo ziziɛ̃ daa, hinlaa bɛ̀ minin man fuu nyɛɛ ǹ nɛ Lawa a boo lɛ taman yii, maǹ nə n piɛ̃ ka Lawa-n gɔrɔ.

«Lawa a kiibaa lɛ n kɔnboe ka gɔn màn durii kɔ́n nɛ wuru-n. Giĩ goon nə́ woo n mìi na bɛa gɔn màn lɛ ganaa, á wusoo á saa á duru. A foo kɔɔ̃n kɔ á la yii ni, yǎa á woo n gɔn màn din tumaa sã á n bɔyaa á daa bɛa wuru lɛ pii.

Sɛnɛ, màn tɔrɔ lɛ kɔ́n nə́ mɛnaa tán sonbore la, á nɛ kɔ, ǹ tɛn nə́ nàn paabiɛ bɔ, ǹ tɛn nə́ nàn pɔsɔrɔ bɔ, ǹ tɛn dɔ́ na á pɔsɔɔ bɔ.»

Ka toa ǹ gole kɔ kun, yǎa a kurii waáraa. Bɛa waáraa, dí-nyalin mɛnɛn bɛ́ re kuri, ma á die pii bɛn manɛ, máa ǹ buu babaraa lɛ kuru bɔrɔ ǹ yii gɔn-sara-yii ǹ kaa tɛ-n, bɛ kio, ǹ màn tɔrɔ sonbore lɛ kaa maa dɔǹ nɛ.»