Vargje biblike të njohura nga MATEU 24

Ndaje

Bi kamabats kë watsësar bunk, bëŋal bañaan bacumal ka juabuts. Maa nan tambandari te tsi utuami, në buerana.

Upetsan-uwar pësien Nasien-batsi wi, ka leentsa di umundu bëlieng, pa pëci upibanaani pa ban cits biki Bajudeu bëlieng. Din, utuami ka baandi.

Nduu te ukam kë kamaa, ni pësiints ukam; maa, ind tsë lënk, par ko wan aka pëci; maa netse ka ci ubaar umundu.

Këbos ka kamanlër, mësien ka kamanlër; a di ngëleka ngëcumal, ubon koo ci, utsia kë siintsar. Ngëmënts ngan bëlieng, ka ci pi ujuundar urear uliaf-kabuk.

Batsi ni utsia ka par, maa irim nji di ka par yaas.

Par bacumal kee ba bi, bu ka tsuar katim nji; uja nan dooni nuu ja: ‘Nji n ci-un Këristu;’ bu kee fäl bañaan bacumal.

Din, bu ka guts ind tsi unoor, bu ka fiŋ ind. Ban cits biki Bajudeu bëlieng, bu ka ñaas ind, undo katim nji. Din, u ci ko wi ka wat wi bacumal; bu ka yalër ufets, bu kë ñaasëlër. Bayëlia batsup bacumal ka natsa, bu kë fäl bañaan bacumal.

A Yeesu yank bukul aja: “Nda rukan ibats, pa ñaan tsë fäl ind.

Wul ka wun, ind buts nda ka pëparir, par Abuk ñaan-najin ka bi tsi uwal wi nda wejatsats wi.

Bi u ci bank, nda waayan, par nda meets unu wi Ajug ind kë bi wi.

Nin ñaan meets unu ni uwal umënts, ŋal ngëwaanju batsi, nin Abuk, aci koon Asin koorul.

Par barata bafälar, ni bayëlia bafälar, bu ka natsa, bu kë ro ngëpibanaani ngëwiak, ni ngëko ngan pikran ngi, pa puu fälëna bañaan, te ŋal ban data biki, uci ba yil bëro.

Ubiiri Abuk ñaan-najin kee u ci bi u ci buunk tsi pëcël Noe, Par tsi ngënu gi mlik-mfuer netse wi baandi, bañaan kë riala, a bu kë raan, a bu kë nim, a bu kë niman, aa unu wi Noe niaj wi bëntsian. Bu rukats ibats, aa mlik-mfuer baandi ee tsëpand bukul bëlieng. Unk ri wii ci run buts ubi Abuk ñaan-najin.