Vargje biblike të njohura nga Mateos 22

Ndaje

Jesús vorjajiti: —Mọꞌ nash mọjoꞌchas yụꞌtacdyeꞌ yiꞌ: "Mạꞌjemac fer muꞌ Jenꞌ räjdye ĉojtyiꞌ miꞌin, judyeyaꞌ ạꞌedyeꞌ miꞌin judyeyaꞌ ferdyeꞌ miꞌin judyeyaꞌ dyijyedyeꞌ miꞌin." Ọij nash mọjoꞌchas yụꞌtacdyeꞌ, anic tashcheꞌ buꞌyis. Mọꞌ päräꞌyis araj vaj meꞌ buꞌyiꞌ yiꞌ: "Mạꞌjeyacsejamꞌ fer chätidyeꞌ miꞌin, yojdyemꞌ ĉụiꞌ mạꞌjiti u miꞌin."

Ọij päräꞌ yụꞌtacdyeꞌ in anic mọjoꞌchaꞌmunsiꞌ in. Meꞌ mạꞌjeyacsity bäꞌyi jụijyaꞌ miꞌin, meꞌ raꞌ chat räj chiqueptinte Jenꞌsiꞌ yụꞌtacdyeꞌ muꞌ, judyeyaꞌ sánacdyeꞌ muꞌin jasoꞌmitity p̂eyacdyeꞌ Jenꞌ in.

Chat qui yi muꞌ Jesús: "Anic daiꞌ muꞌyaꞌ jiꞌvorvactyiꞌ tsanꞌ in, tsimꞌtactyiꞌ qui namꞌ in uyaꞌyaꞌ in."

Aty vañinyebanyaꞌ muꞌin säñity in, jeñej qui raꞌ anjer in, meꞌ qui raꞌ bäꞌyi in, aty qui raꞌ jam vämebanꞌ in.

Jiꞌcaviyitiĉamꞌ ficha muꞌ yụꞌtyeyetintety ayoꞌ. Chat qui tuyete in muꞌ ficha. Jesús jéyacsi: —¿Tyis ọij ọ́cheꞌ queptacdyeꞌ umꞌ? ¿Tyis caꞌ tịj ọ́cheꞌ yụꞌtac? Chat muꞌin vorjete in: —Mujuꞌchaty ayoꞌ Romaĉantyiꞌ. Jesús qui jéyacsi: —Anicdye meꞌ, mọꞌdyes soꞌmemac jacchety ayoꞌ jedyeꞌ chuc muꞌdyes mọꞌyaꞌ, chimeꞌdye soꞌmemac Jenꞌ jedyeꞌ chuc muꞌdyes mọꞌyaꞌ.