Vargje biblike të njohura nga Mateos 12

Ndaje

Yụ nash jéyac, aty ayijyaꞌ tupudyeꞌ Jenꞌ jịꞌcäts yụꞌtacsiyaꞌ raꞌ juchadyeꞌyaꞌ muntyiꞌ in, muꞌ raꞌ cäts yirity jịjcaij cọdyetacsi p̂eyacdyeꞌ muꞌin, jätäjyi chuc jiquej in fibisyaꞌ p̂eyacdyeꞌ muꞌin. Räj p̂eyacdyeꞌ miꞌin jiquej meꞌ meꞌ raꞌ cudyityibunac Jenꞌ, mọꞌ raꞌ p̂eyacdyeꞌ miꞌin jiꞌmeꞌtyinac, mọꞌ raꞌ jiꞌĉubunac areꞌ mọꞌyaꞌ juchaj miꞌin, areꞌ itŝiꞌ.

¡Miꞌin jeñej nas! Jam junꞌ rụij p̂eyaqui miꞌin ĉaĉaij na anic ac̣hiꞌyacñity miꞌin. Jụꞌñis chuc meꞌchutiñeꞌ ĉojtyiꞌĉan miꞌin, mọꞌdyemꞌ jiꞌshuptiñeꞌ p̂eyacdyeꞌ miꞌin.

Rụijtyity muntyiꞌ rụijsisdyeꞌ p̂eyacdyeꞌ jiꞌshupqueꞌ, ĉaĉaij na rụijsis meꞌchuiꞌ ĉojtyiꞌĉan muꞌ. Muꞌ na ac̣hiꞌyity muntyiꞌ aꞌc̣hisdye p̂eyacdyeꞌ jiꞌshupqueꞌ, ĉaĉaij na aꞌc̣his meꞌchuiꞌ ĉojtyiꞌĉan muꞌ.

Mọꞌdyes yụ jéyac, Jenꞌ tupuj vayacjeyacsebi jụꞌñis ĉụiꞌ juchaj muntyis muꞌin, judyeyaꞌ jụꞌñis ĉụiꞌ ñäñitidyeꞌ muꞌin, muꞌin na ac̣hiꞌ p̂eijbitety in Jenꞌsiꞌ Ạꞌedyeꞌ muꞌ, muꞌin meꞌtyity in, Jenꞌ raꞌ jam tupuj vayacjetyetacsi juchaj muꞌin.

Jeshaꞌ, tsạꞌsiꞌ jụijyaꞌ mọꞌ cätidyeꞌ, anic jämꞌ väshiꞌ, shínaꞌjoiꞌsiꞌ na jụijyaꞌ mọꞌ cätidyeꞌ, jam jämꞌ väshiꞌ, ĉaĉaij na mọꞌ cätidyeꞌ chị́yac ĉụiꞌsiꞌcheꞌ väsh mọꞌ.