Vargje biblike të njohura nga മറ്‌ക്കോസ് 16

Ndaje

അദ്‌ക്ക് പ്‌റ അവാര്‌ക്കെ ഏസു സൊന്നാ്: <<ഉലഗ മുച്ചുഡ പോയി ണിമ്മ എല്ല ആള്‌ഗാക്കേമ് ഈ ണല്ല സേദിന സൊല്ലിരി.

ഇദ്‌ണ ണമ്പ്‌റവാര്‌ക്ക് അദിസ്യമാന അഡ്യാളഗ സെയ്യ അദിഗാര കെ്ഡേക്കു. അവാര് എന്ന് പേരിലി കെ്ട്ടജാദിഗണെല്ല മുഡിക്കി ബ്‌ഡുവാര്. അവാര് ബേ്റെബേ്റെ ണായഗ പേസുവാര്. അവാര് പാമ്പ്‌ഗണ കയ്യിക്ക് എ്ഡ്‌ത്താല്‌മ് മര്‌ന്ത്‌ഗ കുഡിത്താല്‌മ് അവാര്‌ക്ക് ഒന്റുമ് തട്ടമാട്ട. അവാര് ണോയിക്കാറാര്‌ക്ക് കയ്യി ബെത്താക്കി ണോയിക്കാറാര് തെ്ളിവാര്.>>

അദ്‌ണ ണമ്പി തണ്ണിക്കെ മുളുഗിനാക്കി ദണ്ടണേലിര്‌ന്ത് അവാര് ദെങ്കി കഡാക്കുവാര്. ഇദ്‌ണ ണമ്പാത്തവാര്‌ക്ക് ദണ്ടണെ കെ്ഡേക്കു.

ഏസുദ് സൊല്ലുപഡി ണഡാക്കവാര് ഊരൂര പോയി സാമിദ് ണല്ല സേദിന സൊന്നാര്. ആണ്ടവാ് അവാര്‌ദ് ഒപ്പ ഇര്‌ന്താ്. അവാര് സൊന്ന ണല്ല സേദിഗെല്ല ണേര് എന്ത് സാമി അദിലി ണഡാന്ത അദിസ്യമാന അഡ്യാളത്തിലി കാട്ടി കൊഡുത്താ്.]

അക്കുളെ അയാള് സൊന്നാ്: <<അഞ്ചാദി, കുരുസ്‌ക്കെ സേത്തി ആണി അഡിത്ത് കൊന്റ ണസറത്ത് ഊര്‌ക്കാറാ് ഏസുണാത്തെ ണിമ്മ പരാക്കേര് എന്ത് എനാക്ക് തെര്യു. അയാള് ഇദിലി ഇല്ലെ; അയാള് ഉജുറെ്ന്താ്; ണിമ്മ ബന്ത് അവാന ക്‌ഡാത്തി ബെത്ത പട്ട്‌ണ ണോഡി.

ആന അവാര് പോയി ണോഡുഗാട്ടി കല്ല്‌ണ ഉന്തി ജറേത്തിര്‌ക്കാദ്‌ണ കണ്ടാര്. അയ്യി കല്ല് ബെല്ല്യ കല്ലായിര്‌ന്ത്‌ദ്. അവാര് കല്ലളേക്കെ പുക്കിനാര്. അക്കുളെ ബെ്ള്ളെ ജൊഗെ ഇക്കി ഒരു ബണ്ടാ് ബല സാരി ഇര്‌ക്കാദ്‌ണ കണ്ട് അവാര് അഞ്ചിനാര്.