Vargje biblike të njohura nga MATHIE 7

Ndaje

– Tɛmɛ ɔ́n sá yí, ló wo bhá sé hɔ́n, ɔ́n nɛn, ló ɔ́n ma gɛ, ɔ́n há gbo, ló wo bhá phwan hɔ́n si.

Átɛsalé lephan khɛ́n esá yí, ose. Mɛ́n ánnɛn, ángɛ. Ló lephan ehá gbo, mɛ́n lɔ óphwɛn si.

– Lóhɛ́nthé, lephan aye mɛn bhwe mɛn tɔ, lókhɛ́n etɛ́ lóyí, lephan lókɔn, ńtɛsa bhweyɛ́nwo khɛ́n athan mɛ́n nkhú tre ábhú tho.

Áyí hɔ́n énɛn salé néphan nankhɛ otɛ́ sé hɔ́n ɔn, hɔ́n lɔ tɛmɛ ɔ́n tɛ́ lóyí yábhɛ brɛ sé wo. Lóyí Moyízi bidí le bhwetɔ́trémán hrɔ́ echɛ́ hɔ́n lée ɔ́n tɛ́ nɔn ali lókɔn.

Khɛ́n ákhúmɛ́n bhri, le ásitó chróló ɔ́nmɔn do lephan ló ńmɛpɔ́bhá hrómɛn, ló néphan kpɛ́bɛn tɛɛ nɔn ágɛ khɔ́ lóne.

– Ɔ́n sakhɔ́ ákhúmɛ́n chɛ́chɛ́ bhri ká khúthé! Átɛsalé ákhúmɛ́n phráa le ásitó phrákhó ɔ́nmɔn do lephan lo liá, lótɛ khɛ́n lóne nɔn néphan búdúbúdú sakhɔ́.

Hɔ́n lókɔn khɛ́n ɔ́n ni néphan phromɛn phromɛn, kasé ɔ́n yɛn áyí ayɔn ɔ́n khwɛ́n sé hɔ́n miɔn ɔn, ńthé kalósi akhɔ tɛ khɛ́n hɔ́n The abha tho mɛ́n, anman nɛ́n khwɛ́n áyí mwámwá sé néphan esɛ yí e?

– Ɔ́n ne bhɔ́ néphan nánkhɛ kwa, ochɛ́sé Yankan lɔ ole bhɔ́ hɔ́n kwa. Átɛsalé hɔ́n si ɔ́n ma khɔ́ bhɔ́ néphan kwa ɔn, lóne nɔn Yankan lɔ bha khɔ́ bhɔ́ hɔ́n kwa, ló áyí ɔ́n mo pi yí se néphan ɔn, lónɔn Yankan lɔ bha bhó pí mɛ́n ékɛ sé hɔ́n.

Khɛ́n lephan tɛɛ aye mɛn bhwe mɛn tɔ, khɛ́n ale tɛ lóyí, lephan lókɔn, ńtɛsa gbwɛwo bɛn athan mɛ́n nkhú tre ńnánchɛ tho.

Bítɛ khɛ́n ɛwú áyá phɛ́n abha hɛ hɔnsɛ́n mɛbhí hrómɛn, lókhɛ́n ɛ́le wú nkwágoyá abha hɛ nbrɛn mɛbhí hrómɛn ɛ? Khɔ́ hɛ nɔn nkwágoyá bha hɛ mɛbhí hrómɛn o, ńthé kalósi ɛbhá gɛ khɔ́ kranmán hɛ hɔnsɛ́n lée: “Yɔ mɛn mó áyá phɛ́n abha hɛ mɛbhí hrómɛn yɛn e?”

– Ɔ́n há bhwetɔ́trémán kpakprámán mwanhɛ́n, wo khwɛ́n ngbankhran hrɔ́ sɔ́ bha gɛ hɔ́n. Khɛ́n wo hromɛn-ɛ, wo tɛsa ńphópho thɛnyanmán. Wo yítɛ́ hrómɛn nɔn ɔ́n ma khɔ́ yɛ́n wo. Wú ógɛ bwan divɛn mí ńthó ya tho, lée nka ógɛ bwan fíge mí ńchrimɛ́ phɔ?

Áyá bhwá sómí bhwá, saji áyá phromɛn lɔ sómí phromɛn.

Áyá bhwá lé gɛ sómí phromɛn, ló saji áyá phromɛn lɔ lé gɛ sómí bhwá.

Áyá khúnbrɛn khɛ́n ále sómí bhwá ɔn, okɔ́ nkɛ há, ló ohɔ́n hátɛn.