Vargje biblike të njohura nga Лұқа 5

Ndaje

Иса сөзін бітіргеннен кейін Шимонға: — Көлдің терең жеріне жүзіп барып, балыққа ау сал, — деді.

Шимон: — Ұстаз, біз түні бойы еңбектеніп, түк ұстай алған жоқпыз! Бірақ Сіз айтқан соң ауларды тағы да салып көрейін, — деп жауап берді. Ауларын салғанда олар өте көп балық ұстады. Балықтың көптігінен аулары жыртыла бастады.

Ал Иса жиі елсіз далаға кетіп, мінажат етіп жүрді.

Мен «әділдерді» емес, күнәкарларды теріс жолдан қайтуға шақыру үшін келдім.

Мұны көрген Шимон Петір Исаның аяғына жығылып: — Ием, қасымнан кете көріңіз, мен күнәкар адаммын! — деді.

Иса оларға былай деп жауап берді: — Дәрігер дені сауға емес, ауру адамға қажет.

Екі қайықты жағаға шығарғаннан кейін олар бәрін тастап, Исаға шәкірт болып ерді.

Иса сол маңайдағы қалалардың бірінде болғанда, үсті-басын алапес қаптаған бір адам келе жатты. Ол Исаны көргенде аяғына жығылып: — Мырза! Егер қаласаңыз, мені құлантаза сауықтыра аласыз, — деп жалбарынды. Иса қолын созып, оның денесіне тигізді де: — Қалаймын, құлантаза сауығып кет! — деді. Сол сәтте-ақ ауру адам алапесінен арылды.

Алайда Иса туралы хабар бұрынғыдан бетер тарап кетті. Көптеген халық Оны тыңдап, ауруларынан жазылу үшін ағылып келіп жатты.