Vargje biblike të njohura nga - यूहन्‍ना 5

Ndaje

मैं तुम से सांची सांची कहत आंव, जौन मोरो बचन सुनके मोरे पठैबेवाले पे भरोसा करत आय, अनन्त जीवन ऊ को आय, और ऊ पे दण्ड कौ हुकुम नईं हुईये, परन्त बो मृत्यु से पार होकें जीवन में पिड़ चुको आय।

जब यीशु ने ऊहां उते पड़ो भओ हेरो और जानो, कि बो उते ऊ दसा में बिलात दिना से पड़ो आय, तो ऊसे पूंछी, का तें साजो होबो चाहत आय?

तुम पवित्र शास्त्र में खोजत आव, कायसे तुम सोचत आव कि ऊ में अनन्त जीवन मिलत आय, और जे ओई आंय, जौन मोरे बारे में गवाही देत आय। और तुम मोरे ऐंगर आबो नईं चाहत कि जीवन पाओ।

यीशु ने ऊसे कई, उठ, अपनो बिछौना उठा और चल फिर। बो मान्स तुरतईं साजो हो गओ, और अपनो बिछौना उठाके निगन लगो और बो सब्त कौ दिना हतो।

ई लाने यीशु ने उन से कई, मैं तुम से सांची सांची कैत हों, कि पूत खुद कछु नईं कर सकत, केवल ओई जौन बो बाप हां करत हेरत आय, कायसे जौन कछु बाप करत आय, उनई कामन हां पूत भी ओई रीत से करत आय।