Vargje biblike të njohura nga Башталыш 37

Ndaje

Бир күнү Жусуп түш көрдү. Түшүн агаларына айтып бергенде, тигилер аны ого бетер жек көрүп калышты.

Карыганда көргөн баласы болгондуктан, Ысрайыл Жусупту башка уулдарынан артык көрчү. Ал ага кооз чапан жасатып берди.

Атасынын Жусупту өздөрүнөн артык көрөрүн билип, агалары аны жек көрүшүп, ага жылуу сөз айта албай калышты.

Жусуп кийин дагы түш көрүп, аны да агаларына айтып берди: – Уксаңар, мен дагы түш көрдүм. Түшүмдө күн, ай жана он бир жылдыз мага жүгүнүштү.

Агаларынын ичтери күйүп, атасы болсо анын сөздөрүн жадына сактап калды.

– Уксаңар, мен мындай түш көрдүм, – деди Жусуп аларга. – Биз талаада буудай боолап жүрүптүрбүз. Аңгыча менин боом тикесинен тик туруп калды. Силердики болсо менин боомду тегеректеп алып, ага жүгүнүштү.

Келгиле, көзүн тазалайлы да, сөөгүн чуңкурлардын бирине таштап салалы. Анан жырткыч айбанга жем болуптур дейбиз. Анан баягы түшүнүн эмне болорун көрөбүз», – дешти.

Мидияндык соодагерлер жанынан өтүп баратышканда, агалары Жусупту чуңкурдан чыгарышып, аны Ысмайыл уулдарына жыйырма шекел күмүшкө сатып жиберишти. Алар Жусупту Мисирге алып кетишти.

Алар бири-бирине: «Тигине, түш көргүч мырзабыз келатат.

Агалары Жусупту алыстан көрүп, ал жакын келгенче, аны өлтүрөбүз деп макулдашышты.

Анан дагы: – Кан төкпөгүлө, аны ээн талаадагы чуңкурга таштагыла, ага колуңар тийбесин! – деди. Рубен Жусупту тигилердин колунан куткарып, аны атасына кайтарайын деген ниетте ушундай деди.