Vargje biblike të njohura nga Риминхн 6

Ndaje

Килнцин ашнь үкл болҗана, Бурхна белг – мана Деед Эзн Исус Христосла хамдан бәәх мөңк җирһл болҗана.

Таниг килнц бичә эзлтхә. Яһад гихлә, тадн закана үлмәд биш, зуг Бурхна хәәрлтин үлмәд бәәнәт.

Уснд кирслгдхләрн бидн Терүнлә хамдан үксн болвидн, терүнлә хамдан оршагдвидн. Тиигәд Христос үкснә хөөн Эцкин туурмҗин күчәр әмдрүлгдснлә әдләр бидн бас шин җирһләр бәәҗәнәвидн.

Му күслиг күцәхин төлә цогц-махмудыннь мөчмүдиг килнцд бичә бәрүлтн. Терүнә ормд тадниг олзлхд Бурхнд зөв өгтн. Тадн үкләс әмдрҗ ирвшт. Эврәннь цогцин мөчмүдиг чик йовдл һарһхин төлә Бурхнд өгтн.

Мана хуучн җирһл Исусла хамдан кирс деер үкҗ уга болв. Тиигәд килнцтә цогц-махмудын йосн хольврад, бидн дәкҗ килнцин мухла болшговидн.

Тадн ода бийән килнцтә җирһләс үкҗ салснд тоолх зөвтәт. Бийән Исус Христосар дамҗулад, Бурхнла үүрләд бәәҗәхән тадн тоолх зөвтәт.

Тиигәд бидн ю келхмб? Бидн Бурхна цаһан сана өскхәр цаарандан килнц һарһад бәәхмб? Төрүц тиигхмн биш. Килнцтә җирһләс үкҗ салсн мет бидн бәәнәвидн. Бидн яһҗ цаарандан килнц һарһхмби?

Тадн бийәрн талдан улсин ялч болхларн, йосндан тер эздүдин мухла болнат. Тедниг соңснат. Тадн эс гихлә, килнцин мухла болад үкнәт, эс гихлә, Бурхиг соңсдг мухла болнат. Тегәд Бурхн тадниг чик седклтә кенә.

Тадн килнцин мухла болсн бийнь өггдсн номин үнниг халун зүркәрн дахвт. Бурхн тууртха! Килнцәс тадн сулдхгдад, чик седклтә җирһлин мухла болвт.