Vargje biblike të njohura nga Цецн Ухана Багш 2

Ndaje

Бурхнд таасгдсн күүнд Тер цецн уха, медрл болн байр илгәнә. Килнцтә күүнд Бурхн күнд көдлмш өгнә. Тиим күн хадһлсн, цуглулсн тоотан Бурхнд тааста күүнд өгтхә гиҗәнә. Эннь чигн – бас тус уга, эннь чигн – сальк көөлдән.

Идәд, ууһад, кесн көдлмштән седкләрн кишгән медснд, күүнә хөв бәәдг болвза? Тегәд терүг Бурхна һар өгчәхиг би медүв. Идәд, бахан хаңһасн нанас талдан күн бәәхий?

Би эврәннь һарарн кесн тоотыг хәләхлә, күцәсн көдлмшән хәләхлә, цугтан тус уга, цугтан – сальк көөлдән болҗана, нарн дор бәәснәс төрүц олз уга.

Мини нүдн үзхәр седсинь харшлдго биләв. Нәәрлсн цагт зүркән хөрдго биләв. Тиигәд мини цуг кесн тоотас зүркм байрлдг билә. Тернь мини цуг күчкөлснә тиим ачлвр болдмн.

Тегәд би цецн ухан һәргллһнәс сән, тедү мет герл харңһуһас сәәнинь үзүв.

Цецн күүнә нүднь хурц, һәргтә күн харңһуд бәәснлә әдләр бәәнә. Болв би цугтаһинь нег бәәдл күләҗәхинь медүв.

Цецн ухаһарн, медрләрн, дамшлтарн кесн көдлмшән эс кесн әмтнд терүгән үлдәҗәхмн болҗана. Тернь – тус уга, тернь – ик зовлң.