Vargje biblike të njohura nga 2 Көринтинхн 5

Ndaje

Кемр кен чигн күн Христосла ниицәд бәәхлә, тертн шин күн. Кезәңк давв, ода цугтан шин.

Яһад гихлә, Бурхн килнц уга Христосар мана килнцин төлә тәкл кев. Терүнлә ниицәд мадниг Бурхна чик бәәдл авдгар тиигв.

Бидн үзҗәхәрн биш иткләрн бәәнәвидн.

Энүг цугтаһинь Бурхн күцәв. Тер мадниг Христосар дамҗад Бийләһән эвцүлв, эвцлтин туск зәңг тархах көдлмш маднд даалһв. Эн зәңг иим: Бурхн Христосар дамҗад делкәг Бийләһән эвцүлв. Әмтнә килнциг Бурхн теднә тоод дәкҗ орулҗахш. Бурхн маднд эвцлтин туск зәңгиг даалһв.

Бидн Христосин элчнр болҗанавидн. Маднар дамҗад Бурхн келҗәнә. Христосин нерн деерәс тадниг сурҗанавидн: Бурхнла эвцтн!

Әмд бәәх улс бийиннь төлә биш, теднә ормд үкәд әмдрсн Христосин төлә җирһдгәр Тер цугтаннь ормд үкв. Иигәд эн цагас авн бидн тиигәд күүнә хәләцәр дәкҗ кен тал болв чигн хәләҗәхшвидн. Болв Христос тал бидн күүнә хәләцәр хәләдг биләвидн, зуг дәкҗ тиигҗәхшвидн.

Мадниг Христосин дурн һардҗана. Кемр нег күн цугтаннь ормд үксмн болхла, тиигхлә цугтан үкҗ одсиг бидн тодрхаһар меднәвидн.