Vargje biblike të njohura nga 1 ಕೊರಿಂಥ 11

Ndaje

ಪಿಂಞ ಅಂವೊ ಅನ್ನನೆ ದ್ರಾಕ್ಷಿರಸತ್‍ರ ಕಪ್ಪ್‌ನ ಎಡ್‍ತಂಡ್: ಇದ್ ನಿಂಗಕಾಯಿತ್ ಬೂಕ್‌ವ ನಾಡ ಚೋರೆನಗುಂಡ್ ಮಾಡ್‍ನ ದೇವಡ ಪುದಿಯ ಒಪ್ಪಂದಾಂದ್ ಎಣ್ಣಿತ್ ಅಯಿಂಗಕ್ ಕೊಡ್‍ತತ್. ನಿಂಗ ಇದ್‍ನ ಎಕ್ಕೆಲ್ಲಾ ಕುಡಿಪಿರ ಅಕ್ಕೆಲ್ಲಾ ನನ್ನ ಗೇನ ಮಾಡ್‌ವಕಾಯಿತ್ ಇದ್‍ನ ಮಾಡೀಂದ್ ಎಣ್ಣ್‌ಚಿ. ಆನಗುಂಡ್, ಈ ಒಟ್ಟಿನ ತಿಂದಿತ್ ಈ ಪಾತ್ರತ್‍ಲ್ ಎಕ್ಕೆಲ್ಲಾ ಕುಡಿಪಿರ ಅಕ್ಕೆಲ್ಲಾ ಅಂವೊ ಪುನಃ ಬಪ್ಪಕತ್ತನೆ ಒಡೆಯಂಡ ಚಾವ್‍ನ ಜನಕ್ ಅರಿಚಿಟ್ಟಂಡುಳ್ಳಿರ.

ನಾನ್ ಒಪ್ಪ್‌ಚಿಟ್ಟ ಈ ಬೋದನೆನ, ದೇವಡಯಿಂಜ ನಾನ್ ಪಡ್ಂದಿಯೆ. ಅದ್ ಎಂತ ಎಣ್ಣ್‌ಚೇಂಗಿ, ಒಡೆಯನಾನ ಯೇಸುನ ವಿರೋದಿಯಂಗಡ ಕೈಯಿಕ್ ಪುಡ್‍ಚಿ ಕೊಡ್‍ಪಕ್ ಮಿಂಞ, ಆ ಬಯಿಟ್ ಒಟ್ಟಿನ ಎಡ್‌ಪಂಜಿ, ದೇವಕ್ ವಂದನೆ ಮಾಡಿತ್, ಪೊಳ್‌ಚಿತ್, ಇದ್‍ನ ನಿಂಗ ಎಡ್‍ತಿತ್ ತಿಂದೊಳಿ, ಇದ್ ನಿಂಗಕಾಯಿತ್ ತಪ್ಪ ನಾಡ ತಡಿ; ನನ್ನ ಗೇನ ಮಾಡ್‌ವಕಾಯಿತ್ ಇದ್‍ನ ತಿಂಗಂಡೂಂದ್ ಎಣ್ಣ್‌ಚಿ.

ಆನಗುಂಡ್ ಈ ಒಟ್ಟಿನ ತಿಂಬಂವೊ, ಈ ಪಾತ್ರತ್‍ಲ್ ಕುಡಿಪಂವೊ, ಅದ್‍ನ ಮಾಡ್‌ವಕ್ ಮಿಂಞ ಅಂವೊ ಅಂವೊನ ಪರೀಕ್ಷೆ ಮಾಡಂಡು. ಒಟ್ಟಿನ ಪಿಂಞ ದ್ರಾಕ್ಷಿರಸತ್‍ನ ಅಯೋಗ್ಯವಾಯಿತ್ ತಿಂದಿತ್ ಕುಡಿಪಂವೊ, ಒಡೆಯಂಡ ತಡಿ ಎಂತದ್‍ೕಂದ್ ಗೊತ್ತಿಲ್ಲತಗುಂಡ್, ಅಂವೊಂಗ್ ನ್ಯಾಯತೀರ್ಪ್ ಕ್‍ಟ್ಟುವನೆಕೆ ಮಾಡಿಯಂಡುಂಡ್.

ಇನ್ನನೆ ಇಪ್ಪಕ, ದಾರೇಂಗಿಯು, ಅಯೋಗ್ಯವಾಯಿತ್ ಈ ಒಡೆಯಂಡ ಒಟ್ಟಿನ ತಿಂದಿತ್, ಈ ಪಾತ್ರತ್‍ಲ್ ಕುಡ್‌ಚತೇಂಗಿ, ಅಂವೊ ಅಂವೊಂಡ ತಡೀನ ಪಿಂಞ ಚೋರೆನ ಅಶುದ್ದ ಮಾಡಿತ್ ಅಪರಾದ ಮಾಡ್‍ನಂವೊನಾಯಿತ್‍ಪ್ಪ.

ಕ್ರಿಸ್ತ ಎಣ್ಣ್‌ವಾನ ನಾನ್ ಮಾಡ್‌ವನೆಕೆ ನಿಂಗ ನಾನ್ ಮಾಡ್‌ವದ್‍ನ ಮಾಡಿ.