Vargje biblike të njohura nga Matews 5

Ndaje

Yuma pahavwinema hiyeg hakis abukri adahan ig asabkeptenma anavit suwyeg. Kawa. Ig ikigu inut akekrit adahan eg uguhno madikte hiyeg ku pariye ariku payt. Hene amawka hawata yihiyekemni ku pariye ke wotbe kabutennebe in kabutnihwa. Kahadbe ku aysaw hiyeg hiyap ini kabayka ku pariye yis keh, igkis kabayha Wigwiy inurikyene.

— Hawata akiw, yis kewa pohow abukribe ay gibetkis hiyeg amedgenevwi hawkri adahan yihiyekemni uguhne gihiyekemnikis. Ku samah wis ka hiya wisma ayam paha paytwempu ku pariye avitnene paha waxri imuwadnene, hawata ka hiya wisma ayam uhiyekemni ku pariye ke wotbe kabutennebe.

Ka aynsima kabaykanek gidahankis hiyeg ku pariye barewbetyevwi gihiyekemnikis. Mmanawa ayge nikwe igkis hiyapnek Uhokri.

Ka aynsima kabaykanek gidahankis hiyeg ku pariye mpiksewnevwi adahan igkis wew wadit. Mmanawa ayge nikwe Uhokri iki gitkisnek ini ku kaharit igkis mpiksaw.

Nahme awna yit, ka ba yi amiyha yivetunyavu heneme bateknabay gikakkis. Priyepkawnabay gidahankis hiyeg ku pariye hiyapkis mbeyne yit.

— Ka aynsima kabaykanek gidahankis hiyeg ku pariye ikewnevwi yumanene gawaygikis giwntekneswatma. Mmanawa ayge nikwe igkis kawihnek Uhokri gikumadukan.

Ka aynsima kabaykanek gidahankis hiyeg ku pariye kabeywotevye hiyeg. Mmanawa ayge nikwe Uhokri kanumgikisnek gikamkayuvwi awaku gihiyekemnikis kewa gidahanbe.

Ka aynsima kabaykanek gidahankis hiyeg ku pariye kadniyevwi adahan givathawnikis. Mmanawa ayge nikwe Uhokri aydhaptihgikisnek.

Ka aynsima kabaykanek gidahankis hiyeg ku pariye hiyapkiska mbeyne gitkis avatra ku samah igkis kehne kabayka. Mmanawa ayge nikwe igkis kawihnek Uhokri gikumadukan.

Ka aynsima kabaykanek gidahankis hiyeg ku pariye amnihnevwi hiyeg. Mmanawa ayge nikwe Uhokri amnihgikis hawatanek.

Ka aynsima kabaykanek yidahan ku aysaw hiyeg mahivwihyi avatra ku samah yis nuhiyegavu. Ku aysaw igkis hiyapkis mbeyne yit nuvatra, ku aysaw igkis patehevyes yiw akak wasaymka nuvatra, ayge nikwe yis uti ka aynsima kabaykanek. Bateknabay yinaktin avim ini ku aysaw yis hiyepne mbeyne nuvatra. Bateknay ka aynsima, mmanawa yis uti yitiwninek kibeynewa aynte inurik. Mmanawa henewa Uhokri gawnevevu pitatyevwi avit yis igkis hiyapkiska mbeyne gitkis.

Ka aynsima kabaykanek gidahankis hiyeg ku pariye tuwatasewne gitivut Uhokri. Mmanawa ayge nikwe Uhokri kumadukasanek madikte hiyeg amadga hawkri gitkis.

— Nah kehte abektey yidahan akak pam. Pam muwakapka adahan kiterene im. Yis hawata, yis kewa pambe ay gibetkis hiyeg amedgenevwi inin adahan yihiyekemni kibeyhevye gihiyekemnikis. Heneme ku yis isaksa gihiyekemnikis parekwey, nikwe yihiyekemni humawnek ke pambe ku pariye wagesbetepka akak wayk. Ka ik adahan in kabayhaka akiw. Ini pam ka kawih adahan ariknawnema. In kawih adahannen padekwiki kahadbe in sibuhbetepka gavitkis neras ku pariye mpiyenevwi awvge. Hawata ku yihiyekemni payebdak akak mbeyviye hiyakemniki nikwe yihiyekemni kawnata kawih adahan ariknawnema akiw.

Amawka ku wis amnih hiyeg avigkutavrik ku samah Wigwiy inurikyene amnihpigkis.

Amawka pis ka awnati adahan kinisaka. Avuriwnaba madikte piwn ku pariye pis awnakere. Amawka ku piswa humaw pawneve adahan pivit. Ku pis awna: “Ihi”, amawka ku inakni piwn henewa “ihi”. Ku pis awna: “Kawa”, amawka ku inakni piwn henewa “kawa”. Ku pis awna iwit mpiy inakni, in awaku pis mbeyevye pihiyekemni.

— Yikannuhten hawata akka yit ku amekene Moís awna: “Ku pahavwi patukwika giwtyak, amawka ku ig diyuhkiska hawata patukwika giwtyak. Ku pahavwi dunihpika gaybu, amawka ku ig diyuhkiska hawata dunihpika gaybu.” Bawa ig amekene Moís awna inakni hene he adahan ig mpithene pahavwi adahan ig ka diyuhkiska mpinema ahawna gitaraksan. Heneme yikannuhten idis gidahankiswa gihiyekemnikis atere, igkis awna: “Inakni giwn awna ku pugamawka wis diyuhkis pahavwi.” Nahme awna yit, ku pahavwi tarakse pikak, ka muwaka diyuhkisgi. Ku pahavwi biwhbokep, kabayte pis wages pahambakya adahan ig biwhbokap pebakte mpinekata pis diyuhkisgi.

— Battukawnaba adahan pis avuriw pihiyekemni adahan pis ka taraksa. Ku pis me taraksemet awaku ku samah pis iveg gumkat nor tino akak piwtyak, kabayte pis wareke piwtyak pis padekwin mpinekata pis tarakse. Aysawnemenek pis katiwnih pitaraksannek. Kabayte pis biyukse piwtyak mpinekata pis biyukse pivit pahavwite amun ini iwetrit ku kiney kane aynsima kayahwaki. Hawata akiw ku pis me taraksemet akak piwak, kabayte pis bukihpin padekwin mpinekata pis tarakse. Mmanawa kabayte pis biyukse piwak pahabakya mpinekata pis biyukse pivit pahavwite amun ini iwetrit ku kiney kane aynsima kayahwaki.