Vargje biblike të njohura nga Matews 24

Ndaje

Avim ini mbeyevye mbayka wagehnene arimkat pi mbaytenene akiw. In keh kaba madikte hiyeg ka amnihak akiw. Ka sam. Ku yis ka isahkiswa nuwhunek he amaksemni hawkri, yis isahptawnek.

Aysawnemenek inin kibeyne inetit amin Uhokri gikumadukan in ekkepkanek givuwiwkis madikte hiyegviyenvwi amadga inin, kahadbe madikte hiyegviyenevwi timapni. Ayteke ariwnteke ini amaksemni hawkri danuhnek.

Ayge avim ini yis timap kutimniki kennesa. Hawata yis timap arak kutimniki piyawakad. Heneme ka yi muwaka wadisasaw. Amawka ku ini kutimniki danuh, heneme kote danuhte amaksemni hawkri.

Mmanawa aysawnemenek pahabunene hiyegviyenevwi kerbetpikisnek gikakkis nawenyewa hiyegviyenevwi akiw. Guvelma kerbetpikis igkisweke guvelma. Avim ini hawkri ka aynsima mihetniki danuh muwapunek. Hawata ka aynsima sagkaki muwapuw waxribdi. Heneme in he akavuskanenwa mbeyne. In ke pahavu tinobe ku aysaw eg kavusa kayah gukamkayh adahan eg pamakutekwiyo. In he akavuskanen.

En biyuke, waxri biyuke, heneme nuwnuh ka biyuk.

Mmanawa aysawnemenek ka aynsima hiyeg kahayaknek nuwavrik ke wotbe igkis ayta nuwntakbe. Igkis awnanek: “Nahnewa Cristo, nah Uhokri gikanyan adahan yikumaduketni.” Avim ini igkis kinisnek ka aynsima hiyeg.

— Avim ini yis kamaxavepkanek yis iwavavepkanek adahan yis hiyapkiska mbeyne yit. Hawata yis umahavepkanek. Ayge madikte hiyegviyenevwi amiyhevyinek awaku ku samah yis nuhiyegavu. Avim ininek ka aynsima hiyeg isahkiswevye giw Uhokri. Igkis kamaykisak pawtaknek. Hawata igkis amiyhak pawtaknek. Ayge nikwe ka aynsima hiyeg kahayaknek ku pariye ikawnamahkis Uhokri gawnevevu. Bawa igkis ka giwntakwatma Uhokri. Heneme igkis kinis ka aynsima hiyegnek.

Igme Kiyavwiye Jesus kaytwa wownuh akak kiyabawkad iwit. Ig awna: — Ka yi muwaka kinikiswa ta gitkis hiyeg.

Yisme kawnata hiyaknima ku kabet nah danuh, nah ku pariye wageswe awayg amadgaya inin. Nah danuh pahaye adahan. Amawka ku yis ahegbet takunipti.

Pukuhpawnabay nikwe. Mmanawa yis ka hiyaknima ku kabet nah yikivara danuh.

— Heneme nah danuh pahaye adahan. Yuma hiyeg ahiyekten ku kavim nah diyuh. Ine ahj inurikyenevwi ka hiyak. Ine nahwa Uhokri gikamkayh nah kawnata hiyak. Ignewa Wigwiy hiyak.

Mmanawa avim ini kinisekevutnevwi kahayaknek. Gaytakkis awnanek: “Nahnewa Cristo.” Bawa waditnevyenen. Gaytakkisme ikawnamah Uhokri gawnevevu bawa ignes ka giwntakma Uhokri. Igkis keh ka aynsima annutnek ku pariye keh hiyeg wakaymni ke wotbe in areketnibe Uhokri gidatni. Akak ini annutnek igkis hiyap ba igkis hiya gikinsakkis Uhokri gikanyanvu.

Nah ku pariye wageswe awayg amadgaya inin, ku aysaw nah danuh atan akiw, hiyeg gihiyekemnikis hawata ke hiyeg gihiyekemnikisbe minikwak ku kavim amekene Noé amadga inin. Mmanawa avim ini hawkri avit un digisase waxri ignes ka aminama giw Uhokri. Igkis axnes, higepnes, maripkewnes, ku samah inpawa gikehnikis he ku aysaw ini hawkri danuh adahan ig amekene Noé katapte amadgat ginawya. Igkis ka pukuhpawnema aynesnima avit ku pariye me danuhmet, he un digisase waxri in aniksasevgikis madikte. Nudawnhan hene, nah ku pariye wageswe awayg amadgaya inin.