Vargje biblike të njohura nga TATPATMEI 10

Ndaje

Khoutei RINGHPOUC rui Mousi khou sa the, “Nang tatna Pharao ta ariw o. Mi charynmei taanv guay hei ai rui kaniw khou taanc nuh khang, ai rui guangh khatni katuang meicdaihmei nunc lung titanclou kan the; kalam thu ai rui Izipmei nunc ruc khou adih tancna taanv swlou kan tu cho twmei, khatni ai rui kaniw pang khou charynmei taanv azuh taanclou kan tu cho twmei nangniw tou nac nunc khou nangniw rac bam khang, khatni ai hei RINGHPOUC e twmei nangniw thay khang e.”

Mi tangv RINGHPOUC rui Mousi khou sa the, “Nang baanc tingpuk biak thangc zay thau o; kum e thei Izip kandic kapwm hei katham tow ni kumhmei ramzing zingc puni.” Mousi kabaanc tingpuk biak thangc zay thau the; kumna zaeng neih thumh Izip kandic kapwm zingc gunh gunna zingc the. Izipmei nunc tei khat khat ta how dat mak khe; kumna mi ganv khou tei meic gaanv khat na sini kakai kai khou rui tat pat dat mak khe. Tiki Isaraelmei nunc bammei bamv khou tei thu gaanc khwan e.

Mousi rui katuang builwang Izip kandic ruc khou zay thau the, kumna RINGHPOUC rui neihpat thangc rui mi kandic khou tei zingbangc kalaanv mpwan ti-aliu zingc aliu thangclou the. Lauthwan pat pwkhou, hei tei rui nkav phungc guanglou the. Kapang kapang guangna, mi kandi kapwm tei nkav rui padik the. Hei tei how zat makmei, khatni how dat lakmei daic liangmei nkav pang khwan e.