Vargje biblike të njohura nga Noo Mian 16

Ndaje

Eisht dooyrt Yeesey rish e ostyllyn, My ta dooinney erbee aggindagh geiyrt orrym’s, lhig da eh hene y obbal, as e chrosh y hroggal, as geiyrt orrym.

As ta mee myrgeddin gra, rhyt, Dy nee uss Peddyr as dy nee er y chreg shoh trog‐ym’s my agglish: as cha vow giattyn niurin yn varriaght urree.

As ver‐yms dhyt’s ogheryn reeriaght niau: as cre‐erbee chianglys oo er y thalloo, bee eh kianlt ayns niau: as cre‐erbee eayslys oo er y thalloo, bee eh er ny eaysley ayns niau.

Son quoi‐erbee baillish e vioys y hauail, caillee eh eh: as quoi‐erbee chaillys e vioys er my ghraih’s, sauee eh eh.

Son cre’n vondeish t’ec dooinney, my chosnys eh yn seihll ooilley, as e annym hene y choayl? ny cre nee dooinney y choyrt ayns coonrey son e annym?

Dooyrt eshyn roo, Agh quoi ta shiuish gra, dy vel mee? Dreggyr Simon Peddyr, as dooyrt eh, Uss yn Creest, Mac y Jee bio.

Dansoor Yeesey, as dooyrt eh rish, Bannit t’ou uss Simon mac Jona: son cha nee feill as fuill t’er hoilshaghey shoh dhyt’s agh my Ayr t’ayns niau.