Vargje biblike të njohura nga Maliko 12

Ndaje

U Yesu akamwamula akati, “Ilamulo ikulu nkani paghosi lyo ili, ‘Teghelezya mwe ba Izilayeli! U Mwene u Chala witu, we Mwene weka mpela. Mumughanaye u Mwene u Chala winyu nu moyo winyu ghosi nu muzimu winyu ghosi ni nyinong'ono zyinyu zyosi na maka ghinyu ghosi.’ Ilyabubili ikulu lyo ili, ‘Umughanaye umupalamani wako ukuyana namumo wiyighaniye wemwenecho.’ Nalimo ilamulo ilinji ikulu ukuchila mabili agha.”

Akabitizya abamanyili bache poka nukubabuzya ukuti, “Naloli nkubabuzya ukuti umukolo umufwilwe umupina uyu, asopa indalama inyinji muchakusopelamo ukuchila abantu bosi abanji. Pakuti abanji bosi basopa zizyo basabulapo bulo pabukabi bwabo; loli umukolo uyu nu bupina bwache, asopa zyosi zizyo akaba nazyo ukuti zingamusunga.”

U Yesu akikala mu Nyumba iya Chala kupipi ni chakusopelamo ivyabupi nukwenelezya mumo abantu bakasopelagha indalama zyabo. Abantu abinji abakabi bakasopagha indalama inyinji. Loli umukolo umufwilwe umupina akiza nukusopa isalabazya zibili.

Umughanaye u Chala nu moyo wako ghosi ni nyinong'ono zyako zyosi na maka ghako ghosi. Umughanaye umupalamani wako ukuyana namumo wiyighaniye wemwenecho. Chapamwanya nkani ukukonka indaghilo zibili izi nukuchila ukubika ivyakwiyipa ivya vinyamana ivyakocha ni vinji ivyabupi kwa Chala.”

Po u Yesu akati, “Ivya Kesale mumupe u Kesale; ivya Chala mumupe u Chala.” Bo abantu bivwa zinizi, amahala ghakabamalila.