Vargje biblike të njohura nga Matai 26

Ndaje

Tomatala ye lomba, na beno kota ve mu mpukumunu. Mpeve ikele kuzola, kansi nsuni ikele lebakana.

Buna yandi tubaka kwa bau: Mwela ya mono ikele na ntantu mingi ti lufwa. Beno vanda awa ye tomatala sikamosi na mono.

Yandi kwendaka ndambu nantwala ye fukamaka va luse ya yandi, ye lombaka, kutuba: Tata ya mono, kana yo lenda, bika kopo yai luta mono. Kansi bonso mono zola ve, kansi bonso nge zola.

Kadi yai ikele menga ya mono ya luwawanu yampa, ya tiamukaka sambu na bantu mingi kuvidisa masumu.

Bu bau vandaka kudia, Yesu bakaka dimpa ye sakumunaka yo, ye bukunaka yo, ye pesaka yo kwa banlonguki, ye tubaka: Baka ye kudia, yai ikele nitu ya mono.

Yandi bakaka kopo ye pesaka matondo, ye pesaka yo kwa bau, kutuba: Kunwa yo beno yonso.

Yandi kwizaka kwa banlonguki ye kutaka bau kulala tulu, yandi tubaka kwa Petelo: Nki, beno lendaka ve kutomatala sikamosi na mono lokula mosi ?

Mono tuba kwa beno: Tuka ntangu yai, mono takunwa diaka ve mabundu yai ya nti ya vinia, ti lumbu ya mono takunwa yo yampa na beno mu kimfumu ya Tata ya mono.

Petelo bambukaka mambu ya Yesu tubaka: Bu nsusu imene kudila ntete ve, nge tabuya mono mbala tatu. Yandi basikaka ye dilaka mingi.

Telema, bika beto kwenda. Tala, yandi ya yekula mono ikele mfinama.

Buna Yesu tubaka kwa yandi: Vutula mbele ya nge mu sika ya yo; kadi bau yonso ya baka mbele takufwa na mbele.