Wycliffe Timor-Leste ℗ 2025 Wycliffe Bible Translators Inc

Biblia Mambae

<div class="version vid3634 iso6393mgm" data-vid="3634" data-iso6393="mgm">
   <div class="book bkRUT">
      <div class="chapter ch2" data-usfm="RUT.2">
         <div class="label">2</div><div class="s"><span class="heading">Rut asoor loor nor Boas</span></div><div class="p"><span class="content">  </span><span class="verse v1" data-usfm="RUT.2.1"><span class="label">1</span><span class="content">Ni Belem nei roo tuu kiid i ura met soi, gala Boas. Ura hii sao nor Elimeleke, Noemi ni mane baefe maet soub. Tuir room lisan ni la-ura, Boas man Noemi ni lia.</span></span></div><div class="p"><span class="verse v1" data-usfm="RUT.2.1"><span class="content">  </span></span><span class="verse v2" data-usfm="RUT.2.2"><span class="label">2</span><span class="content">Ni leolban iid, Rut, hiin ois rae Moabe, tuug la ura ni kai dega, "Au kai! Au leob la marao loi trigu baefe mou ni roo serbius seirgaa ni hoho ka tais? [Deis Maromak ni lei halai dega, fois roo kiak room fun manura.]</span><span class="note x"><span class="label">#</span><span class=" body">Levitiku 19:9-10; Deuteronomio 24:19; 25:5-6</span></span><span class="content"> Be laa fun nei roo seir atuud ni hua-lala kode ma au. Leob ka?"</span></span></div><div class="p"><span class="verse v2" data-usfm="RUT.2.2"><span class="content">Noemi ataan dega, "Leob la."</span></span></div><div class="p"><span class="verse v2" data-usfm="RUT.2.2"><span class="content">  </span></span><span class="verse v3" data-usfm="RUT.2.3"><span class="label">3</span><span class="content">I Rut la ni marao iid oid loi trigu baefe roo serbius seirgaa fois bael. Marao too Boas ni. Boas hii sao nor Elimeleke, Rut ni nai baefe maet soub.</span></span></div><div class="p"><span class="verse v3" data-usfm="RUT.2.3"><span class="content">  </span></span><span class="verse v4" data-usfm="RUT.2.4"><span class="label">4</span><span class="content">Arfiil Rut loi bael trigu, marao ubu, Boas maa ois aldeia Belem i ura asee ni artuub serbius seirgaa dega, "Saloom! NAI Maromak fois mata manhati la iim!"</span></span></div><div class="p"><span class="verse v4" data-usfm="RUT.2.4"><span class="content">Room ataan dega, "Saloom am-nai! NAI Maromak atuud Ni hua-lala kode la iit!"</span></span></div><div class="p"><span class="verse v4" data-usfm="RUT.2.4"><span class="content">  </span></span><span class="verse v5" data-usfm="RUT.2.5"><span class="label">5</span><span class="content">Arfiil Boas fei Rut loi bael trigu, ura tuug la ni mandoor dega, "Hiin hina sae iid la-ura, ni sao fe seen?"</span></span></div><div class="p"><span class="verse v5" data-usfm="RUT.2.5"><span class="content">  </span></span><span class="verse v6" data-usfm="RUT.2.6"><span class="label">6</span><span class="content">Mandoor too ataan, "Ura roo Moabe baefe hina suli futu nor senhora Noemi ois Moabe. </span></span><span class="verse v7" data-usfm="RUT.2.7"><span class="label">7</span><span class="content">Nafai bus ura ma tuug au dega, 'Xefi! Au leob laa loi trigu baefe roo serbius seirgaa fois bael ni la-ura ka tais?' I au ataan dega, 'Leob!' I ura serbius makaas soub ois bele bus rae hei kokaar raat agora uri. Ura free kaetkeen lea ni uum sarleol la-ura."</span></span></div><div class="p"><span class="verse v7" data-usfm="RUT.2.7"><span class="content">  </span></span><span class="verse v8" data-usfm="RUT.2.8"><span class="label">8</span><span class="content">I Boas la kase nor Rut dega, "Abii! Iit roo mata tema, kerkoed fliik ma au laad. Iit loi trigu ni uri lea, balikan muda la roo selu ni marao. Kode faklau ba leob roo ois an-hina room baefe serbius ma au ni uri. </span></span><span class="verse v9" data-usfm="RUT.2.9"><span class="label">9</span><span class="content">Fei kerkoed room doo trigu her bae, i arfiil room faklau soub hati uri, iit laa loi trigu her room hoho. Au tafaar soub la maen room ni uri oid ba leob book iit. I se iit moroo, la eun eer ni kantiil sergaa baefe room fois eer soub."</span></span></div><div class="p"><span class="verse v9" data-usfm="RUT.2.9"><span class="content">  </span></span><span class="verse v10" data-usfm="RUT.2.10"><span class="label">10</span><span class="content">Fliik manura, Rut diku raat rae. I ura dega, "Obrigadu, am-nai! Mahee au naa tafaar nam iid. Se am-nai taad soub, au baloos roo ois uri. Deis mansaba am-nai fois mata la au, nor atuud hua-lala kode ma au?"</span></span></div><div class="p"><span class="verse v10" data-usfm="RUT.2.10"><span class="content">  </span></span><span class="verse v11" data-usfm="RUT.2.11"><span class="label">11</span><span class="content">Boas ataan, "Doloo. Au taad soub. Deislaa roo ni uri tuir dega iit atuud iit hua-lala kode la iit kai arfiil iit mane maet soub. Room meit tuir dega iit fois bael iit ina-ama nor iit rae mori hati, oid ma ni roo selu ni leta, fedu ba taad room.</span></span></div><div class="q1"><span class="verse v11" data-usfm="RUT.2.11"><span class="content">  </span></span><span class="verse v12" data-usfm="RUT.2.12"><span class="label">12</span><span class="content">Deis manura au tuug la NAI Maromak,</span></span></div><div class="q2"><span class="verse v12" data-usfm="RUT.2.12"><span class="content">Israel ni NAI Maromak,</span></span></div><div class="q3"><span class="verse v12" data-usfm="RUT.2.12"><span class="content">oid seul iit hua-lala kode sergaa!</span></span></div><div class="q1"><span class="verse v12" data-usfm="RUT.2.12"><span class="content">Au tuug la Ura nee bensaun rini la iit,</span></span></div><div class="q2"><span class="verse v12" data-usfm="RUT.2.12"><span class="content">deis iit atuud iit hua-lala kode la iit kai Noemi.</span></span></div><div class="q1"><span class="verse v12" data-usfm="RUT.2.12"><span class="content">NAI Maromak fe kuidaud iit ni uri,</span></span></div><div class="q2"><span class="verse v12" data-usfm="RUT.2.12"><span class="content">deis iit nae segi la Ura,</span></span></div><div class="q3"><span class="verse v12" data-usfm="RUT.2.12"><span class="content">Man maun ana room koo ni maun ina ni lila sua."</span></span></div><div class="p"><span class="verse v12" data-usfm="RUT.2.12"><span class="content">  </span></span><span class="verse v13" data-usfm="RUT.2.13"><span class="label">13</span><span class="content">I Rut ataan dega, "Am-nai! Fedu au baloos iit artuub serbius room, am-nai fun tama soub au hua-lala, nor atuud meit iit hua-lala kode ma au."</span></span></div><div class="p"><span class="verse v13" data-usfm="RUT.2.13"><span class="content">  </span></span><span class="verse v14" data-usfm="RUT.2.14"><span class="label">14</span><span class="content">Arfiil room free naa aa, Boas tafaar la Rut, "Ma aa futu nor aem ni la-uri lea! Huu paun too, i se akar deum la nau too." I Rut laa medei fedeis roo serbius seirgaa. Toom ma Boas nee trigu hua seka la ura. Rut aa raat besu, i hii nei restu.</span></span></div><div class="p"><span class="verse v14" data-usfm="RUT.2.14"><span class="content">  </span></span><span class="verse v15 v16" data-usfm="RUT.2.15+RUT.2.16"><span class="label">15-16</span><span class="content">Arfiil ura suli siil la marao oid loi trigu restu baefe roo serbius seirgaa fois bael, Boas tafaar la ura ni serbius ubu seirgaa dega, "Fliik kodkoed! Ba leob book ura. Fois ura loi trigu ni bae lea. Ura loi fedeis trigu hutu gaa meit, ba nei nam iid. Au ba bruis, se iim asai trigu-ai iid ka ruu baefe iim huut telo soub, fois bael la ura loi. Ba leob bruis ura, i ba leob fun suat ura."</span></span></div><div class="p"><span class="verse v15 v16" data-usfm="RUT.2.15+RUT.2.16"><span class="content">  </span></span><span class="verse v17" data-usfm="RUT.2.17"><span class="label">17</span><span class="content">Rut serbius ni marao leolban tema. Arfiil leol mata naa mou soub, ura dae trigu, oid asai ni hua ois ni ai, i toer trigu hua ni boet iid benu.</span><span class="note f"><span class="label">#</span><span class=" body"><span class="fr">2:17 </span><span class="ft">Teor Ebreu halai dega, boet iid man </span><span class="it">eyfah</span><span class="ft"> iid. </span><span class="it">Eyfah</span><span class="ft"> iid kalmaan nei litru 22.</span></span></span><span class="content">  </span></span><span class="verse v18" data-usfm="RUT.2.18"><span class="label">18</span><span class="content">Ura oid trigu hua ni boet too, suil siil la aldeia Belem, i atuud ni rati era ois ni serbius too la ni kai. I ura meit asai namaa restu ois namaa nafai meudia too nee la ni kai.</span></span></div><div class="p"><span class="verse v18" data-usfm="RUT.2.18"><span class="content">  </span></span><span class="verse v19" data-usfm="RUT.2.19"><span class="label">19</span><span class="content">I Noemi tuug la Rut, "Nafai o loi trigu iid uri ni bae? O serbius ni seen ni marao? Sorti kode Nai Maromak nee bensaun la roo baefe fun kode la o ni leolban iid uri."</span></span></div><div class="p"><span class="verse v19" data-usfm="RUT.2.19"><span class="content">Rut ataan, "Au kai, marao ubu too gala Boas."</span></span></div><div class="p"><span class="verse v19" data-usfm="RUT.2.19"><span class="content">  </span></span><span class="verse v20" data-usfm="RUT.2.20"><span class="label">20</span><span class="content">Noemi dega la ni hiin heu, "NAI Maromak nee bensaun la Boas. Deislaa NAI Maromak ba miliug atuud Ura ni hua-lala kode la aem baefe mori, nor meit la iit mane room baefe maet soub. Au dega la o, Boas ura iit sao fedesi. Boas fe 'nei direitu naa seul togout'." [Iid ura dega, Boas fe nei direitu kaben nor o, oid nee bei-ana la o mane baefe maet soub.]</span><span class="note x"><span class="label">#</span><span class=" body">Levitiku 25:25</span></span></span></div><div class="p"><span class="verse v20" data-usfm="RUT.2.20"><span class="content">  </span></span><span class="verse v21" data-usfm="RUT.2.21"><span class="label">21</span><span class="content">Rut ataan, "Au kai, nafai Boas meit dega ma au, 'Ada ma siil. Iit leob loi trigu fedeis au artuub serbius seirgaa raat doo trigu meit.' "</span></span></div><div class="p"><span class="verse v21" data-usfm="RUT.2.21"><span class="content">  </span></span><span class="verse v22" data-usfm="RUT.2.22"><span class="label">22</span><span class="content">Noemi ataan siil, "Leob lea! Ura sinaal kode. O leob serbius futu nor ni artuub hiin serbius seirgaa raat tempu doo trigu meit. Ni roo selu ni marao roo leob book o, mahee ni Boas ni marao o kode bael."</span></span></div><div class="p"><span class="verse v22" data-usfm="RUT.2.22"><span class="content">  </span></span><span class="verse v23" data-usfm="RUT.2.23"><span class="label">23</span><span class="content">Manura Rut loi trigu restu ni Boas ni marao fedeis hiin serbius seirgaa raat tempu doo trigu nor doo meut meit. Ni tempu la-ura, ura hii hela manhati nor ni kai.</span></span></div>
      </div>
   </div>
</div>

Ni Belem nei roo tuu kiid i ura met soi, gala Boas. Ura hii sao nor Elimeleke, Noemi ni mane baefe maet soub. Tuir room lisan ni la-ura, Boas man Noemi ni lia.
Ni leolban iid, Rut, hiin ois rae Moabe, tuug la ura ni kai dega, "Au kai! Au leob la marao loi trigu baefe mou ni roo serbius seirgaa ni hoho ka tais? [Deis Maromak ni lei halai dega, fois roo kiak room fun manura.] Be laa fun nei roo seir atuud ni hua-lala kode ma au. Leob ka?"
Noemi ataan dega, "Leob la."
I Rut la ni marao iid oid loi trigu baefe roo serbius seirgaa fois bael. Marao too Boas ni. Boas hii sao nor Elimeleke, Rut ni nai baefe maet soub.
Arfiil Rut loi bael trigu, marao ubu, Boas maa ois aldeia Belem i ura asee ni artuub serbius seirgaa dega, "Saloom! NAI Maromak fois mata manhati la iim!"
Room ataan dega, "Saloom am-nai! NAI Maromak atuud Ni hua-lala kode la iit!"
Arfiil Boas fei Rut loi bael trigu, ura tuug la ni mandoor dega, "Hiin hina sae iid la-ura, ni sao fe seen?"
Mandoor too ataan, "Ura roo Moabe baefe hina suli futu nor senhora Noemi ois Moabe. Nafai bus ura ma tuug au dega, 'Xefi! Au leob laa loi trigu baefe roo serbius seirgaa fois bael ni la-ura ka tais?' I au ataan dega, 'Leob!' I ura serbius makaas soub ois bele bus rae hei kokaar raat agora uri. Ura free kaetkeen lea ni uum sarleol la-ura."
I Boas la kase nor Rut dega, "Abii! Iit roo mata tema, kerkoed fliik ma au laad. Iit loi trigu ni uri lea, balikan muda la roo selu ni marao. Kode faklau ba leob roo ois an-hina room baefe serbius ma au ni uri. Fei kerkoed room doo trigu her bae, i arfiil room faklau soub hati uri, iit laa loi trigu her room hoho. Au tafaar soub la maen room ni uri oid ba leob book iit. I se iit moroo, la eun eer ni kantiil sergaa baefe room fois eer soub."
Fliik manura, Rut diku raat rae. I ura dega, "Obrigadu, am-nai! Mahee au naa tafaar nam iid. Se am-nai taad soub, au baloos roo ois uri. Deis mansaba am-nai fois mata la au, nor atuud hua-lala kode ma au?"
Boas ataan, "Doloo. Au taad soub. Deislaa roo ni uri tuir dega iit atuud iit hua-lala kode la iit kai arfiil iit mane maet soub. Room meit tuir dega iit fois bael iit ina-ama nor iit rae mori hati, oid ma ni roo selu ni leta, fedu ba taad room.
Deis manura au tuug la NAI Maromak,
Israel ni NAI Maromak,
oid seul iit hua-lala kode sergaa!
Au tuug la Ura nee bensaun rini la iit,
deis iit atuud iit hua-lala kode la iit kai Noemi.
NAI Maromak fe kuidaud iit ni uri,
deis iit nae segi la Ura,
Man maun ana room koo ni maun ina ni lila sua."
I Rut ataan dega, "Am-nai! Fedu au baloos iit artuub serbius room, am-nai fun tama soub au hua-lala, nor atuud meit iit hua-lala kode ma au."
Arfiil room free naa aa, Boas tafaar la Rut, "Ma aa futu nor aem ni la-uri lea! Huu paun too, i se akar deum la nau too." I Rut laa medei fedeis roo serbius seirgaa. Toom ma Boas nee trigu hua seka la ura. Rut aa raat besu, i hii nei restu.
Arfiil ura suli siil la marao oid loi trigu restu baefe roo serbius seirgaa fois bael, Boas tafaar la ura ni serbius ubu seirgaa dega, "Fliik kodkoed! Ba leob book ura. Fois ura loi trigu ni bae lea. Ura loi fedeis trigu hutu gaa meit, ba nei nam iid. Au ba bruis, se iim asai trigu-ai iid ka ruu baefe iim huut telo soub, fois bael la ura loi. Ba leob bruis ura, i ba leob fun suat ura."
Rut serbius ni marao leolban tema. Arfiil leol mata naa mou soub, ura dae trigu, oid asai ni hua ois ni ai, i toer trigu hua ni boet iid benu. Ura oid trigu hua ni boet too, suil siil la aldeia Belem, i atuud ni rati era ois ni serbius too la ni kai. I ura meit asai namaa restu ois namaa nafai meudia too nee la ni kai.
I Noemi tuug la Rut, "Nafai o loi trigu iid uri ni bae? O serbius ni seen ni marao? Sorti kode Nai Maromak nee bensaun la roo baefe fun kode la o ni leolban iid uri."
Rut ataan, "Au kai, marao ubu too gala Boas."
Noemi dega la ni hiin heu, "NAI Maromak nee bensaun la Boas. Deislaa NAI Maromak ba miliug atuud Ura ni hua-lala kode la aem baefe mori, nor meit la iit mane room baefe maet soub. Au dega la o, Boas ura iit sao fedesi. Boas fe 'nei direitu naa seul togout'." [Iid ura dega, Boas fe nei direitu kaben nor o, oid nee bei-ana la o mane baefe maet soub.]
Rut ataan, "Au kai, nafai Boas meit dega ma au, 'Ada ma siil. Iit leob loi trigu fedeis au artuub serbius seirgaa raat doo trigu meit.' "
Noemi ataan siil, "Leob lea! Ura sinaal kode. O leob serbius futu nor ni artuub hiin serbius seirgaa raat tempu doo trigu meit. Ni roo selu ni marao roo leob book o, mahee ni Boas ni marao o kode bael."
Manura Rut loi trigu restu ni Boas ni marao fedeis hiin serbius seirgaa raat tempu doo trigu nor doo meut meit. Ni tempu la-ura, ura hii hela manhati nor ni kai.

Dëgjoj Rut 2