Batak Karo - Today's Karo Version, 1987 (NT) Drama

<div class="version vid35 iso6393btx" data-vid="35" data-iso6393="btx">
 <div class="book bkJHN">
 <div class="chapter ch2" data-usfm="JHN.2">
 <div class="label">2</div><div class="s">Kerja Erdemu-bayu i kuta Kana</div><div class="p"> 1Dua wari kenca si e lit kerja erdemu-bayu i kuta Kana i daerah Galilea. Nande Jesus ikut i bas kerja e. 2Jesus pe ras ajar-ajarNa iundang ku kerja e. 3Asum enggo keri lau anggur nina nande Jesus man Jesus, &#8220;Enggo keri lau anggur kalak si erkerja enda.&#8221;</div><div class="p"> 4Ngaloi Jesus, &#8220;O nande, labo man aturenkenndu kai si man bahanenKu. PaksangKu langa seh.&#8221;</div><div class="p"> 5Tapi nina nande Jesus man serayan e, &#8220;Ikutken kai si ikatakenNa.&#8221;</div><div class="p"> 6I je lit isikapken enem guci guna keperlun erburih rikutken adat Jahudi. Isi tep-tep guci lit kira-kira 100 liter. 7Nina Jesus man serayan e, &#8220;Isi tambe e alu lau seh dem.&#8221; E maka idemi kalak ndai tambe e. 8Jenari nina Jesus man kalak e, &#8220;Genduari jaruk lau e sitik jenari baba man sukut i bas kerja enda.&#8221; 9E maka ibaba kalak ndai lau e man sukut kerja e, jenari inanamina lau si enggo salih jadi anggur e. (La ietehna i ja nari rehna; tapi serayan si njaruksa metehsa.) E maka idilo sukut e si empo, 10jenari nina man bana, &#8220;Biasana anggur si mehulina nge lebe ielaken kalak, janah kenca puas temue e minem, ielaken anggur si biasa. Tapi kam seh asa genduari lit i bas kam anggur si mehulina!&#8221;</div><div class="p"> 11Enda me tanda sengget si pemena ibahan Jesus i kuta Kana i daerah Galilea. IcidahkenNa kuasaNa si mbelin e maka ajar-ajarNa tek man baNa.</div><div class="p"> 12Kenca bage lawes Jesus ras nandeNa, sembuyak-sembuyakNa bage pe ajar-ajarNa ku Kapernaum, janah i je me ia kerina ringan piga-piga wari dekahna. #Mat 4:13</div><div class="s">Jesus bengket ku Rumah Pertoton kalak Jahudi</div><div class="r">(Mat 21:12-13; Mrk 11:15-17; Luk 19:45-46)</div><div class="p"> 13Kenca Wari Raya Paskah kalak Jahudi enggo ndeher, lawes Jesus ku Jerusalem. #<span class="ref" data-usfm="EXO.12.1+EXO.12.2+EXO.12.3+EXO.12.4+EXO.12.5+EXO.12.6+EXO.12.7+EXO.12.8+EXO.12.9+EXO.12.10+EXO.12.11+EXO.12.12+EXO.12.13+EXO.12.14+EXO.12.15+EXO.12.16+EXO.12.17+EXO.12.18+EXO.12.19+EXO.12.20+EXO.12.21+EXO.12.22+EXO.12.23+EXO.12.24+EXO.12.25+EXO.12.26+EXO.12.27">Kel 12:1-27 14I bas Rumah Pertoton idapetiNa kalak erbinaga lembu, biri-biri ras nderapati. Lit pe i je kalak kundul si dahinna nukari duit. 15Jesus erbahan cambuk si idandan i bas nali nari. Alu e iligasiNa gelah ndarat asuh-asuhen e kerina i bas Rumah Peroton nari: subuk lembu, biri-biri. ItunggalingkenNa meja-meja kalak si nukari duit, seh maka merap duitna e kerina. 16Man kalak si erbinaga nderapati nina Jesus, &#8220;Angkat ndarat barang-barangndu e! Ola bahan rumah BapangKu jadi ingan erbinaga!&#8221; 17Perbahan si e inget ajar-ajar maka lit tersurat i bas Pustaka Si Badia, &#8220;O Dibata, keleng-ateKu nandangi rumahNdu, ngutkut desken api.&#8221; #Msm 69:10</div><div class="p"> 18Jenari kalak Jahudi si erkuasa ngelawan Jesus nina, &#8220;Tanda sengget kai banci ibahanNdu guna nuduhken man kami maka lit hakNdu erbahan si enda kerina?&#8221;</div><div class="p"> 19Erjabap Jesus, &#8220;Runtuhkenlah rumah Dibata enda, maka i bas telu wari Kupajekken ka mulihi.&#8221; #Mat 26:61; 27:40; Mrk 14:58; 15:29</div><div class="p"> 20Ngaloi kalak e, &#8220;IpajekkenNdu ateNdu mulihi i bas telu wari? La mungkin, sabap empat puluh enem tahun nai dekahna majekken Rumah Dibata enda!&#8221;</div><div class="p"> 21Tapi Rumah Dibata si ikataken Jesus, e me kulaNa. 22E maka kenca Jesus nggeluh mulihi, iinget ajar-ajar kai si ikatakenNa enda; janah tek ajar-ajar e kai si isuratken i bas Pustaka Si Badia bage pe kai si enggo ikataken Jesus.</div><div class="s">Kerina manusia itandai Jesus</div><div class="p"> 23Paksa Jesus i Jerusalem denga tupung Wari Raya Paskah, nterem kalak tek man baNa erkiteken tanda-tanda sengget si ibahanNa. 24Tapi Jesus la tek nandangi kalak e, sabap kerina manusia tangkas itandai Jesus. 25Labo perlu kalak nuriken kerna manusia man Jesus sabap ieteh Jesus nge kai si lit i bas pusuh manusia.</div>
 </div>
 </div>
</div>

Dua wari kenca si e lit kerja erdemu-bayu i kuta Kana i daerah Galilea. Nande Jesus ikut i bas kerja e. Jesus pe ras ajar-ajarNa iundang ku kerja e. Asum enggo keri lau anggur nina nande Jesus man Jesus, “Enggo keri lau anggur kalak si erkerja enda.”
Ngaloi Jesus, “O nande, labo man aturenkenndu kai si man bahanenKu. PaksangKu langa seh.”
Tapi nina nande Jesus man serayan e, “Ikutken kai si ikatakenNa.”
I je lit isikapken enem guci guna keperlun erburih rikutken adat Jahudi. Isi tep-tep guci lit kira-kira 100 liter. Nina Jesus man serayan e, “Isi tambe e alu lau seh dem.” E maka idemi kalak ndai tambe e. Jenari nina Jesus man kalak e, “Genduari jaruk lau e sitik jenari baba man sukut i bas kerja enda.” E maka ibaba kalak ndai lau e man sukut kerja e, jenari inanamina lau si enggo salih jadi anggur e. (La ietehna i ja nari rehna; tapi serayan si njaruksa metehsa.) E maka idilo sukut e si empo, jenari nina man bana, “Biasana anggur si mehulina nge lebe ielaken kalak, janah kenca puas temue e minem, ielaken anggur si biasa. Tapi kam seh asa genduari lit i bas kam anggur si mehulina!”
Enda me tanda sengget si pemena ibahan Jesus i kuta Kana i daerah Galilea. IcidahkenNa kuasaNa si mbelin e maka ajar-ajarNa tek man baNa.
Kenca bage lawes Jesus ras nandeNa, sembuyak-sembuyakNa bage pe ajar-ajarNa ku Kapernaum, janah i je me ia kerina ringan piga-piga wari dekahna.


Kenca Wari Raya Paskah kalak Jahudi enggo ndeher, lawes Jesus ku Jerusalem. I bas Rumah Pertoton idapetiNa kalak erbinaga lembu, biri-biri ras nderapati. Lit pe i je kalak kundul si dahinna nukari duit. Jesus erbahan cambuk si idandan i bas nali nari. Alu e iligasiNa gelah ndarat asuh-asuhen e kerina i bas Rumah Peroton nari: subuk lembu, biri-biri. ItunggalingkenNa meja-meja kalak si nukari duit, seh maka merap duitna e kerina. Man kalak si erbinaga nderapati nina Jesus, “Angkat ndarat barang-barangndu e! Ola bahan rumah BapangKu jadi ingan erbinaga!” Perbahan si e inget ajar-ajar maka lit tersurat i bas Pustaka Si Badia, “O Dibata, keleng-ateKu nandangi rumahNdu, ngutkut desken api.”
Jenari kalak Jahudi si erkuasa ngelawan Jesus nina, “Tanda sengget kai banci ibahanNdu guna nuduhken man kami maka lit hakNdu erbahan si enda kerina?”
Erjabap Jesus, “Runtuhkenlah rumah Dibata enda, maka i bas telu wari Kupajekken ka mulihi.”
Ngaloi kalak e, “IpajekkenNdu ateNdu mulihi i bas telu wari? La mungkin, sabap empat puluh enem tahun nai dekahna majekken Rumah Dibata enda!”
Tapi Rumah Dibata si ikataken Jesus, e me kulaNa. E maka kenca Jesus nggeluh mulihi, iinget ajar-ajar kai si ikatakenNa enda; janah tek ajar-ajar e kai si isuratken i bas Pustaka Si Badia bage pe kai si enggo ikataken Jesus.

Paksa Jesus i Jerusalem denga tupung Wari Raya Paskah, nterem kalak tek man baNa erkiteken tanda-tanda sengget si ibahanNa. Tapi Jesus la tek nandangi kalak e, sabap kerina manusia tangkas itandai Jesus. Labo perlu kalak nuriken kerna manusia man Jesus sabap ieteh Jesus nge kai si lit i bas pusuh manusia.

Dëgjoj JOHANES 2