Mavhesi emuBhaibheri Ane Mukurumbira kubva kuna रोमि 5

Pakurirana nevamwe

टरो आनि पापि लिसिनाँ डोक् माङ्‌हाङ्‌ङा खिरिस्‍ट आनि लाउङ्‌सा सिमा पाङ्‌सुङ् उन्‍ङा औधि माया आचोक्‍ना रिङ् आनिमेट्‌टे॥

हिट्‌नुङ् आनि चोगुम्‍ना आसाङा निरासा आचोक्‌निना, पोङ्‌भोने माङ्‌हाङ्‌ङा आनि औधि माया आचोक्‍ना रिङ् उन्‍ङा आपिडाना सेङ्‌सेङ्‌ना हाङ्‌सालाम्‍मा आनि ठाहा टोगुम्‍टुम्॥

हिट्‌टेप्‍मा एडोक् माखाक्, याङ्‌छामाङि चा आन्‍याँ निङ्‌ग्‍वाङि डोक् खुसि लिसिटिङा, पोङ्‌भोने याङ्‌छामा टोगुम्‍नाँ याङ्‌छामाङा आङ्‌मा हिमाना बोल् आपियुक् नुङ् आन्‍याँ ठाहा टोगुएसुम्‍मे॥ हिट्‌नुङ् याङ्‌छामा आङ्‌मा हिमाना बोल्‍ङा ओचेट्‌नुना चाट्‌ला लिसाना याप्‌मि आचोक्‌युक्॥ हिट्‌नुङ् ना ओचेट्‌नुना चाट्‌लाङा आनि आसा आड्‌डिक् बोल्‍लेउ चोगुटु॥

नाड्‌डेउङ् आनि चोगुम्‍ना बिस्‍वासङा माङ्‌हाङ् सोरि आनि धारमोति लिसेसे॥ हिट्‌नुङ् आनि डाङ्‌बा येसु खिरिस्‍टङा चोगुनाँ माङ्‌हाङ्‌लोक् आनिना साम्‍बान्‍धा ओचेट्‌नुना लिसेसे॥ येसु खिरिस्‍टङि आनि बिस्‍वास चोगुम्‍नाङा माङ्‌हाङ्‌ङा उन्‍ङाना मायादाया आनि आनिमेट्‌टेसे, हिट्‌डेउङ् हाट्‌ले आनि टोगुम्‍ना माङ्‌हाङ्‌ङाना मायादाया ठाहा टोगुम्‍टुम्॥ हिट्‌नुङ् आन्‍याँ निङ्‌ग्‍वाङि डोक् खुसि लिसिटिङा, पोङ्‌भोने माङ्‌हाङ्‌ङा उन्‍ङाना माहिमाङि आनि साहाभागि आचोक्‌युक् नुङ् आनि आसा चोगुम्‍टुम्॥

छेम्‍बा डोक्, पाइले आनि पापलाम्‍मा छुट्‌कारा टोक्‍मा आनि पाक्‍चा चोक्‍मा हिनेट्‌निम्॥ टरो जब माङ्‌हाङ्‌ङा टोङ्‌सुना बेला टाए, खिरिस्‍ट आनि पापि याप्‌मिचि लोङ्‌सा सिए॥

हिट्‌डेउङ् छेम्‍बा डोक् खिरिस्‍टङा माङ्‌हाङ्‌ङाना ओयाग्‌लाम्‍मा आनि आहिङ्‌ग्‌युक्, पोङ्‌भोने हाट्‌ले आनिम्‍टे खिरिस्‍टङाना ओहेलिक्‌लाम्‍मा माङ्‌हाङ् सोरि धारमोति लिसेसे॥

पोङ्‌भोने ठिबाङ् याप्‌मि आदामङा माङ्‌हाङ्‌ङाना आग्‍याँ पालान् चोग्‍वाट्‌टुन्‍नाँ जोम् याप्‌मिचि पापि उलिसे, हिट्‌नाडेडोक् ठिबाङ् याप्‌मिङा माङ्‌हाङ्‌ङाना आग्‍याँ पालान् चोगुनाँ जोम् याप्‌मिचि माङ्‌हाङ् ओटोकानाङि धारमोति उलियुक्॥

हिट्‌नुङ् नाटेप्‍मा एडोक् माखाक्, माङ्‌हाङ्‌ङि आनि आनान्‍दा चोक्‍मा हिडुम्‍टुम्, पोङ्‌भोने हाट्‌ले आनि डाङ्‌बा येसु खिरिस्‍टङा माङ्‌हाङ्‌ङाना ओसाइबाचि आनि आचोगाइसे॥