Mavhesi emuBhaibheri Ane Mukurumbira kubva kuna Luka 23

Pakurirana nevamwe

UYesu iitigilaga, “Ve Daada! Uvapyanile, pakuva vasiludzeeliye lwe vakululima.” Avakolakyanda avo viisoolanilaga ulusolo ulwa kugavana imyenda gya Yesu.

UYesu akumuhigaga iitigilaga, “Ndikukulongela ndakyene, ineengʼuli iyi wiivedzasa naane ku Paladiso.”

Neke atigilage, “Ve Yesu! Pe wiikwingila ku wutwa waako, uundziwukage!”

UYesu iikoolaga iitigilaga, “Ve Daada! Ndikuwuviika uwuumi wangu mu mawoko gaako.” Aaviye álongile idzo, gwidumukaga.

Pe vaafikile apaatambulwaga Libangʼa lya Mutuwe, vakumutovelelelaga uYesu pa kipindulihidzo. Avagonadaasi navo viitovelelelwaga, nayula pa kipindulihidzo kyakwe, yumwinga kundiyo kwa Yesu, uyungi kungʼigi.

Ukuvangila ikivalilo kya mutanda (6.00) pa muunyi, ukufikila ikivalilo kinyigondza (9.00), ikiisi kiigwidzaga mu nyi yonda, ilidzuwa liitilivalaga. Ilibupa lya mwenda mu tembeli, liideemukaga fipiidza fivili ukuhuma pakyanya ukufikila paanyi.

Umwimiilidzi va kipuga kya vakolakyanda pe adziweene idzo ídzihumiye, akumupeelaga indolo uNguluvi iitigilaga, “Ndakyene umuunu uyu akali mugolofu!”