Mavhesi emuBhaibheri Ane Mukurumbira kubva kuna Ohuchaaka 50

Pakurirana nevamwe

Eng'we mwadaha ohuuholaho esibi; nae Nasaae naadaha situlemo esiindu silai, esy'ohuwonia obulamu bw'abaandu baangi, koti lu bali buti.

Nae Yosefu yababoolera ati, “Mutatya daawe, ese haba siinyala ohweeberesa oluyaali lwa Nasaae.

Mani mutatya daawe; njia ohubaliinda, eng'we alala neende abaana beeng'we.” Mani Yosefu naboomiisa haandi naabagumia emyooyo.

‘Muboolere Yosefu muti, hwekweeda, leheramo bamwaanamao omusaango neende esyonoono syaabwe, olwohuba bahuholera esiindu sibi muno.’ Bulaanu, huhwekweeda, leheramo omusaango kw'abahalaabani ba Nasaae wa laatao.” Yosefu yalira muno nibali nibalomaloma nae.

Mani Yosefu yaboolera bamwaanang'ina ati, “Mbano ndi aambi ohufwa, nae Nasaae achia ohuba aambi naang'we, mani achia ohubatusa mu syaalo sino, abayire mu syaalo si yechubira eyiri Abburahamu, eyiri Yisaka, neende eyiri Yakobbo.”

Yosefu mani yeechubira eyiri abaana ba Yakobbo n'aboola ati, “Nasaae achia ohuba naang'we, mani mwahakiinge amakuumba kaange mukatuse mu syaalo sino.”

Yosefu yafwa naali neende emyaaka emia ndala neende ehumi (110). Boomya omubiri kwae, mani baakuta mu sanduuku mu Misiri.