Mavhesi emuBhaibheri Ane Mukurumbira kubva kuna 1 Petro 4

Pakurirana nevamwe

Ni kidɔ kakaa mɛ ɛ, mlalɔ mlɔ ahanuglɔ ba ni ɔna gbã, lɛ ese linu si kulɔlɔɔ kuzeewe eboe zimizi glegle.

Ɔnɔ kakaa ɔwa bidɔkɔkɔɛ ʋɛ gi azɛ ɛ, su axwɛ tɔ ɔkɔ bɛ ɔpɔni banɔdzedze ba ní anukwarɛɛ mɛ gi ɛɛwa Aya yɛ lipomepɛpɛ nɛ su axwɛ ní lɛ edeke la onu u.

Ɔniliɛ gi izɛpani liboe le e, ɔpani lɛ ŋwisi Aya yɛ liboe le ɔtutɔ ɛɛpani. Ɔniliɛ gi eesumu i, osumu ni kigaglaɛ liɛ gi Aya aki yɛ ɛ, atɔ ní liboe kakaa mɛ ɛ, biakɔ kukpɔ̀kpɔ̀ ki Aya gani Yesu Kristo me. Atɔ kusudraa ni kigaglaɛ kize yɛ kinɛ kɔtsinɔ kanɔmɛ anɔmɛ. Atɔ liba lɛ mɛ.

Pɔ̀ xegi wɔɛmɔ ɔzia kɔkpɛ gi wonu Kristoɔnɛ ɛ, likíku wɔ kuye e, boŋu i, do Aya ɖase si linyii nɛ klɔ lilɛ ní wɔ su.

Kidɔ kakaa kɛ ɔgùkɔ ɛna pɔ́. Lɛ loso, mladra mlɔ begyodi ʋa mɛ, tɔ mlaŋa isu aʋa atɔ mlaatani Aya kuxwa.

Mɛ benemi dimɛnɔ ba, kufekedi yeʋiyeʋi uliɔ mɛ gi mlɛɛga ɛ, kukíze onugutsetse ɛki mlɔ ŋwisi bidɔ gi baʋímɔ edi i kɛ kiba mlɔ aʋa kinɛ. Boŋu i, mlamɔ isami si mlɛmɔ kapɛatɔ ní Kristo yɛ ɔzia mɔmɔ nɔ mɛ, tɔ isami iku mlo ɛsanɔ xegi bebu yɛ kuklekleo ɛbasɛ i.

Mladra mlɔ kupeo aki mlɔ ahanuglɔ ba faã kutɛ̀tɛ̀ kukíze ní lɛ mɛ ɛ.

Lɛ loso e, banama gi bɛmɔ ɔzia nɔ ní Aya yɛ kupɛpɛɔ onu i, lilɛ si bakɔ ba isu akpɛ ní ba ɔbitɛbitɛɛ anukwarɛɛ onetee yɛ awla tɔ batrɛ ní ba eboe gbã na aʋa a.

Lɛ loso gi Kristo amɔ ɔzia nɔ ní yɛ kisugyaɛ mɛ ɛ, lilɛ si mlɔ fɛ mlakpɛ isu kigagla ni begyodi ʋa klɔ ke gi beze ní yɛ awla ɛ, lɛ ese linu si ɔniliɛ klɔ gi amɔ ɔzia nɔ ní yɛ kisugyaɛ mɛ ɛ, ɔ́kpɛ ɔha ni eboe zimizi tɔ ɔ. Lɛ klɔ ʋa loso e, yɛ ligbã nɛ dɔni abla kɔtsinɔ ɛ, líma ɛki kelea lia ya me kisugya mɛ kupɛ́pɛ zimizi i, boŋu ki Aya yɛ kupɛ́pɛ ɛ.

Bɛkrira mlɔ xegi bekpini mlo kɔkpɛ Kristo yɛ linyi ne loso o, lɛ ese linu si kuklekleo Ɔfuɛfuɛ nɔ gi onu Aya yɛ Ɔfuɛfuɛ nɔ ɛ, ɔtini ní mlɔ aʋa.