Mavhesi emuBhaibheri Ane Mukurumbira kubva kuna Orɔm 5

Pakurirana nevamwe

Sə ǹdə́ nə́ gə́ yʼâ gwẽ̌ wɔ́ yə̀-bəlwàálɛ cìnə́ yi ní, Kristə cù nə́ yilə. Wɔ́ èta Yi tó né rə byili nə́ba rə̀ sónó wə́.

E jà rə̀ nyì-bwelé y nə́ rʼé dɛ̃̀ è pyǐrh mó də̀ jə́jɔ̀rɔ́ kɔn yé, bə̀ Yi ce rə̀ sónó w sú nə́ wun ní, rə̀ Eshirhə y rə̀ pɔ nə́ba mɔ́ jàn yilə.

Sə kɔn du, nə́ wun gə́ nyɛ̀ mɔ́, wɔ́ nə́ gə́ yě bə̀ nə́ gə nʼé nwɛ̀nɛ̀ myɛ, nɔ̀nɔ̀ w òmyɛ́ bʼa ce nə́ pyɛ́nɛ́ nə́ zhì kẽkẽ. Sə cìn-pyɔ́nɔ́ mɔ́ mə̀myɛ́ bʼa ce, nə́ zhì nə́ nà yó yò-còlò yi ní. Èta, nə́ gə pyɛ́nɛ́ nə́ zhì nə́ nà y yó, nə́ bʼâ ŋwɛ̀nɛ́ nə́ dɛ̃̀ Yi nyì-bwelé y pyǐrh mó.

Nə́ gə́ zhí Yi ni mú ce nə́ kʼé bə dwə́ə́re zhe yé. Èlâsɛ̃´, yə̀-zùlə́ ŋwɛ́nɛ́ nə́myɛ̌ ǹdə́ rə̀myɛ́ bwə̂l wə, nə́ Cinu Yezu Kristə jàn yilə. Ń ce nə́ tó nə́ Yi-ni-zhú mú dɛnnɛ nə́ ŋwɛ̀nɛ́ nə́ lwar rə̀ sónó w gə́ nyɛ̌ nɛ́. Èta, nə́ zhǐ ò wẽ́ kẽkẽ. Nə́ wun jʼà nyɛ̀, bə̀ nə́ yě bə̀ nə́ bʼâ nə cəl rə̀ zùwə́ y wẽ́.

Zhə̀nà, yi rí tɛ̀bɛ́ Yi yʼà cír mó gə́ tú e yí, ǹdə́ nə́ yʼâ gwẽ̌ wɔ́ bə-jàn-zhəəre cìnə́, Kristə cù lyì-bəlwâlsɛ yilə.

Ń jal mɔ́ mə̀ ló tɛ̃´ mɔ́ ce nə́ kʼé bə dwə́ə́re zhe yé; sə kɔn du, nə́ yě pamparɛ̃ɛ̃ bə̀ ń bà n zwẽ nə́ba nə́ lú Yi lyim dí yé né.

Shãã ga, wɔ́ lò mə̀dù sásá ń yà ń cẽ Yi nyí ni, lyì nánzhəzhɔ̌ zɛ̃̀ bə jǐrh yə̀-bəlwàálɛ cìnə́. Èta myɛ, wɔ́ lò mə̀dù sásá ń shɛ̀nɛ́ Yi nyí ni, lyì nánzhəzhɔ̌ zɛ̃̀ bə jǐrh lyì byɛ̀bɛ́ bə̀ bə dwə́ə́re zhe.

Sə è də̀ rə̀myɛ́ dúdú yé. Nə́ wun nyɛ̀ ǹdə́ Yi, nə́ Cinu Yezu Kristə jàn yilə, bə̀ wɔ́ ńmyɛ̌ jàn yil nə́ yò kwɛrhɛ ǹdə́ Yi.