Mavhesi emuBhaibheri Ane Mukurumbira kubva kuna Lud kar liq 8

Pakurirana nevamwe

Mig gig daq kig lo ve chaw lehd koz che teq pa awr lehr, daq che ni ma awg khuhn gha kad che chaw teq pa haq koz che yaog. I hehd awr lehr, bon khuhd u ve haq cuhz cid lar lehq, yeg khanr che khuhn awg sir nuhaq che yaog.

A chud de khuhn ve chaw lehd koz che teq pa awr lehr, i hehd bon khuhd haq gha kad peg che chaw teq pa yaog. Kheh ma khuhd, i hehd mig gig khod-aq lo a saq teq chehd che te yand, duhd har gad har che teq pa, paw sa che teq pa he lehq ha lehg tug awg ceng teq pa i hehd haq hoz lar lehq, awg sir nuhaq maq gha.

Huhx meh thag lo ve chaw lehd koz che teq pa awr lehr, bon khuhd u ve haq gha kad lehq ha lehg ha ka haq yug che chaw teq pa haq koz che yaog. Kheh ma khuhd, i hehd awg chi ma cuhz nax cheaq te lehq, teq cuhx teq jaw nehax lehax yonr lehq ber che lawd cheaq gha phud ver kawq lug vehr che yaog.

Yer suq i hehd haq na lehq koz che, “Nig hehd teq pa yonr che ni ma khar lo saw veh cheawg le,” lehd koz vid che yaog. I hehd teq pa kuhz jad and jad lehq koz daq che, “Ag log, chaw che phad che a suawg le. Yawd ded ver, ghig bad he lehq muhd huh teq pa liz yawd khuhd na che law.”

Yaq kaw khuhn ve chaw lehd koz che teq pa awr lehr, bon khuhd u ve haq i hehd gha kad peg liz khawd-ehg te lehq i hehd maq gha yonr tug he lehq thaer khuhq che haq maq gha vid tug, ned haeg Sar tanr lag lehq i hehd ni ma khuhn ve bon khuhd u ve haq yug kha vehr che yaog.

Awg lawn ghod ver, kha khuhd ceh lar che awg ceng teq pa kha nehax gha mawg tug yaog. Su haq maq sir cuh vid gad che awg ceng teq pa liz su siar lehq, awg ghiz pawd kig lo tuhaz tug yaog.

Yad mid u ve awr lehr, khuhd ceh maq gha veh che law lehz sir vehr lehq, yawd kuhz jad che khuhn tuhaz lehq Yer suq mehz khuhd suhr kuhz ched che khuhn boz cuhx lar lehq koz che, a thoq te lehq vad che he lehq yawd a nar na vehr che chaw kheh ma ve kad chehag huh koz vid che yaog. Yer suq yawd haq koz vid che, “Yad mid-og, nawg a nar na vehr che ix ve awr lehr, nawg yonr che haq te lehq yaog. Ha lehg duhd sa che khuhn kae lor,” lehd koz vid che yaog.

Awg laq ghuhd teq pa Yer suq haq ca nuhr tu vid lehq koz che, “Jawd mawd-og, ngag hehd teq pa suh vehr tez-or,” kheh te lehq, yawd tuag lehq muhd huh he lehq ghig bad haq ded vid lehq muhd huh jehd vehr lehq ghig bad liz dehg vehr che yaog.