MATHAIIN 28
28
Anthuiretna
(Mk 16.1-10; Lk 24.1-12; Jn 20.1-10)
1Pongansa nikhua ahek le hapta nikhua mansa ani suak aphuta, Mari Magdalini le hanuk Mari than a en ahong u. 2Hanke enro, ninun rikpa anlaiseka ahong raka asik chu Puma a vanpalai khat anvan ata ahonga chuma, ha lung akhai pe na hatuka a chunga ansut. 3Ama a mel sumansai ang hatuka a puan arial ang avar. 4Ama anchia a rung ngai ha annok u na athi ang ei ni u.
5Ha vanpalai, nupang ngai ha ei ti pe, “Achi u no ro asik chu ka na riat u, Krosa thipa Isua neia rok u. 6Ama hi hivan om lai mak, asik chu anthui zei, ei ti anga hong u ta Puma ei zalna mun so hong en u ro. 7Hatuka anrapa se u tan, a zolai ngai ril u ro ama hi athi ngai bil ata anthui zei enta na maton u na Galilia ase zei, sovan va mu un na ti, en u ro kei na manthei ani u zei.”
8Hava han amani anchi le raisana anrapa than ata asuaka, a zolai ngai thang abang ranga atana ase u. 9Hanuk enro, Isuan hangai ahong depa, “Phukdaina don u ro,” ati hanke ahong dep u na a ke asur u amok u. 10Hanke Isuan hangai ha, “Achi u no ro, ati pe ka parual ngai va manthei u ro, Galilia se u rase hava han na va mu unti.”
Arungngaiin ei Ril
11Amani ase u lai tak arung ngai bila khuana ase u na, hongmo ei ni hava ngai dora chaizung ngai ha ei ril u. 12Hanke kho ulian ngai bila anchun u na ei anril u, hanke ha sipai ngai ha sum atampa apek u. 13Ei ti pe u, “A zolai ngaiin na in kara zana ahong maruk viak u ti u ro. 14Hatuka hiva chong hi ram a oppun ariat ten koinin manthei intia, hatuka antak nei teng u rang ata na huai bo mani.”
15Hanke hangai ha sum achoia ei manchu u anga hava anga atho u, hatuka Juda ngai bila hava ruia asip zita hava ha avian tenpei ala om.
Isua a Zolai kom Anlang
(Mk 16.14-18; Lk 24.36-49; Jn 20.19-23; Kts 1.6-8)
16Hava suale zolai somleikhat Galilia Isuan ei aruat muala ase u. #Mt 26.32; Mk 14.28 17Hatuka ama amu u na amok u, ten hohonmo chu iam u maka. 18Hanke Isuan ahong depa hangai le ei chong hintin hin ei ti, “Anvan le phila ningneina dora ka kom anpek ke ani zei. 19Hasik han se u tan, namtin ha zolaia va sin u ro, Pa le Naipasal le Ratha Anthiang raminga hangai ha baptisma va pe u ro. #Kts 1.8 20Hatuka chong kei na pek u ngai apom rang manchu u ro. Hatuka en u ro hun hek tenpei na bibil u na om chian ka ting,” ati.
Currently Selected:
MATHAIIN 28: RANGBSI
Označeno
Share
Copy
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.