MATHAIIN 24
24
Jerusalem Siatna Isua Hongkir Retna
(Mk 13.1-2; Lk 21.5-6)
1Hatuka Isua Pathian biakin ata asuaka ase, hava lai tak a zolai ngai ama ha biakin chopui ngai anmu ranga a kom ahong u. 2Tenchu aman hangai ha a masanga, “Nangnin hiva ngai dora nei mu u ni mak mo? Ataka kei na ti ni u zei hiva muna lung khat chunga lung om no ni aloma philvut zuang inti.”
Antak le Ansinsakna
(Mk 13.3-13; Lk 21.7-19)
3Hatuka Oliv tang chunga ansuta a zolai ngai maruka ahong u na ati u, “Na ril ta hava ngai ha itikmo ei ni rang, hatuka nei hong na rang hun hek imo andangna.”
4Isuan hangai ha a masanga ei ti, “En u ro, min na huang u ni. 5Asik chu ka raming a zuara hong inti, ‘Koi hi ha Krista,’ antin ti hatuka mi tampa huang inti. 6Hatuka anduina chong le anduina thang re u na ti en u ro, anngui u no ro asik chu hiva ngai hi ei ni nget rang. Ten havan um la hek no ni. 7Asik chu nam le nam ram le ram lan dui inti. Hatuka muntina maitam le ninu hong inti. 8Tenchu hava ngai dora ha antak ei phut phing ke.
9“Hatik han min antak ranga na pe unti na that unti hatuka ka raming sika nam doran na mumak unti. #Mt 10.22 10Hanuk hava lai tak han mi tam a malung ni no ni angkhatin atei khat mansur inti angkhatin atei mumak inti. 11Hatuka achan deari rathol suaka mi tampa huang inti. 12Hanuk minzik nok ei pung sika mi atam riai anditna dai inti. 13Tenchu ahek tenpeia angir tita a om tak chu ama ha zok inti. #Mt 10.22 14Hatuka nam dora koma anriat ranga a ram hi Thangahui ramual dorana lan ril inti hanke ei la hek rang.
Hun Anchirua
(Mk 13.14-23; Lk 21.20-24)
15“Hasik han ‘Siatna annim neinun’ Daniel deari ei ril hava ha mun anthianga anding a om na mu u tik anpore takin re rase.” #Dan 9.27; 11.31; 12.11 16“Hatik han Juda na om ngai ha tang tiang rot rase, 17in chunga om tak ha neinun alak ranga thuaia chum no rase. #Lk 17.31 18Hatuka phai a om tak ha a puan alak rang anuk kira hong no rase. 19Hatik han anrai le naite pom ngai chung aping u ke. 20Hava han borzong u ro nudin adai le pongansa nikhua arotna dan nei suak u nokna ranga. 21Asik chu hava tik han antak sabak inti ramual aphut ata atun tenpei ha ang ha la om mak omum lai no ni. #Dan 12.1; Anl 7.14 22Hatuka ha nikhua ngai ha antom nok anten nukaneiin diar no ni. Tenchu anphun ngai ranga ha nikhua mantom inti.
23“Hatik han min nangni rang ha enta, ‘Ha Krista ha hivan,’ ‘Sovan,’ ana ti u nam iam u no ro. 24Asik chu Krista rothol le deari rathol ngai anthui inti. Hatuka andangna lian pangai, changdongna pangai, riat theina manmu inti athei ten anthang ngai tena huang inti. 25En u ro! Man ata kei na ril u ni zei.
26“Hasik han min, ‘Enta, ama so philchara,’ ati u nam suak u no ro. Enta, ama so asunga om ati u nam iam u no ro. #Lk 17.23-24 27Asik chu khuanlek hontinmo sualam ata asuaka taklam tenpei ei anlang, hantin han Miring Sapa hong vun inti.
28“Ruak ei omna taka hava han sarakuru anchun inti. #Lk 17.37
Miring Sapa Eihong
(Mk 13.24-27; Lk 21.25-28)
29“Hatuka hatik han antak asuak suale ani zing inti, than a ra-ang pe no ni, anvan ata arasi ngai chul inti, anvana thotheina adon dora annik inti. #Isa 13.10; 34.4; Ez 32.7; Joel 2.10,31; 3.15; Anl 6.12-13 30Hatuka, hanke Miring Sapa andangna anvana anlang inti, hatuka phil chunga panchi dora chap inti hatuka Miring Sapa ha anvana summoirota thotheina le alianna sabak le a honga mu un na ti. #Dan 7.13; Zek 12.10-14; Anl 1.7 31Hatuka ama ha bekul maring rahupui le a vanpalai ngai hong tir inti, amanin anvan rikung khat ata rikung atei tenpei kil manli ata ei athang ngai ha munkhata re inti.
Theichang Kung ata Anchuna
(Mk 13.28-31; Lk 21.29-33)
32“Theichang kung ata ankhina anchu u ro, abak annui ata abua anchera hava han na riat thei u surlai anai ati na. 33Hantin han, hava ngai dora rui na mu u le, re un na ti ama anai reia makota ken zei. 34Ataka kei na ti ni u zei hiva ngai akip zit maseng hiva huna mi ngai hek no ni. 35Anvan le phil hekin ti, ten ka chong anpei pial no ni.
Ahun Tuten Remak
(Mk 13.32-37; Lk 17.26-30,34-36)
36“Tenchu ha nikhua zoro rui tuten re mak vanpalai ngaiin um, Naipasalin um remak; Pa rong ke ariat. 37Ataka Nova hun lai hontinmo ei ni ha hantin den Miring Sapa ahong tik um ni inti. #Anp 6.5-8 38Asik chu tilian sang mana rakuanga Nova alut nikhua tenpei min asak anek ei tho, nungak ei lak ruathar ei lak. 39Hatuka rethei u mak tiliana aloma atana anning zit u maseng.Hantin han Miring Sapam hong inti. #Anp 7.6-24 40Hatik han mi anni phaia om inti, angkhat anlak inti, hanuk atei mak inti. 41Nupang annin vaipol suk inti, angkhat lan ti atei ha man ti.
42“Hasik han menga om u ro, asik chu na Puma u itikmo ei hong rang re u mak che. 43Tenchu hiva hi re u ro anru itikmo ei hong rang, hava ha in pumapan ariat ten meng chian intia, in bang khur man chui no ni. #Lk 12.39-40 44Hava rang ha ansin u ro, na malunga ahun nei ti u nok na han, hava han Miring Sapa hong inti.
Suak Iamrua le Iamnokrua
(Lk 12.41-48)
45“Atun, ha iamrua suak ahian, tumo ama ha a puman a unai ranga ei phun hangai ha ahun taka sak ei pek. 46Achanasa ha suak a pumapa a honga hantina atho ei mu tak ha. 47Ataka kei na ti ni u zei, aman ha nai ha anei dora chunga ulian manchang inti. 48Tenchu ha suak salui, a malulunga ka puma hongna rang ala sot ati na, 49hatuka alom suak ngai azema, hatuka anri ngai bila asak aneka, amaruang nok lai tak han, suak puma ha hong inti. 50Hatuka alei ngak nok nikhua le alei iam nok hun taka, ha suak puma chu hong inti. 51Hatuka ama ha bong anni manchang inti, phuazekam ngai bila achangai pe inti, hava muna chapa aha arial inti.
Currently Selected:
MATHAIIN 24: RANGBSI
Označeno
Share
Copy
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.